ព័ត៌មានជាតិ
ឧត្តមសេនីយ៍ឯក ហ៊ុន ម៉ាណែត អនុញ្ញាតឱ្យសប្បុរសជន ដែលឧបត្ថម្ភដល់កងទ័ព និងសមាគម TYDA ចូលជួបសម្តែងការគួរសម
នាពេលថ្មីៗនេះ នៅទីបញ្ជាការកងទ័ពជើងគោក ស្ថិតក្នុងខណ្ឌកំបូល រាជធានីភ្នំពេញ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក បានទទួលជួបសំណេះសំណាលជាមួយសប្បុរសជនជាច្រើនរូប ដែលបានចូលរួមចំណែកជួយឧបត្ថម្ភអំណោយជាសម្ភារបរិក្ខារប្រយុទ្ធនឹងជំងឺកូវីដ-១៩ ហើយក្នុងនោះក៏មានការចូលរួមផងដែរពីទីប្រឹក្សាពាណិជ្ជកម្ម និងសេដ្ឋកិច្ចនៃស្ថានទូតចិនប្រចាំកម្ពុជា។
នៅក្នុងជំនួបនោះ លោកឧត្តមសេនីយ៍ឯក នាមនាយទាហាន នាយទាហានរង និងពលទាហាន កងទ័ពជើងគោកនៃកងយោធពលខេមរភូមិន្ទ ក៏ដូចជាសមាជិក សមាជិកា នៃសមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និងក្រុមគ្រូពេទ្យសម្តេចតេជោប្រឆាំងកូវីដ-១៩ នូវអំណរគុណចំពោះសមានចិត្តដ៏ថ្លៃថ្លារបស់សប្បុរសជន ដែលបានរួមចំណែកឧបត្ថម្ភថវិកា និងសម្ភារបរិក្ខារ ដើម្បីគាំទ្រដល់កងទ័ពជើងគោក ក៏ដូចជាសមាគម TYDA នៅក្នុងបេសកកម្មប្រយុទ្ធនឹងជំងឺកូវីដ-១៩។
ចំណែកលោកបណ្ឌិត ហេង វុទ្ធី ក្នុងនាមសមាគមអ្នកវិនិយោគចិននៅកម្ពុជា និងជួសមុខឱ្យសប្បុរសជនទាំងអស់ បានគោរពថ្លែងអំណរគុណលោក ហ៊ុន ម៉ាណែត និងលោកស្រី ពេជ ចន្ទមុន្នី ដែលបានខិតខំប្រឹងប្រែងលះបង់អស់កម្លាំងកាយចិត្ត ដោយមិនខ្លាចនឿយហត់នៅក្នុងបេសកកម្មជួយសង្គ្រោះអាយុជីវិតប្រជាពលរដ្ឋ ដែលរងគ្រោះដោយសារជំងឺកូវីដ-១៩ រហូតត្រូវបានប្រសិទ្ធនាមថាជាមេទ័ពអាវសដ៏អង់អាច។
ជាការឆ្លើយតប លោកមេបញ្ជាការកងទ័ពជើងគោក ក៏បានគូសបញ្ជាក់អំពីសារៈសំខាន់នៃស្មារតីជួយគ្នាទៅវិញ ទៅមកក្នុងកាលៈទេសៈលំបាក ជាពិសេសក្នុងស្ថានការណ៍នៃជំងឺកូវីដ-១៩។ លោកបន្តថា នៅកម្ពុជា សភាពរីករាលដាលនៃជំងឺនេះកំពុងស្ថិតក្នុងកម្រិតអាចគ្រប់គ្រងបាន ខណៈបណ្តាប្រទេសលើសកលលោកកំពុងប្រឈមខ្លាំងនៅឡើយ ដែលនេះគឺជាជោគជ័យមួយគួរជាទីមោទនៈ ក្រោមការដឹកនាំរបស់រាជរដ្ឋាភិបាល ក្នុងការប្រយុទ្ធនឹងជំងឺកូវីដ-១៩ ។
លោកថា ជោគជ័យនេះ គឺពិតជាមិនអាចកាត់ផ្តាច់បានពីការចូលរួមចំណែកយ៉ាងសកម្មរបស់មន្ត្រីរាជការ ក្រុមគ្រូពេទ្យ និងកងកម្លាំងប្រដាប់អាវុធគ្រប់ប្រភេទ ក៏ដូចជាអង្គការ សមាគមទូទាំងប្រទេសនោះឡើយ ជាពិសេសការចូលរួមចំណែកគាំទ្រពីសំណាក់សប្បុរសជន និងវិស័យឯកជននានា ក៍ដូចជាពីបណ្តាប្រទេសជាមិត្តផងដែរ៕
ដោយ ៖ កោះកែវ
-
កីឡា៥ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ១ សប្តាហ៍ agoអភិបាលស្រុកសំរោង ចុះពិនិត្យស្ពាន «កាប់នឹម» បាក់ស្រុតធ្ងន់ សិក្សាលទ្ធភាពជួសជុលឡើងវិញ ដើម្បីធានាសុវត្ថិភាពពលរដ្ឋ
-
កីឡា៥ ថ្ងៃ agoចប់សន្សំពិន្ទុជុំទី២ World Cup 2026 រកឃើញ ៧ ក្រុមឡើងវគ្គ ៣២ ក្រុមចុងក្រោយ
-
ព័ត៌មានអន្ដរជាតិ៥ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន
-
ព័ត៌មានជាតិ៦ ថ្ងៃ agoអ្នកវិភាគមើលឃើញពីសក្ដានុពលពាណិជ្ជកម្មសេរីរវាងកម្ពុជានិងអឺរ៉ាស៊ីស្របគ្នានឹងបញ្ហាប្រឈមមួយចំនួន
-
ព័ត៌មានអន្ដរជាតិ២ ថ្ងៃ agoតុលាការកូរ៉េខាងត្បូង ផ្ដន្ទាទោសអតីតជំទាវទីមួយ Kim Keon Hee ជាប់ពន្ធនាគារ ៧ឆ្នាំ ពីបទទទួលសំណូក
-
ព័ត៌មានអន្ដរជាតិ១ ថ្ងៃ agoអាមេរិកបើកការវាយប្រហារលើអ៊ីរ៉ង់ ២ថ្ងៃជាប់គ្នា ដោយចោទទីក្រុងតេហេរ៉ង់ថា រំលោភលើកិច្ចព្រមព្រៀង
-
សន្តិសុខសង្គម១ សប្តាហ៍ agoបារីជិត១០០ប៊ិច ត្រៀមដឹកគេចពន្ធទៅថៃ ត្រូវបានសមត្ថកិច្ចបង្ក្រាបបានទាន់ពេល ខណ:ក្រុមឈ្មួញគ្មានញញើតច្បាប់