ព័ត៌មានជាតិ
ពលរដ្ឋនៅខេត្តព្រះវិហារ ស្ទើរតែ ១០០ភាគរយហើយ បានចាក់វ៉ាក់សាំងបង្ការជំងឺកូវីដ-១៩
មកដល់ពេលនេះ ប្រជាពលរដ្ឋរស់នៅក្នុងខេត្តព្រះវិហារ ស្ទើរតែ ១០០ភាគរយហើយ បានចាក់វ៉ាក់សាំងបង្ការជំងឺកូវីដ-១៩ ហើយបច្ចុប្បន្ន កំពុងចាក់ដូសជំរុញ។ នេះបើតាមការឲ្យដឹង ពីអភិបាលរងខេត្តព្រះវិហារ។
លោក អ៊ុង វុទ្ធី អភិបាលរងខេត្តព្រះវិហារ បានថ្លែងក្នុងសន្និសីទសារព័ត៌មាន ស្ដីពី “វឌ្ឍនភាពមូលដ្ឋានឃុំ សង្កាត់ និងទិសដៅការងារបន្ដ របស់រដ្ឋបាលខេត្តព្រះវិហារ” នាព្រឹកថ្ងៃទី ១៥ ខែកុម្ភៈនេះថា ប្រជាពលរដ្ឋ ដែលកំពុងរស់នៅក្នុងខេត្តព្រះវិហារ ស្ទើរតែ ១០០ភាគរយហើយ បានចាក់វ៉ាក់សាំងបង្ការជំងឺកូវីដ-១៩ ហើយការឆ្លងជំងឺនេះវិញ ក៏មិនមានច្រើននោះដែរ។
លោកថា «ក្រោមការដឹកនាំ របស់សម្ដេចតេជោនាយករដ្ឋមន្ត្រី គឺប្រជាពលរដ្ឋនៅខេត្តព្រះវិហារ បានចាក់វ៉ាក់សាំងកូវីដ ការពារគឺថា សឹងថា ១០០ភាគរយហើយ មកដល់ពេលនេះ គឺកំពុងចាក់វ៉ាក់សាំង បន្តចាក់វ៉ាក់សាំង ដូសជំរុញ ដូសទី ៤ កំពុងតែសស្រាក់សស្រាំ ហើយប្រជាពលរដ្ឋ គឺចូលរួមសស្រាក់សស្រាំ ហើយអត្រាឆ្លងកូវីដ គឺមានតិចតួចណាស់»។
អភិបាលរងខេត្តព្រះវិហារ បានឲ្យដឹងទៀតថា វិស័យទេសចរណ៍ ភោជនីយដ្ឋាន និងទីតាំងកម្សាន្ដសប្បាយនានា ក្នុងខេត្តព្រះវិហារ បាននិងកំពុងបើកដំណើរការជាធម្មតា ហើយក៏មានប្រជាពលរដ្ឋជាច្រើន បានទៅដើរលេងកម្សាន្ដ ផងដែរ។
លោក អ៊ុង វុទ្ធី បានថ្លែងថា «ចំពោះវិស័យទេសចរណ៍ ការបើកឲ្យដំណើរការ ភោជនីយដ្ឋាន ការដើរកម្សាន្ដ គឺថា ប្រជាពលរដ្ឋទូទាំងប្រទេស មានការទៅប្រាស្រ័យទំនាក់ទំនង ហើយហូបដើរលេងប្រាសាទព្រះវិហារ តំបន់ទេសចរណ៍ គឺថា ភ្ញៀវទេសចរ គឺថា រាល់ថ្ងៃនេះ ស្ថានភាពគឺល្អតែម្ដង»៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង