ព័ត៌មានអន្ដរជាតិ

ថៃ នឹងទិញយន្តហោះបំបាំងកាយ ចាំតែ អាមេរិក “អូខេ” ប៉ុណ្ណោះ (មានវីដេអូ)

បានផុស

៤ years មុន

នៅ

ថ្ងៃចន្ទ ២១ កុម្ភៈ ២០២២

ដោយ

ប្រទេសថៃនឹងទិញយន្តហោះបំបាំងកាយ Lockheed Martin F-35 ប្រសិនបើសហរដ្ឋអាមេរិកយល់ព្រម ។ កាលពីខែមករាប្រទេសថៃបានត្រៀមទុកថវិកាចំនួន ៤១៣ លានដុល្លារសម្រាប់យន្តហោះចំនួន ៤ គ្រឿង ប៉ុន្តែមេទ័ពអាកាសថៃម្នាក់បាននិយាយថា ថៃចង់ទិញយន្តហោះរហូតដល់ ៨ គ្រឿង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងការបរទេសសហរដ្ឋអាមេរិកបាននិយាយថា នាយកដ្ឋានមិនបញ្ជាក់ ឬធ្វើអត្ថាធិប្បាយលើការផ្ទេរ ឬការលក់ដែលបានស្នើឡើងនេះនោះទេ រហូតដល់សមាជត្រូវបានជូនដំណឹងជាផ្លូវការអំពីការលក់នេះ ។

ចំណែកអនុប្រធានជាន់ខ្ពស់របស់ក្រុមហ៊ុន Lockheed Martin បានប្រាប់ Reuters ថា ការសម្រេចចិត្តគឺអាស្រ័យលើរដ្ឋាភិបាលសហរដ្ឋអាមេរិក ហើយគាត់មិនប្រាកដថានឹងធ្វើការសម្រេចចិត្តបែបណានោះទេ ។

កងទ័ពអាកាសថៃបានយល់ព្រមទិញយន្តហោះទាំងនោះកាលពីខែមករា ដោយលើកឡើងពីតម្រូវការក្នុងការពង្រឹងការការពារជាតិរបស់ប្រទេសថៃ បន្ទាប់ពីយន្តហោះរបស់ខ្លួនបច្ចុប្បន្ននេះមានអាយុលើស ៣០ ឆ្នាំទៅហើយដែលអាចបង្កើតហានិភ័យសុវត្ថិភាពណាមួយ ។

កងទ័ពអាកាសក៏បាននិយាយផងដែរថា ឥឡូវនេះគឺជាពេលវេលាដ៏ល្អមួយដើម្បីទិញចាប់តាំងពីតម្លៃបានធ្លាក់ចុះ ។ វានឹងចំណាយប្រាក់ជិត ២២ ពាន់លានបាត ប្រសិនបើខ្លួនទិញយន្តហោះចំនួន ៨ គ្រឿង ។

គួរបញ្ជាក់ថា យន្តហោះចម្បាំង F-35 ត្រូវបានគេចាត់ទុកថាជាការនាំចេញដ៏រសើបខ្លាំងដែលសហរដ្ឋអាមេរិកលក់ទៅឲ្យឲ្យសម្ព័ន្ធមិត្តជិតស្និទ្ធបំផុតរបស់ខ្លួនប៉ុណ្ណោះ ហើយប្រទេសតែមួយគត់នៅឥណ្ឌូប៉ាស៊ីហ្វិកដែលបានទិញយន្តហោះទាំងនេះពីសហរដ្ឋអាមេរិកគឺអូស្ត្រាលី ជប៉ុន កូរ៉េខាងត្បូង និងសិង្ហបុរី ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Thaiger

ចុចអាន ៖ អូមីក្រុងបំបាំងកាយ នឹងជំរុញការឆ្លងកូវីដនៅថៃ កើនដល់ ១០ម៉ឺនករណី ក្នុងមួយថ្ងៃ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា