ព័ត៌មានជាតិ
ប្រទះឃើញសពទារិកា នៅសួនច្បារវត្តភ្នំ
មានភាពភ្ញាក់ផ្អើលមួយបានកើតឡើង បន្ទាប់ពីឃើញស្បោងខ្មៅមួយនៅលើសួនច្បារ ខណៈបើកមើល ស្រាប់តែប្រទះសពទារិកាម្នាក់ សង្ស័យកើតមិនគ្រប់ខែ ក៏ត្រូវម្តាយយកផ្លុងចោល។
ហេតុការណ៍ប្រទះឃើញសាកសពទារិកាម្នាក់នោះ កាលពីព្រឹកថ្ងៃទី២៥ ខែតុលា ឆ្នាំ២០២០ ចំណុចក្រោមដើមឈើ លើសួនច្បារមិត្តភាពកម្ពុជា-ថៃ ផ្លូវលេខ៦១ កែងផ្លូវលេខ៩៦ ភូមិទី១ សង្កាត់វត្តភ្នំ ខណ្ឌដូនពេញ រាជធានីភ្នំពេញ។
បើតាមការឲ្យដឹងពី ឈ្មោះ លី វណ្ណៈ ភេទប្រុស ឆ្នាំកំណើត១៩៧៦ មុខរបរកម្មករសួនច្បារ និងរុក្ខជាតិ ទីលំនៅបច្ចុប្បន្នផ្ទះលេខ៦E4 ផ្លូវលេខ៦៣ ភូមិ១ សង្កាត់ផ្សារថ្មីទី១ ខណ្ឌដូនពេញ រាជធានីភ្នំពេញ បានឲ្យដឹងថា កាលពីព្រឹកថ្ងៃទី២៥ ខែតុលា ឆ្នាំ២០២០ គាត់បានជិះម៉ូតូចេញពីផ្ទះ មកធ្វើការសំអាតសួនច្បារកន្លែងកើតហេតុខាងលើ ក៏ឃើញស្បោងខ្មៅមួយនៅក្រោមដើមឈើ។ ក្នុងនោះ ដោយមានការសង្ស័យ បានបើកមើល ឃើញមានសពទារិកានៅក្នុងស្បោងខ្មៅនោះ រួច គាត់ក៏រាយការណ៍ប្រាប់សមត្ថកិច្ច។
ក្រោយពីសភាពការណ៍កើតឡើង កម្លាំងជំនាញខណ្ឌ និងប៉ុស្តិ៍ បានចុះដល់ គ្រប់គ្រងកន្លែងកើតហេតុ ហើយរាយការណ៍ជូនព្រះរាជអាជ្ញារងអមសាលាដំបូងរាជធានីភ្នំពេញ និងសហការជាមួយការិយាល័យបច្ចេកទេសវិទ្យាសាស្ត្រ ការិយាល័យព្រហ្មទណ្ឌកម្រិតធ្ងន់ អង្គភាពការពារកុមារ(CPU) និងពេទ្យអមសាលាដំបូងរាជធានីភ្នំពេញ ដើម្បីបង្កើតគណៈកម្មការធ្វើកោសល្យវិច័យ ពិនិត្យសពនិងកន្លែងកើតហេតុ។
ជាលទ្ធផលតាមការពិនិត្យ ការិយាល័យជំនាញបច្ចេកទេស និង លោកឧកញ៉ាវេជ្ជបណ្ឌិត នង សុវណ្ណរ័ត្ន បានបញ្ជាក់ថា កូនកើតមិនគ្រប់ខែ(ស្លាប់ក្រោយសម្រាល)។
ក្រោយពីបញ្ចប់ការពិនិត្យ ខាងជំនាញបច្ចេកទេស បានប្រគល់សពឲ្យប៉ុស្តិ៍នគរបាលរដ្ឋបាលវត្តភ្នំដើម្បីចាត់ចែងយកទៅបូជា៕
អត្ថបទ ៖ រស្មី
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២៣ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២៤ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល