ព័ត៌មានអន្ដរជាតិ

អាមេរិកអនុញ្ញាតឲ្យជនភៀសខ្លួនអ៊ុយក្រែនចូលតាមព្រំដែនម៉ិកស៊ិក និងរស់នៅ១ឆ្នាំ

បានផុស

៤ years មុន

នៅ

ថ្ងៃសុក្រ ១៨ មីនា ២០២២

ដោយ

នៅព្រំដែនសហរដ្ឋអាមេរិកជាមួយប្រទេសម៉ិកស៊ិក មន្ត្រីអាមេរិកកំពុងអនុញ្ញាតឲ្យជនភៀសខ្លួនអ៊ុយក្រែនពីការវាយប្រហារជាមួយរុស្ស៊ីចូលទៅក្នុងទឹកដីសហរដ្ឋអាមេរិក និងស្នាក់នៅដោយគ្មានការភ័យខ្លាចរយៈពេលមួយឆ្នាំ។

ជនជាតិអ៊ុយក្រែនជាច្រើននាក់បានប្រាប់សារព័ត៌មាន Reuters ថា ពួកគេបានឆ្លងកាត់ប៉ុស្តិ៍ត្រួតពិនិត្យនៅទីក្រុង Tijuana ភាគខាងជើងម៉ិកស៊ិកក្នុងសប្តាហ៍នេះ និងត្រូវបានអនុញ្ញាតឲ្យចូល ព្រមទាំងឲ្យរស់នៅរហូតដល់ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតមន្ត្រីគយ និងការពារព្រំដែនអាមេរិក (CBP) ម្នាក់បាននិយាយថា អាជ្ញាធរអាមេរិកកំពុងផ្តល់ការអនុញ្ញាតមនុស្សធម៌បណ្តោះអាសន្នរយៈពេលមួយឆ្នាំដល់ប្រជាជនអ៊ុយក្រែន។

CBP និង ក្រសួងសន្តិសុខមាតុភូមិអាមេរិក (DHS) ដែលមើលការខុសត្រូវទីភ្នាក់ងារព្រំដែនមិនធ្វើការអត្ថាធិប្បាយអ្វីជុំវិញបញ្ហានេះទេ។ DHS បាននិយាយកាលពីមុនថា ការសម្រេចចិត្តអនុញ្ញាតណាមួយនៅព្រំដែនត្រូវបានធ្វើឡើងតាមករណីពិសេស។

ប្រជាជនអ៊ុយក្រែនត្រូវបានគេរាយការណ៍ពីការធ្វើដំណើរឆ្លងកាត់ប្រទេសជាច្រើនដើម្បីបានទៅដល់សហរដ្ឋអាមេរិកដែលពួកគេសង្ឃឹមស្វែងរកកន្លែងជ្រកកោន ស្នាក់នៅជាមួយសាច់ញាតិ ឬកសាងជីវិតថ្មី។

បុរសឈ្មោះ Alex Mak ជនជាតិអ៊ុយក្រែនអាយុ២៤ឆ្នាំដែលបដិសេធប្រាប់ឈ្មោះពេញដោយបារម្ភពីសុវត្ថិភាពបាននិយាយថា មន្ត្រីបានបោះត្រាលើលិខិតឆ្លងរបស់ខ្លួនដើម្បីអនុញ្ញាតឲ្យស្នាក់នៅរយៈពេលមួយឆ្នាំ។

សមាជិកសភាគណបក្សប្រជាធិបតេយ្យមួយក្រុមបានជំរុញលោកប្រធានាធិបតីអាមេរិក ចូ បៃដិន ក្នុងខែនេះឲ្យបង្កើនទទួលយកជនភៀសខ្លួន និងអនុញ្ញាតឲ្យជនជាតិអ៊ុយក្រែនជាមួយសមាជិកគ្រួសារនៅអាមេរិកចូលឲ្យបានលឿនតាមរយៈការអនុញ្ញាតមនុស្សធម៌៕

ប្រែសម្រួល៖ វីរបុត្រ
ប្រភព៖ Reuters

Related Topics:សហរដ្ឋអាមេរិក

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា