ព័ត៌មានជាតិ
អ្នកនាំពាក្យ ៖ ជិត ៣ខែមកនេះ ក្រសួងព័ត៌មានសម្រេចមិនបន្តផ្ដល់អាជ្ញាបណ្ណ ដល់អង្គភាពសារព័ត៌មានចំនួន ៣
មន្ត្រីនាំពាក្យក្រសួងព័ត៌មាន បានឲ្យដឹងថា ក្នុងរយៈពេលជិត ៣ខែនាឆ្នាំ ២០២២នេះ ក្រសួងព័ត៌មានបានសម្រេចមិនបន្តផ្ដល់អាជ្ញាបណ្ណ ដល់អង្គភាពសារព័ត៌មានចំនួន ៣ ដែលបានផ្សព្វផ្សាយព័ត៌មាន ព័ត៌មានមិនពិត និងមិនបានផ្ទៀងផ្ទាត់ព័ត៌មាន ឲ្យបានច្បាស់លាស់។
លោក មាស សុភ័ណ្ឌ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានឲ្យកម្ពុជាថ្មីដឹងនៅថ្ងៃទី ២៩ ខែមីនានេះថា ពាក់ព័ន្ធនឹងការមិនសម្រេចបន្តផ្ដល់អាជ្ញាបណ្ណ ដល់អង្គភាពសារព័ត៌មាន គឺក្រសួងព័ត៌មាន ទើបតែសម្រេចមិនបន្តផ្ដល់អាជ្ញាបណ្ណ ដល់អង្គភាពសារព័ត៌មានចំនួនតែ ៣ប៉ុណ្ណោះ។
បើតាមលោក មាស សុភ័ណ្ឌ ការសម្រេចបែបនេះ ដោយសារតែក្រសួព័ត៌មាន ពិនិត្យឃើញថា អង្គភាពសារព័ត៌មានទាំងនោះ បានផ្សព្វផ្សាយព័ត៌មានមិនពិត និងមិនបានផ្ទៀងផ្ទាត់ព័ត៌មាន ឲ្យបានច្បាស់លាស់ពីគ្រប់ប្រភពដែលពាក់ព័ន្ធ និងប្រើប្រាស់អត្ថបទព័ត៌មានទាំងនោះ ដើម្បីស្វែងរកផល ប្រយោជន៍ផ្ទាល់ខ្លួន ដែលជាការប្រព្រឹត្តប្រាស់ចាក ពីក្រមសីលធម៌ វិជ្ជាជីវៈសារព័ត៌មាន ក៏ដូចជាច្បាប់ដែលមានជាធរមាន ផងដែរ។
មន្ត្រីជាន់ខ្ពស់ក្រសួងព័ត៌មានរូបនេះ បានបញ្ជាក់បន្ថែមថា កន្លងមក ក្រសួងព័ត៌មាន តែងតែអនុវត្តនូវ យន្តការមួយចំនួន ដូចជា៖
-ក្រើនរំលឹក និងលើកទឹកចិត្តដល់អ្នកសារព័ត៌មាន ក៏ដូចជាអង្គភាពសារព័ត៌មានទាំងអស់ ឲ្យប្រកាន់ភ្ជាប់នូវក្រមសីលធម៌ វិជ្ជាជីវៈសារព័ត៌មាន និងគោរពច្បាប់ និងលិខិតបទដ្ឋានគតិយុត្តិ ដែលមានជាធរមាន។
-អប់រំ ណែនាំ តម្រង់ទិសដល់អ្នកសារព័ត៌មាន ក៏ដូចជាអង្គភាពសារព័ត៌មាន ឬធ្វើកិច្ចសន្យា កែប្រែ កំហុសឆ្គងជាដើម។ -ចុងក្រោយ គឺការអនុវត្ត វិធាការច្បាប់តាមនិតីវិធី។
យ៉ាងណាក៏ដោយ បើតាមលោក មាស សុភ័ណ្ឌ អ្នកនាំពាក្យក្រសួងព័ត៌មាន គឺក្រសួងព័ត៌មាន នូវតែលើទឹកចិត្តឲ្យអ្នកសារព័ត៌មាន ក៏ដូចជាអង្គភាពសារព័ត៌មានទាំងអស់ គោរពច្បាប់ និងលិខិតបទដ្ឋាន គតិយុត្តិនានា ព្រមទាំងក្រមសីលធម៌ វិជ្ជាជីវៈសារព័ត៌មានឲ្យបានខ្ជាប់ខ្ជួន និងធ្វើជាស្ពាន ក្នុងការផ្ដល់ ព័ត៌មានពិត និងច្បាស់លាស់ជូនដល់សាធារណជន៕
អត្ថបទ៖ ឃួន សុភ័ក្រ
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២០ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ