ព័ត៌មានជាតិ

ក្រុមចលនាយុវជនកម្ពុជា១៥៧ សហការជាមួយអាជ្ញាធរខេត្តតាកែវ ដឹកនាំបាញ់ថ្នាំកំចាត់សត្វល្អិតសម្លាប់មេរោគផ្សេងៗក្នុងផ្សារចំនួន៤នៅខេត្តតាកែវ

បានផុស

៣ years មុន

នៅ

ថ្ងៃអាទិត្យ ២០ ធ្នូ ២០២០

ដោយ

ព្រឹកថ្ងែទី២០ ខែធ្នូ ឆ្នាំ២០២០នេះ ដោយមានការចង្អុលបង្ហាញពីសំណាក់លោក ម៉ឹង ពន្លក ប្រធាន ចលនាយុវជនកម្ពុជាក្រុម១៥៧ និងមានការស្នើសុំដល់ក្រុម ហ៊ុន អីហ្ស៉ីភេសខនត្រូល” Easy Pest Control “ ជួយបាញ់ថ្នាំសម្លាប់មេរោគផ្សេងៗ ក្នុងផ្សារខេត្តតាកែវ ពីសំណាក់លោក កែវ វ៉ាន្នី ប្រធានចលនាយុវជនកម្ពុជា១៥៧ សាខាខេត្តតាកែវ និងមានការដឹកនាំចូលរួមផ្ទាល់ពីលោកស្រី គា សុភូ អភិបាលរង នៃគណៈអភិបាលខេត្តតាកែវ លោក ផាន់ វ៉ាន់ អនុប្រធានមន្ទីរសុខាភិបាលខេត្ត និងលោក អេង ប៉ជាក អនុប្រធានចលនាយុវជនកម្ពុជា១៥៧ សាខាខេត្តតាកែវ បានចុះបាញ់ថ្នាំកំចាត់សត្វល្អិត សម្លាប់មេរោគផ្សេងៗ ជាច្រើនប្រភេទ នៅតាមផ្សារក្នុងខេត្ត ដោយក្នុងនោះមានការសហការ ផងដែរ ពីអាជ្ញាធរក្រុងដូនកែវ និង អាជ្ញាធរស្រុកចំនួន២ គឺស្រុកត្រាំកក់ ស្រុកបាទី និងក្រុមហ៊ុន អីហ្ស៉ី ភេស ខន ត្រូល ដែលមានទីតាំងនៅខណ្ឌមានជ័យ រាជធានីភ្នំពេញ ដែលចុះដឹកនាំបាញ់ដោយផ្ទាល់ដោយលោក ជា សុវណ្ណមករា ប្រធានក្រុមហ៊ុន អីហ្ស៉ីភេសខនត្រូល ” Easy Pest Control ” និងក្រុមការងារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានក្រុមហ៊ុន អីហ្ស៉ី ភេស ខន ត្រូល បានឲ្យដឹងថា ការចុះបាញ់ថ្នាំថ្ងៃនេះ គឺជួយកំចាត់សត្វល្អិតចង្រៃជាច្រើននិងអាចកំចាត់មេរោគឆ្លងកូវិដ១៩ ដើម្បីការពារកុំឲ្យមានការឆ្លង រួមនិងជំងឺផ្សេងៗជូនប្រជាពលរដ្ឋនៅក្នុងទីរួមខេត្តតាកែវផងដែរ។

សូមបញ្ជាក់ផងដែរថា ការចុះបាញ់ថ្នាំកំចាត់សត្វល្អិត និងអាចសម្លាប់មេរោគកូវិដ១៩ និងកំចាត់មេរោគផ្សេងៗបាន ដែលធ្វើទ្បើងនៅទីតាំងចំនួន០៤ នៅក្នុងខេត្តតាកែវ គឺទី០១ចុះបាញ់ក្នុងផ្សារណាត់ ទី០២ នៅក្នុងផ្សារធំតាកែវ ទី០៣ នៅផ្សារអង្គតាសោម ក្នុងស្រុកត្រាំកក់ និងទីតាំងទី០៤ នៅផ្សារសំរោងយោង ក្នុងស្រុកបាទី ខេត្តតាកែវ៕

អត្ថបទ ៖ វីរ: