សន្តិសុខសង្គម
បុរសម្នាក់ឆក់ចរន្តអគ្គិសនីស្លាប់នៅក្នុងរោងចក្រKKN4
កោះកុង ៖ បុរសម្នាក់បម្រើការងារផ្នែកកាន់ឃ្លាំងនៅរោងចក្រKKN4 ក្នុងតំបន់សេដ្ឋកិច្ចពិសេសខេត្ត កោះកុង បានស្លាប់ដោយការឆក់ចរន្តអគ្គិសនីប៉ះនឹងកង្ហារ អំឡុងពេលពិសារបាយរួចទៅសម្រាកលេងមុនចូលធ្វើការងារបន្ត។
បុរសដែលស្លាប់នៅកន្លែងបម្រើការងារនោះ ត្រូវបានគេស្គាល់អត្តសញ្ញាណថា ឈ្មោះ ផុន នីម អាយុ២៤ឆ្នាំ ទីលំនៅដ្ឋានភូមិស្មាច់មានជ័យ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
លោក អ៊ុង គង្គា ប្រធានសាខាបេឡាសន្តិសុខសង្គមខេត្តកោះកុង ឱ្យដឹងនៅល្ងាចថ្ងៃទី២ ខែមិថុនា ឆ្នាំ២០២២នេះថា គ្រោះថ្នាក់ឆក់ចរន្តអគ្គិសនី កើតឡើងនៅម៉ោង១២រសៀល ដំបូងឡើយក្រុមកម្មករ បុគ្គលិកបានឈប់សម្រាកទៅទទួលទានអាហារពេលថ្ងៃត្រង់ដូចថ្ងៃធម្មតា ក្នុងចំណោមកម្មករ បុគ្គលិក ជាច្រើននាក់នោះ ក្រោយបាយរួចបុរសឈ្មោះ ផុន នីម ក៏ធ្វើដំណើរត្រឡប់ទៅកន្លែងមុនគេ ដើម្បីសម្រាកលេងយកកម្លាំងមុនបន្តការងារទៀត។
លោក អ៊ុង គង្គា ពន្យល់ទៀតថា ក្បែរកន្លែងសម្រាកមានកង្ហារបញ្ឈរ១គ្រឿង ដោយកង្ហារកំពុងបក់ខ្យល់នោះបក់មិនដល់ខ្លួន ក៏ងើបទៅចាប់កាន់ប៉ះបង្វិលកង្ហារឲ្យមកចំខ្លួន ភ្លាមនោះត្រូវភ្លើងអគ្គិសនីឆក់ដួលទៅក្រោយតែម្តង។ ដោយតាមការសន្និដ្ឋានបឋម គឺបណ្តាលមកពីការឆក់ខ្សែភ្លើងពិតប្រាកដមែន។
បើតាមលោកប្រធានសាខាបេឡាសន្តិសុខសង្គមខេត្តកោះកុង លោកកំពុងតម្រូវឱ្យក្រុមហ៊ុនរោងចក្រ និងក្រុមគ្រួសារជនរងគ្រោះ រៀបចំរបាយការណ៍កំណត់ហេតុមួយអំពីគ្រោះថ្នាក់ការងារមកកាន់រូបលោក ដើម្បីផ្តល់សំណងជាថវិកាចំនួន៤លានរៀលសម្រាប់ធ្វើពិធីបុណ្យសពតាមប្រពៃណី។ករណីស្លាប់កម្មករ បុគ្គលិក ស្លាប់ដោយសារតែឆ្លងចរន្តអគ្គិសនីជាដំបូងហើយដែលមិនធ្លាប់កើតមាននៅក្នុងតំបន់សេដ្ឋកិច្ចពិសេសខេត្តកោះកុង។
កម្ពុជាថ្មី ពុំអាចសុំការទាក់ទងបានទេ ទៅកាន់មន្ត្រីរដ្ឋបាលរោងចក្រKKN4 ដើម្បីពន្យល់បកស្រាយបំភ្លឺបន្ថែមពីករណីស្លាប់កម្មករ បុគ្គលិករបស់ខ្លួនថា តើស្លាប់ដោយករណីអ្វីឱ្យប្រាកដ ហើយដំណោះស្រាយបែបម៉េចដែរ តែឈ្មោះ ចិត្រ បានលើកនិយាយបានបន្តិចបិទទៅវិញគាប់ជួនឮសម្លេងមេក្រូភ្លេងពិណពាទ្យផង។
លោក យក់ សង្វាត ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកោះកុង ថ្លែងថា លោកពុំទាន់បានទទួលព័ត៌មានលម្អិតយ៉ាងណានៅឡើយទេ ដោយរង់ចាំរបាយការណ៍ពីក្រុមការងារសុវត្ថិភាពរបស់រោងចក្របង្ហាញមកឱ្យ។ ប្រសិនបើមានគ្រោះថ្នាក់ការងារខុសលក្ខណៈបច្ចេកទេសបែប លោកនឹងជំរុញឱ្យថៅកែរោងចក្រចាំបាច់សម្របសម្រួលដោះស្រាយតាមច្បាប់ការងារ។
លោក យក់ សង្វាត អះអាងថា ពាក់ព័ន្ធនឹងការងាររៀបចំបច្ចេកទេសនេះ មន្ទីរតែងអប់រំណែនាំជាប្រចាំដល់ក្រុមការងារសុវត្ថិភាពរបស់ក្រុមហ៊ុនរោងចក្រ។ អ្វីដែលការអនុវត្តជាក់ស្តែងស្ថិតនៅលើតំណាងគ្រប់គ្រងរោងចក្រផ្ទាល់ រួមមាន៖បំពង់ពន្លាត់អគ្គិសនី មន្ត្រីសុខាភិបាលសង្គ្រោះបន្ទាន់ ស្លាកសញ្ញាបង្ហាញច្រកចេញចូល ជាដើម។ តែទោះយ៉ាងណា មន្ទីរការងារ គ្មានសិទ្ធិត្រួតពិនិត្យបច្ចេកទេសពីប្រព័ន្ធសុវត្ថិភាពរបស់ពួកគេនោះឡើយ៕
អត្ថបទ ៖ សិរីវឌ្ឍនៈ
កម្ពុជា និងអូស្រ្តាលី ឯកភាពគ្នាពង្រឹងកិច្ចសហប្រតិបត្តិការលើវិស័យបណ្តុះបណ្តាលបច្ចេកទេស និងវិជ្ជាជីវៈ
ពលរដ្ឋខ្មែរនៅជប៉ុនគាំទ្រចំពោះដំណើរទស្សនកិច្ចសម្តេចធិបតីទៅជប៉ុននៅចុងខែនេះ
សពបុរសដែលលោតទឹកនៅលើស្ពានជ្រោយចង្វារ ត្រូវបានប្រទះឃេីញហេីយ
ស្មាត់មកពី អាស៊ី Ishikawa ជួយឱ្យក្លិបអ៊ីតាលី Perugia ឈ្នះជើងឯក CEV Champions League
លោក នេត្រ ភក្ត្រា ៖ ការដាក់ចេញផែនការបណ្តុះបណ្តាលធនធានមនុស្សជំនាញក្នុងវិស័យព័ត៌មាន ស្របតាមការវិវឌ្ឍនៃបច្ចេកវិទ្យា
ស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
រថយន្តបុកម៉ូតូសណ្តោង រួចទៅបុករថយន្តមួយទៀត បណ្តាលឱ្យស្លាប់២នាក់និងរបួសធ្ងន់ ស្រាល១១នាក់
Update ៖ ករណីនារីម្នាក់ ធ្លាក់ពីលើអគារនៅខណ្ឌចំការមន
អាមេរិក បញ្ជូនដ្រូនឈ្លបយកការណ៍ទៅសមុទ្រខ្មៅជាថ្មី ក្រោយកិច្ចប្រជុំរុស្ស៊ី-អ៊ុយក្រែន គ្មានបានផល
អតីតប្រធានាធិបតីអាមេរិក ចូ បៃដិន កើតជំងឺមហារីកធ្ងន់ធ្ងរ
-
ចរាចរណ៍៣ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម១៣ ម៉ោង agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៤ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៤ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៦ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ សប្តាហ៍ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានជាតិ២ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៤ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក