លោក Zelensky ថា រុស្ស៊ី បានលួចសន្តិភាពរបស់ អ៊ុយក្រែន

ប្រធានាធិបតីអ៊ុយក្រែនលោក Volodymyr Zelensky បានប្រាប់អ្នកគាំទ្រតន្ត្រីនៅឯមហាស្រព Glastonbury ថា “រុស្ស៊ីបានលួចសន្តិភាពរបស់អ៊ុយក្រែន” ហើយបានជំរុញឲ្យពួកគេជួយផ្សព្វផ្សាយការពិតអំពីសង្គ្រាមរបស់រុស្ស៊ីលើប្រទេសរបស់គាត់ផងដែរ ។

ថ្លែងទៅកាន់ហ្វូងមនុស្សនៅឯកម្មវិធីតន្ត្រីរបស់ចក្រភពអង់គ្លេសតាមវីដេអូ លោក Zelenskyy បាននិយាយថា “យើងនៅក្នុងប្រទេសអ៊ុយក្រែនក៏ចង់រស់នៅក្នុងជីវិតដូចដែលយើងធ្លាប់មានផងដែរ ជាពិសេសគឺការរីករាយនឹងសេរីភាពនៅរដូវក្តៅដ៏អស្ចារ្យនេះ” ។

លោកប្រធានាធិបតីបញ្ជាក់ទៀតថា “ប៉ុន្តែយើងមិនអាចធ្វើវាបាននោះទេ ដោយសារតែសង្គ្រាមដ៏អាក្រក់បំផុតកំពុងកើតឡើងនៅក្នុងប្រទេសរបស់យើង អ្វីដែលសំខាន់នោះគឺរុស្ស៊ីបានលួចសន្តិភាពរបស់យើង” ។

គួរបញ្ជាក់ថា រហូតមកដល់ពេលនេះសង្គ្រាមលុកលុយរបស់រុស្ស៊ីលើអ៊ុយក្រែនដែលលោក ពូទីន ចាត់ទុកជា “ប្រតិបត្តិការយោធាពិសេស” បានអូសបន្លាយពេល ៤ ខែមកហើយ ចាប់តាំងពីផ្ទុះការវាយលុយកនៅថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ អ៊ុយក្រែន ត្រូវការពេលមួយទសវត្សរ៍ដើម្បីបោសសម្អាតមីន និងគ្រឿងផ្ទុះ ក្នុងប្រទេស