ព័ត៌មានជាតិ
ក្រសួងអប់រំសហការជាមួយអង្គការសង្គមស៊ីវិលដាក់ឱ្យប្រើប្រាស់សៀវភៅការពារកុមារនៅតាមសាលារៀន
ក្រសួងអប់រំ យុវជន និងកីឡា នៅថ្ងៃទី ២៨ ខែមិថុនា ឆ្នាំ២០២២នេះ បានសម្រេចដាក់ឱ្យប្រើប្រាស់ជាផ្លូវការសៀវភៅប្រតិបត្តិជុំវិញកិច្ចការពារកុមារនៅតាមសាលារៀនទូទាំងប្រទេស។
គម្រោងនេះសម្រេចចេញជាផ្លូវការក្រោមកិច្ចសហការរបស់អង្គការ Save the Children (SCI) អង្គការទស្សនពិភពលោក (WVI-C) អង្គការ PLAN ជាមួយក្រសួងអប់រំ។
លោក ពុត សាមិត្ត អគ្គនាយក នៃអគ្គនាយកដ្ឋានអប់រំ យុវជន និងកីឡា បានលើកឡើងថា សៀវភៅណែនាំប្រតិបត្តិ ស្តីពីកិច្ចការពារកុមារនៅក្នុងសាលារៀននេះ សមស្របតាម គោលនយោបាយស្តីពីសាលាកុមារមេត្រី ដែលមានយុទ្ធសាស្ត្រសំខាន់ៗចំនួន៦ ក្នុងនោះយុទ្ធសាស្ត្រទី៤ នៃក្របខណ្ឌ សាលាកុមារមេត្រីគឺ សុខភាព សុវត្ថិភាព និងកិច្ចការពារកុមារ ធានាថា “កុមារទាំងអស់ ចូលរួមក្នុងការសិក្សា” បានទទួលការថែទាំ និងគាំទ្រលើកទឹកចិត្ត អំពីបុគ្គលនិងស្ថាប័នអ្នកពាក់ព័ន្ធទាំងអស់ ដើម្បីជួយឱ្យកុមារមានសុខភាពល្អ និងសុវត្ថិភាព ព្រមទាំងការពារពួកគេ ពីអំពើហិង្សាគ្រប់ទម្រង់នៅក្នុងសាលារៀន គ្រួសារ និងសង្គម។ លោកថា ការដាក់ទណ្ឌកម្មលើរាងកាយ ផ្លូវចិត្ត និងផ្នែកស្មារតីនៅតាមសាលារៀនត្រូវបានហាមឃាត់ ដូចមានចែងក្នុង មាត្រា៣៥ នៃច្បាប់ស្តីពីការអប់រំ និងមាត្រា១២ នៃអនុក្រឹត្យស្តីពីក្រមសីលធម៌វិជ្ជាជីវៈគ្រូបង្រៀន។
ក្រៅពីនេះ សៀវភៅណែនាំប្រតិបត្តិស្តីពីកិច្ចការពារកុមារនៅក្នុងសាលារៀន ក៏ជួយជំរុញការអនុវត្តគោលនយោបាយ ស្តីពីកិច្ចការពារកុមារនៅតាមសាលារៀន និងជាជំនួយដល់ សាលារៀន ក្នុងការអនុវត្តទទួលបានប្រសិទ្ធភាព និងវិជ្ជាជីវៈក្នុងការបង្ការទប់ស្កាត់ ឆ្លើយតបនិងបញ្ជូន កុមារទៅទទួល សេវាគាំទ្រត្រឹមត្រូវ និងសមស្រប ព្រមទាំងសេវាផ្តល់ការប្រឹក្សាផ្លូវចិត្ត ប្រកបដោយភាពកក់ក្ដៅ មានភាពជឿជាក់ និងទំនុកចិត្តចំពោះកុមារដែលរងផលប៉ះពាល់ពីអំពើហិង្សា និងការកេងប្រវ័ញ្ចផ្សេងៗនៅក្នុង គ្រឹះស្ថានសិក្សាសាធារណៈ និងឯកជន។
សេចក្ដីប្រកាសព័ត៌មានរួមរបស់អង្គការ អង្គការ Save the Children អង្គការទស្សនពិភពលោក និង អង្គការ PLAN បានលើកឡើងថា ការបណ្ដុះបណ្ដាលជុំវិញការយល់ដឹងអំពីសៀវភៅណែនាំប្រតិបត្តិ ស្ដីពីកិច្ចការពារកុមារ នៅក្នុងសាលារៀន និងបរិបទនៃហិង្សាលើកុមារទទួលបានភាពជោគជ័យ ខណៈគម្រោងបានគាំទ្រ និងផ្សព្វផ្សាយសៀវភៅនេះ ដោយកំណត់វិធីពង្រឹងកាការពារ និងឆ្លើយតបហិង្សាលើកុមារនៅកម្រិតសាលារៀន និងសហគមន៍។
លោកស្រី ប៊ីយ៉ាងកា ខលីយ័រ នាយកស្ដីទីអង្គការ Save the Children ប្រចាំកម្ពុជាលើកឡើងថា «ខ្ញុំសូមថ្លែងអំណរគុណ និងអរគុណចំពោះអ្នកគាំទ្រទាំងអស់ ជាពិសេសភាពជាដៃគូសកលដើម្បីបញ្ចប់អំពើហិង្សាលើកុមារ និងគំនិតផ្ដួចផ្ដើមនៃសុវត្ថិភាពក្នុងការសិក្សា។ គម្រោងដែលយើងកំពុងបង្ហាញ គឺអាចធ្វើទៅបានដោយការគាំទ្រដ៍សប្បុរសរបស់ពួកគេ ហើយនឹងមានផលប៉ះពាល់រយៈពេលវែង មិនត្រឹមតែសម្រាប់កុមារដែលទទួលបានអត្ថប្រយោជន៍ពីគម្រោងប៉ុណ្ណោះទេ ថែមទាំងបានមកពីមេរៀនដែលបានរៀនផងដែរ ដែលអាចបង្កើតបាន នៅក្នុងគម្រោង និងគោលនយោបាយនាពេលអនាគត»។
លោក ឡេង វីរៈ នាយកប្រតិបត្តិនៃអង្គការទស្សនៈពិភពលោក បានលើកឡើងដែរថា អង្គការទស្សនពិភពលោក ដឹងថា បញ្ហានេះ ទាមទារការចូលរួមពីសហគមន៍មួយទាំងមូល ដើម្បីការពារកុមារពីអំពើហិង្សា។ គម្រោងសាកល្បងរបស់យើងបានបង្ហាញថា នៅពេលដែលសិស្សានុសិស្ស សមាជិកនៃគណៈកម្មាធិការឃុំ ដើម្បីស្ដ្រី និងកុមារ គ្រូបង្រៀន ឪពុកម្ដាយធ្វើការជាមួយគ្នា ពួកគេអាចធ្វើឱ្យសាលារៀន និងសហគមន៍ក្លាយជាកន្លែងមានសុវត្ថិភាពទាំងអស់ដែលកុមារសមនឹងទទួលបាន»៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ