សេដ្ឋកិច្ច
វិស័យសណ្ឋាគារផ្ទះសំណាក់ខេត្តសៀមរាប ងើបឡើងវិញ និងរំពឹងមានកំណើនខ្ពស់នៅចុងឆ្នាំនេះ
វិស័យសណ្ឋាគារ និងផ្ទះសំណាក់ នៅក្នុងខេត្តសៀមរាប បានងើបឡើងវិញជាបណ្តើរៗហើយ ដែលនេះជាសញ្ញាល្អសម្រាប់ជួយជំរុញកំណើនសេដ្ឋកិច្ចជាតិ។
លោក នួន ច័ន្ទតារា នាយកគ្រប់គ្រងសណ្ឋាគារ ស្តារី អង្គរ បានប្រាប់កម្ពុជាថ្មីថា ការងើបឡើងវិញនៃវិស័យទេសចរណ៍ ជាផ្នែកមួយជួយដល់វិស័យសណ្ឋាគារផ្ទះសំណាក់ បើទោះជាមិនទាន់មានកំណើនស្មើនឹងមុនវិបត្តិកូវីដ ប៉ុន្តែស្ថានភាពកាន់តែល្អប្រសើរឡើងហើយ ជាពិសេសនៅក្នុងខេត្តសៀមរាប។ ក្រៅពីភ្ញៀវជាតិ លោក នួន ច័ន្ទតារា បានបញ្ជាក់ថា ខេត្តសៀមរាប ទទួលបានភ្ញៀវទេសចរ ហោះហើរចូលមកតាមរយៈក្រុមហ៊ុនសាំងកាពួរអ៊ែឡាញ ថៃ និងថ្មីៗនេះ វៀតណាម ក៏មានជើងហោះហើរចូលមកផងដែរ។ លើសពីនេះទៀត នៅដើមខែ កក្កដាខាងមុខនេះ ភ្ញៀវទេសចរថៃ នឹងចូលមកទស្សនាកម្សាន្តនៅខេត្តសៀមរាប ដោយបានកក់ សណ្ឋាគាររួចហើយ។
ម្ចាស់សណ្ឋាគាររូបនេះ បានគូសបញ្ជាក់ថា កំណើននេះ កើនឡើងរាប់រយភាគរយ បើប្រៀបធៀបនឹងឆ្នាំ ២០២០-២០២១ កន្លងទៅ។ ការកើនឡើងនៃភ្ញៀវទេសចរនេះ ដោយសាររដ្ឋបាល ខេត្តសៀមរាប បានរៀបចំហេដ្ឋារចនាសម្ព័ន្ធផ្លូវថ្នល់ល្អប្រសើរ និងមានតំបន់ទេសចរណ៍ជាច្រើនសម្បូរបែប។
លោកបានបន្តដូច្នេះថា« បន្ទប់សណ្ឋាគារ និងផ្ទះសំណាក់ នៅខេត្តសៀមរាប មុនកូវីដសរុបមានជាង ៣ម៉ឺនបន្ទប់ លំដាប់ផ្កាយមួយ ដល់ផ្កាយប្រាំ»។
លោកមានសុទិដ្ឋិនិយមថា នៅចុងឆ្នាំ ២០២២នេះ ភ្ញៀវទេសចរមកពីប៉ែកអឺរ៉ុប នឹងមានកំណើនខ្ពស់ ជាពិសេសពួកគេនឹងចូលមកទស្សនាកម្សាន្តនៅខេត្តសៀមរាប។ ការរំពឹងបែបនេះ ដោយសារនៅចុងឆ្នាំនេះ មានពិធីបុណ្យច្រើន ដូចជា បុណ្យគ្រីស្មាស បុណ្យឆ្លងឆ្នាំ និងកម្មវិធីរត់ម៉ារ៉ាតុង ជាដើម។ ចំណែកភ្ញៀវអាស៊ី នឹងមានជើងហោះហើរមកពីប្រទេសម៉ាឡេស៊ី ភីលីពីន និងថៃបន្ថែមទៀត។
លោកសង្កត់ធ្ងន់ថា ប្រសិនបើចិន កូរ៉េ ជប៉ុន បើកទូលាយ អនុញ្ញាតឱ្យពលរដ្ឋចេញចូលដោយសេរីឡើងវិញ កំណើនភ្ញៀវទេសចរកាន់តែចូលមកកម្សាន្តនៅកម្ពុជាច្រើន នោះសណ្ឋាគារផ្ទះសំណាក់ នឹងខ្វះបន្ទប់សម្រាប់ភ្ញៀវទេសចរ។
ទន្ទឹមនឹងការងើបឡើងវិញនេះ លោក នួន ច័ន្ទតារា ក៏បានអំពាវនាវដល់បងប្អូនប្រជាពលរដ្ឋកម្ពុជាទាំងអស់់ ចូលរួមបន្តគោរពវិធានការរបស់ក្រសួងសុខាភិបាល ដើម្បីជៀសឆ្ងាយពីជំងឺកូវីដ-១៩ និងបន្តអនុវត្តនូវការចាក់វាក់សាំងដូសជំរុញទី៣ដល់ទី៥ តាមការអំពាវនាវរបស់រាជរដ្ឋាភិបាលឱ្យបានគ្រប់ៗគ្នា។
សូមបញ្ជាក់ថា ក្នុងរយៈពេល ៥ខែ ឆ្នាំ ២០២២ ខេត្តសៀមរាប ទទួលបានភ្ញៀវទេសចរសរុប ១,០២ លាននាក់ កើនឡើង ៧៤៤ភាគរយ ធៀបនឹងរយៈពេលដូចគ្នា ឆ្នាំ ២០២១ មានចំនួន ១២១ ៦៤៩ នាក់។ ក្នុងនោះ ភ្ញៀវទេសចរអន្តរជាតិមានចំនួន ៤៥ ៧៧៩ នាក់ កើនឡើង ៨៥៩ភាគរយ ធៀបនឹងឆ្នាំ ២០២១។ នេះបើយោងតាមតួលេខមន្ទីរទេសចរណ៍ខេត្តសៀមរាប៕
-
ព័ត៌មានជាតិ២ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានអន្ដរជាតិ១ សប្តាហ៍ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ព័ត៌មានអន្ដរជាតិ៦ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៥ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានជាតិ២ ថ្ងៃ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានអន្ដរជាតិ៤ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ៣ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានជាតិ៦ ថ្ងៃ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក