KPT+
ប្រលោមលោក «ស្រឡាញ់បងជ្រៅជាងសមុទ្រ» នឹងចេញផ្សាយយប់នេះ ក្រោយអ្នកគាំទ្ររង់ចាំជិត ២ ឆ្នាំ
អ្នកនិពន្ធ ម៉ីសន សុធារី និងចេញផ្សាយកម្រងប្រលោមលោក ដែលត្រូវបានទុកឲ្យអ្នកគាំទ្រទន្ទឹងរង់ចាំប្រមាណជាជិតពីរឆ្នាំមកហើយ ក្រោមចំណងជើងថា «ស្រឡាញ់បងជ្រៅជាងសមុទ្រ»។
នេះគឺជាវណ្ណកម្មអក្សរសិល្ប៍ថ្មីបំផុត និងចុងក្រោយបង្អស់ដែលចេញផ្សាយភាគដំបូងនៅលើប្រលោមលោក meysansotheary.com និងសង្ឃឹមថា ទាក់ទាញបាននូវអ្នកអានច្រើនកុះករ ដូចកំពូលប្រលោមលោកល្បីៗមុន រួមមាន «ថ្ងៃមុនស្អប់ថ្ងៃនេះស្រឡាញ់» «ស្រទន់មន្តស្នេហ៍» «អធិរាជបេះដូង» «បេះដូងមេគង្គ» «ស្នេហ៍កិច្ចសន្យាស្នេហាយើង» របស់អ្នកនិពន្ធដដែល។
អ្នកនិពន្ធរូបនេះបាននិយាយឱ្យដឹងថា ដោយសារតែមានបញ្ហាខ្លះនៅក្នុងការរៀបចំ meysansotheary.com និងគម្រោងការងារផ្សេងៗក្នុងការទទួលយកមកប្រកួតប្រជែងស្នាដៃពីអ្នកនិពន្ធវ័យក្មេងបីជំនាន់ គឺMSTWriters ជំនាន់ទីមួយ អ្នកនិពន្ធក្រៅសាលា MSTWriters រដូវកាលទីពីរអ្នកនិពន្ធជុំវិញបឹងទន្លេសាប និងMSTWriters រដូវកាលទី៣ អ្នកនិពន្ធមកពីដែលនិរតីដែលធ្វើឲ្យអ្នកស្រីកំពុងមានការមមាញឹកនៅក្នុងការធ្វើយ៉ាងណាឲ្យប្រលោមលោកនេះចេញបានទៅតាមការគ្រោងទុក ។
នៅក្នុងបទសន្ទនារបស់ខ្លួនជាមួយហ្វេនក្លិបកាលពីដើមសប្ដាហ៍នេះ អ្នកនិពន្ធ ម៉ីសន សុធារីបាននិយាយថា ប្រលោមលោកមួយនេះជួបការលំបាកគួរសម ក្នុងការបង្កើតចរិតលក្ខណៈតួអង្គពិសេសឱ្យមានលក្ខណៈខុសពីតួអង្គក្នុងរឿងមុនៗ ហើយក៏ជាសាច់រឿងមានភាពបត់បែនច្រើន ទិដ្ឋភាពពណ៌នាក៏ថ្មីសន្លាង ភាគច្រើនផ្ដោតទៅលើដែននិរតីនៃប្រទេសកម្ពុជា ជាតំបន់ឆ្នេរសមុទ្រនិងដែនកោះ។
នៅក្នុងខ្សែរឿងដ៏វែងនេះផងដែរ អ្នកនិពន្ធសង្ឃឹមថានឹងចូលរួម ផ្តល់បាននូវពុទ្ធិថ្មី ការសិក្សាអំពីជំនាញទន់ មធ្យោបាយនៅក្នុងការដោះស្រាយបញ្ហា ការប្រឈមមុខទៅនឹងស្ថានភាពតឹងតែង អត្ដចរិតខុសៗគ្នា ពីររវាងតួអង្គមួយទៅតួអង្គមួយ ដែលប្រព្រឹត្ដឆ្លើយតបគ្នា បង្កើតបានទៅជាបទពិសោធន៍សំខាន់នៅក្នុងដំណោះស្រាយជីវិត ដែលយុវវ័យជាអ្នកអាននឹងទទួលបាន។
គួរបញ្ចាក់ដែរថា មិត្តអ្នកអានដែលនិយមប្រលោមលោក អាចចូលអានរឿង «ស្រលាញ់បងជ្រៅជាងសមុទ្រ» បីភាគដំបូងដោយឥតគិតថ្លៃ នៅលើវេបសាយឌីជីថល meysansotheary.com សម្រាប់ភាគបន្តបន្ទាប់ អ្នកអាននឹងត្រូវបង់ប្រាក់១០០០០រៀល អាចចូលអានគ្រប់ភាគគ្រប់រឿងពេញមួយខែ និង៨០០០០រៀល សម្រាប់ពេញមួយឆ្នាំផងដែរ៕
ចុចអាន៖ម៉ោង ៨ យប់នេះ អ្នកនិពន្ធ ម៉ីសន សុធារី សម្ពោធចេញភាគមួយ នៃប្រលោមលោកថ្មី «ទំនុកភ្លេងស្នេហ៍»
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១២ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ