កីឡា
វិសាខា ជ្រុះចេញពីពានរង្វាន់ AFC Cup 2022 ដោយត្រឹមលេខ ២ ក្នុងពូល
ក្លិបបាល់ទាត់វិសាខា បានចាញ់ក្រុមរបស់ម៉ាឡេស៊ី Kedah FC ដោយលទ្ធផលស្វិតស្វាញ ៥-១ ក្នុងជំនួបចុងក្រោយ ពូល G ពានរង្វាន់ AFC Cup 2022 នៅទឹកដីកណ្ដាលប្រទេសឥណ្ឌូនេស៊ី កាលពីល្ងាចថ្ងៃទី ៣០ ខែមិថុនា។
ក្នុងការប្រកួតវិសាខា ចាប់ផ្ដើមបានយ៉ាងល្អជាមួយនឹងឱកាសសម្រុក ប៉ុន្តែ Kedah បានព្យាយាមដោយទំនុកចិត្តរហូតដល់ស្ទើរតែមានឱកាសរកគ្រាប់នាំមុខ ប៉ុន្តែបែរជាខកខានទាត់បាល់ ១១ ម៉ែត្រមិនបានសម្រេច ដោយកីឡាករ Ronald Ngah។ ក្រោយមកវិសាខា បានបើកការនាំមុខវិញដោយកីឡាករ Mohammed Khan នៅនាទី ២០។ យ៉ាងណាមិញ Kedah ក៏បានព្យាយាមរហូតដល់អាចរកគ្រាប់បាល់តាមស្មើនៅនាទី ២៨ ដោយកីឡាករ Mahmoud Mardi ហើយក្រោយមកនៅចុងវគ្គកីឡាករ Mahmoud Mardi ដដែលរកគ្រាប់នាំមុខឱ្យ Kedah នៅនាទី ៤៥ និងនាំឱ្យចប់វគ្គទី ១ Kedah នាំមុខ វិសាខា ២-១។
ចូលដល់វគ្គទី ២ វិសាខា ព្យាយាមរកគ្រាប់តាមស្មើ ប៉ុន្តែមិនអាចធ្វើអ្វីបាន ហើយត្រូវបាន Kedah នាំមុខជាថ្មីដោយកីឡាករ Mahmoud Mardi ដដែល នៅនាទី៥៤។ មិនទាន់អស់ចិត្ត កីឡាករ Mohd Zulkkifli បានរកគ្រាប់ទី ៤ ឱ្យ Kedah នៅនាទី៦៧ និងបន្តបន្ថែមគ្រាប់ទី ៥ នៅនាទី ៧៦ ដោយកីឡាករ Ronald Ngah បានរក្សាលទ្ធផល ៥-១ ដល់ចប់ការប្រកួត។
បរាជ័យនេះ ធ្វើឱ្យ វិសាខា ឈរនៅលេខ ២ ល្អ ប៉ុន្តែចាញ់ពិន្ទុក្រុមរបស់ម៉ាឡេស៊ី មួយទៀត គឺក្រុម Kuala Lumpur City FC ដែលបានយកឈ្នះ Tampines Rovers FC ២-១ នាំឱ្យគេបានឈរលេខ២ ល្អ ដោយមាន ៤ ពិន្ទុក្នុងដៃ ខណៈវិសាខា មានតែ ៣ ពិន្ទុប៉ុណ្ណោះ។ បញ្ជាក់ថា ការប្រកួតជាមួយ Kaya FC ដែលស្ថិតនៅបាតតារាង ពុំត្រូវបានរាប់បញ្ចូលឡើយ ដោយសារមានក្រុមពូលមួយ មានតែ ៣ក្រុម៕
អត្ថបទ៖ មន្នីរ័ត្ន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»