ព័ត៌មានជាតិ

ផ្សារធំទីពីរក្នុងខេត្តស្វាយរៀង ចែកជូនតូបដល់អាជីវករ ១២០ តូប លក់ដូរដោយឥតគិតថ្លៃ

បានផុស

៤ years មុន

នៅ

ថ្ងៃសៅរ៍ ២ កក្កដា ២០២២

ដោយ

ផ្សារមរតក ដែលជាផ្សារធំទីពីរក្នុងខេត្តស្វាយរៀងវិនិយោគអស់ទឹកប្រាក់ជាង ១ លានដុល្លារ បានផ្តល់តូបដល់អាជីវករ ចំនួន ១២០ តូប លក់ដូរដោយឥតគិតថ្លៃ ដើម្បីសម្រួលដល់បងប្អូនប្រជាកសិករ ទិញឬលក់ បន្លែ ផ្លែ ឈើ ត្រីសាច់ និងសម្ភារ:ប្រើប្រាស់សំខាន់ៗនៅជិតផ្ទះ និងសហគមន៍របស់ពូកគាត់តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សោម សុធា អគ្គនាយកក្រុមហ៊ុនភូមិខ្មែរគ្រុបនិងជាប្រធានក្រុមប្រឹក្សាភិបាលផ្សារមរតកបានបញ្ជាក់ថា ផ្សារមរតកជាផ្សារធំទី២ នៅលើទឹកដីក្រុងស្វាយរៀងបន្ទាប់ពីផ្សារវាលយន្ត។ ផ្សារនេះបានវិនិយោគអស់ទឹកប្រាក់ជាង ១ លានដុល្លារ ដោយបែងចែកជា ៣ ប្រភេទ មានតូបសរុបចំនួន ៣៦៥ តូប។ ក្នុងនោះតួបក្រោមដំបូលផ្សារធំមានចំនួន ២៤៥ តូប ប្រភេទស្តង់ជុំវិញផ្សារចំនួន ៧២ ស្តង់ និងស្តូបផ្សារក្រមួន ឬផ្សារមេឃចំនួន ១២០ តូប ហើយតូបដែលចែកជូនដល់ពលរដ្ឋជាអាជីវករលក់ដូរដោយឥតគិតថ្លៃគឺស្តូបផ្សារក្រមួន ឬផ្សារមេឃចំនួន ១២០ តូប។

លោក សោម សុធា មានប្រសាសន៍បន្តទៀតថា ផ្សារមរតកនឹងរៀបចំរួចរាល់ ១០០% នៅត្រឹមខែកក្កដានេះ ហើយក្រោយពេលបើកដំណើរការ អាជីវករអាចចូលមកលក់ដូរក្នុងពេលឆាប់ៗនេះ មានទាំងប្រភេទ បន្លែ ត្រី សាច់ អាហារ ផ្លែឈើ ទំនិញជាច្រើនប្រភេទទៀត។

លោកអរគុណដល់ប្រមុខរាជរដ្ឋាភិបាលកម្ពុជាដែលដឹកនាំដោយសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បាននាំមកនូវសន្តិភាពនិងការអភិវឌ្ឍន៍ប្រទេសជាតិ ទើបលោកមានឱកាសបានវិនិយោគនិងការ អភិវឌ្ឍន៍លើទឹកដីខេត្តស្វាយរៀង ក្នុងនោះក៏មានការគាំទ្រពីសំណាក់ឯកឧត្តម ម៉ែន វិបុល អភិបាលខេត្តស្វាយរៀង អាជ្ញាធរដែនដីនិងស្ថាប័នដែលមានការពាក់ព័ន្ធជួយសម្របសម្រួលដល់ក្រុមហ៊ុនរបស់លោក ក្នុងការបង្កើតផ្សារមរតកនេះឡើង ដើម្បីបង្កលក្ខណៈងាយស្រួលដល់បងប្អូនប្រជាជនក្នុងក្រុងស្វាយរៀង និងសហគមន៍នេះកាន់តែងាយស្រួល ប្រកបអាជីវកម្មផ្សេងៗ៕

អត្ថបទ៖ ភក្ដី

Related Topics: