ព័ត៌មានអន្ដរជាតិ
ពេទ្យ វៀតណាម ជាង ៩ ពាន់នាក់ឈប់ធ្វើការ ព្រោះតែប្រាក់ខែ និងបន្ទុកការងារ
បុគ្គលិកពេទ្យសាធារណៈវៀតណាមជាង ៩,២០០ នាក់បានលាឈប់ពីការងារក្នុងរយៈពេល ១៨ ខែចុងក្រោយនេះ ដោយសារតែប្រាក់ខែទាប និងការកើនឡើងនៃបន្ទុកការងារ ។
នៅក្នុងសន្និសីទតាមអ៊ីនធឺណិតកាលពីថ្ងៃអង្គារ អនុរដ្ឋមន្ត្រីក្រសួងសុខាភិបាលលោក Do Xuan Tuyen បាននិយាយថា បុគ្គលិកពេទ្យជាង ៥,២០០ នាក់បានលាឈប់ពីការងារកាលពីឆ្នាំមុន និង ៤,០០០ នាក់ទៀតនៅឆ្នាំនេះ ។
លោកបញ្ជាក់ថា ប្រាក់បៀវត្សរ៍ និងតម្រូវការមិនតាមបំណង ក៏ដូចជាការកើនឡើងនៃបន្ទុកការងារអំឡុងពេលជំងឺរាតត្បាតកូវីដ ១៩ គឺជាមូលហេតុចម្បងសម្រាប់ការលាឈប់នេះ ខណៈអ្នកខ្លះបានលាឈប់ពីការងារពេទ្យ ដោយសារតែបញ្ហាសុខភាព និងផ្លូវចិត្ត ។
លោក Tuyen បាននិយាយថា ភាគច្រើនបុគ្គលិកពេទ្យដែលបានលាឈប់គឺនៅក្នុងទីក្រុងហាណូយ និងហូជីមិញ ហើយគ្រាន់តែនៅក្នុងត្រីមាសទីមួយនៃឆ្នាំនេះ មានបុគ្គលិកពេទ្យទីក្រុងហូជីមិញប្រហែល ៤០០ នាក់ទៅហើយបានលាឈប់ ពោលស្មើនឹងមធ្យមភាគពេញមួយឆ្នាំនៅក្នុងសម័យមុនកូវីដ ។
ចំណែកនៅទីក្រុងហាណូយមានមនុស្សប្រហែល ៩០០ នាក់លាឈប់ពីការងារពេទ្យក្នុងរយៈពេល ១៨ ខែចុងក្រោយនេះ ហើយការចាកចេញនេះកំពុងធ្វើឲ្យមានការខ្វះខាតបុគ្គលិក និងប៉ះពាល់ដល់ការព្យាបាលជំងឺ ស្របពេលដែលស្ថានភាពកូវីដក្នុងប្រទេសនៅតែធ្ងន់ធ្ងរនៅឡើយ ។
គួរបញ្ជាក់ថា នៅខែមេសាទីក្រុងហូជីមិញបានអនុម័តដំណោះស្រាយមួយដើម្បីរកប្រាក់ជាង ១៣៨ ពាន់លានដុង (៥.៩ លានដុល្លារ) ក្នុងមួយឆ្នាំ និងបន្តរហូតដល់ឆ្នាំ ២០២៥ ដើម្បីជួលបុគ្គលិកឲ្យធ្វើការក្នុងមន្ទីរពេទ្យចំនួន ៣១០ ទីតាំង ៕
ប្រែសម្រួលដោយ ៖ ជីវ័ន្ត
ប្រភព ៖ VNExpress
ចុចអាន ៖ ឡាវ តភ្ជាប់ប្រព័ន្ធផ្លូវរថភ្លើងស្ដង់ដារទៅ ចិន តាមរយៈ ថៃ និងសាងសង់ផ្លូវដែកជាមួយ វៀតណាម
-
ជីវិតកម្សាន្ដ៧ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ២ ថ្ងៃ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
ព័ត៌មានជាតិ៣ ថ្ងៃ ago
ក្នុងករណីក្ដៅខ្លាំងលើស៤០អង្សារ សម្ដេចធិបតី ណែនាំឱ្យគណៈគ្រប់គ្រងសាលាផ្អាកការសិក្សាបន្ទាន់
-
ព័ត៌មានជាតិ៧ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៧ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានអន្ដរជាតិ១ សប្តាហ៍ ago
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
-
ព័ត៌មានជាតិ៥ ថ្ងៃ ago
មន្ត្រីជំនាញប្រើថវិកាជាតិលើការជួសជុលច្រាំងស្ពានវត្តគរ រហូតដល់ ៥ លើក
-
ព័ត៌មានអន្ដរជាតិ៧ ថ្ងៃ ago
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien