ព័ត៌មានជាតិ
គម្រោងសាងសង់រូបសំណាកពងទាកូន និងបង្កងខេត្តតាកែវបានផ្អាកហើយ
គម្រោងសាងសង់រូបសំណាកពងទាកូនស្រែរនោង និងបង្កងនៅខេត្តតាកែវ បានផ្អាកហើយក្រោយមានប្រតិកម្មពីមហាជន។ ខេត្តតាកែវមានផលិតផលល្បីល្បាញ និងសក្តានុពលតាមរយៈភូមិមួយផលិតផលមួយ គឺ បង្កង និងពងទាកូន។
លោក លី សាវ៉េត អ្នកនាំពាក្យរដ្ឋបាលខេត្តតាកែវបានប្រាប់កម្ពុជាថ្មីតាមទូរសព្ទថា គម្រោងសាងសង់រូបសំណាកពងទាកូនស្រែរនោង និងបង្កងទឹកសាបតាកែវ មកដល់ពេលនេះបានផ្អាកហើយ។ កន្លងទៅអាជ្ញាធរខេត្តមានបំណងសាងសង់រូបសំណាកពងទាកូនស្រែរនោង និងបង្កទឹកសាបដែលជាអាហារប្រចាំតំបន់របស់ខេត្តតាកែវ តែក្រោយមានប្រតិកម្មពីមហាជន គម្រោងនេះក៏បានផ្អាកទៅវិញ។
លោកបញ្ជាក់យ៉ាងដូច្នេះថា “គម្រោងនេះបានផ្អាកសិន មិនដឹងរដ្ឋបាលខេត្តនៅថ្ងៃខាងមុខ មានផែនការនឹងសាងសង់បន្តទៀតឬយ៉ាងណាទេ”។
លោកថា ពងទាកូនឃុំស្រែរនោង ជាកន្លែងដែលកសិករបានចាប់ផ្ដើមភ្ញាស់ពងទារបៀបសិប្បនិមិត្តមុនគេ តាមរយៈជនជនជាតិចិនមករស់នៅស្រុកខ្មែរក្នុងសម័យអាណានិគមបារាំង។ ដោយឡែកបង្កងទឹកសាបខេត្តតាកែវ ជាអាហារដ៏ពិសេស ហេតុនេះបានជាដល់រដូវបង្កងម្តងៗចាប់ពីខែវិច្ឆិកា ពលរដ្ឋគ្រប់ទិសទីបានមកសាករសជាតិបើទោះបីតម្លៃថ្លៃក៏ដោយ។
លោកបន្តថា ពងទាកូនស្រែងរនោង និងបង្កងទឹកសាបគឺជាផលិតផលម្ហូបអាហារប្រចាំនៅខេត្តតាកែវ ហើយភាពល្បីល្បាញនៃបង្កងខេត្តតាកែវ ក៏ជាផ្នែកមួយដែលបានទាក់ទាញទេសចរឆ្ងាយជិតចង់មកលេងខេត្តចំណាស់មួយនេះ។
ភ្ញៀវទេសចរណ៍មួយចំនួន ដែលមកខេត្តតាកែវក្រៅពីកម្សាន្តតាមតំបន់រមណីយដ្ឋាននានា ការធ្វើទេសចរណ៍ម្ហូបអាហារក៏មានប្រជាប្រិយភាព និងមានការគាំទ្រច្រើន។
លោក លី សាវ៉េតបានបញ្ជាក់ថា នៅទូទាំងរាជធានីខេត្តមានរូបតំណាងផ្សេងៗគ្នាដូចជា ខេត្តកំពតមានទុរេន និងខេត្តកំពង់ស្ពឺមានស្ករត្នោតជាដើម។ ដោយឡែករូបសំណាកបង្កង និងពងទាកូននេះ ពុំមែនជារូបតំណាងឱ្យខេត្តតាកែវនោះទេ ប៉ុន្តែជារូបតំណាងឱ្យផលិតផលដែលមានសក្តានុពលប្រចាំខេត្តតាកែវ ឯរូបតំណាងឱ្យខេត្តតាកែវ គឺរូបព្រះវិស្ណុ។
លោកបញ្ជាក់ថា ប្រតិកម្មពីមហាជនដែលលើកឡើងកន្លងទៅថា ការសាងសង់រូបសំណាកបង្កង និងពងទានកូនជារូបតំណាងឲ្យខេត្តគឺជាការយល់ច្រឡំប៉ុណ្ណោះ។
កន្លងទៅនេះ អាជ្ញាធរខេត្តតាកែវបានលើកគម្រោងស្ថាបនារូបសំណាកបង្កង និងរូបសំណាកពងទាកូន ដែលជាមុខម្ហូបដ៏មានសក្កានុពលប្រចាំខេត្តតាកែវ។ ក្រោយលេចឮពីគម្រោងសាងសង់រូបសំណាកទាំង២ ក៏ទទួលរងការរិះគន់ពីមហាជននៅលើបណ្តាញសង្គមហ្វេសបុក ដែលថាការយកពងទាកូន និងបង្កមិនសមស្របជាសំណង់និមិត្តរូបខេត្តតាកែវ ដោយសារភូមិសាស្ត្រ ប្រវត្តិសាស្រ្ត និងមិនមានគុណសម្បត្តិតំណាងជាអត្តសញ្ញាណខេត្តនោះទេ៕
អត្ថបទ៖ ប៊ុណ្ណារ៉ា
ព័ត៌មានលម្អិត! កំណត់ហេតុអង្គប្រជុំ ស្តីពីការសាងសង់អាស្រម វង្ស ចក្រាយុត្តិ នៅខេត្តព្រះវិហារ
រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
៥ចំណុចមុនព្រះខ័នរាជស្វាយរៀងបានដល់ចំណុចនេះ
រុស្ស៊ីគ្រោងចុះកិច្ចព្រមព្រៀងសង់រោងចក្រថាមពលនុយក្លេអ៊ែរនៅវៀតណាម
ជិត២សប្តាហ៍មកនេះ ពលរដ្ឋជាច្រើនបាននាំគ្នាទៅធ្វើបច្ចុប្បន្នភាពក្នុងបញ្ជីឈ្មោះបោះឆ្នោតឆ្នាំ២០២៥
ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
អាល្លឺម៉ង់ ប្រកាសលែងបង្ហើបដំណឹងអំពីជំនួយយោធាដែលផ្ដល់ឲ្យអ៊ុយក្រែនទៀតហើយ
រថយន្តក្រុងរដ្ឋដឹកអ្នកដំណើរជាង៥០នាក់ ធ្លាក់ចូលជ្រលងភ្នំនៅស្រីលង្កា មិនទាន់ដឹងមូលហេតុ
សម្ដេច ហ៊ុន ម៉ាណែត កោតសរសើរក្លឹបបាល់ទាត់ព្រះខ័នរាជស្វាយរៀង ទទួលបានជើងឯករង ពាន AFC CHALLENGE LEAGUE
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
-
ព័ត៌មានអន្ដរជាតិ៥ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ព័ត៌មានអន្ដរជាតិ១ សប្តាហ៍ agoរុស្ស៊ីព្រមានអ៊ុយក្រែន បើហ៊ានវាយប្រហារថ្ងៃ៩ឧសភា ក្រុងកៀវទំនងមិនអាចរស់ដល់ថ្ងៃ១០ឧសភាទេ
-
ជីវិតកម្សាន្ដ១ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ៦ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៤ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៥ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៣ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ