ព័ត៌មានជាតិ
រដ្ឋមន្ត្រីសុខាភិបាលជំរុញពលរដ្ឋចាក់វ៉ាក់សាំងដូសជំរុញ ដើម្បីទប់ស្កាត់ការឆ្លងមេរោគថ្មីៗ
លោកសាស្ត្រាចារ្យ ម៉ម ប៊ុន ហេង រដ្ឋមន្ត្រីក្រសួងសុខាភិបាល បានជំរុញឱ្យប្រជាពលរដ្ឋចាក់វ៉ាក់សាំងដូសជំរុញទី៣ ទី៤ និងទី៥ ឱ្យបានគ្រប់ៗគ្នាដើម្បីឱ្យមានភាពស៊ាំ ទប់ស្កាត់ការឆ្លងជំងឺកូវីដ-១៩ ប្រភេទថ្មីៗនៅក្នុងសហគមន៍។
ថ្លែងប្រាប់អ្នកសារព័ត៌មាន ក្រោយដឹកនាំក្រុមគ្រូពេទ្យចុះពិនិត្យព្យាបាលជំងឺ និងចាក់វ៉ាក់សាំងដូសជំរុញដល់ពលរដ្ឋនៅសង្កាត់គោកឃ្លៀង នៅព្រឹកថ្ងៃទី២៧ ខែកក្កដានេះ លោករដ្ឋមន្ត្រីបានមានប្រសាសន៍ថា បច្ចុប្បន្ននេះកម្ពុជាមានអ្នកឆ្លងជំងឺកូវីដ-១៩ ជាបន្តបន្ទាប់ក្រោយពីមិនមានអ្នកឆ្លងរយៈពេល ៥២ ថ្ងៃកន្លងមក តែមិនមានអ្នកស្លាប់ទៀតទេដែលទាំងនេះបណ្តាលមកពីការចាក់វ៉ាក់សាំង។
លោករដ្ឋមន្ត្រីបានណែនាំឱ្យប្រជាពលរដ្ឋ អាជ្ញាធរ ចាក់វ៉ាក់សាំងទាំងដូសមូលដ្ឋាន និងដូសជំរុញ ពិសេសគ្រូពេទ្យចាក់វ៉ាក់សាំង ត្រូវពាក់ម៉ាស ពាក់របាំងមុខ ពាក់ស្រោមដៃ ព្រោះពេទ្យធ្វើជាគំរូគេ។
លោករដ្ឋមន្ត្រីបានបន្តទៀតថា៖ “សូមកុំធ្វេសប្រហែសឱ្យសោះ មានអ្នកខ្លះធ្លាប់ឆ្លងកូវីដ-១៩ហើយ នៅតែបន្តឆ្លងបន្តទៀត ដោយសារអង្គបដិបក្សរបស់មនុស្សម្នាក់ៗថយចុះក្នុងរយៈពេល៣ ទៅ៦ខែ ព្រោះតែឥទ្ធិពលប្រសិទ្ធភាពនៃការចាក់វ៉ាក់សាំង។ ដូចនេះទាមទារឱ្យចាក់វ៉ាក់សាំងជាបន្តបន្ទាប់ ដើម្បីឱ្យមានភាពស៊ាំ និងអង្គបដិបក្សទប់ទល់នឹងមេរោគកូវីដ-១៩”។
យោងតាមរបាយការណ៍ក្រសួងសុខាភិបាលប្រចាំថ្ងៃបានឱ្យដឹងថា ថ្ងៃនេះក្រសួងរកឃើញអ្នកឆ្លងជំងឺកូវីដ-១៩ ថ្មីចំនួន២០នាក់ សុទ្ធតែឆ្លងក្នុងសហគមន៍ទាំងអស់ មានអ្នកជាសះស្បើយ ១៤ នាក់ និងស្លាប់ គ្មាន។
គិតត្រឹមព្រឹកថ្ងៃទី២៧ ខែកក្កដា ឆ្នាំ២០២២ កម្ពុជាមានអ្នកឆ្លងជំងឺកូវីដ-១៩ ចំនួន ១៣៦ ៦៥១ នាក់ អ្នកជាសះស្បើយចំនួន ១៣៣ ៤៣៥ នាក់ និងអ្នកស្លាប់ ៣ ០៥៦ នាក់៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង