លោក ណយ វ៉ាន់ណេត ត្អូញត្អែរកម្មវិធីសិល្បៈឥឡូវមិនសូវ​មាន​សម្រាប់​តារា​ជើងចាស់

តារាចម្រៀងជើងចាស់មានឈ្មោះល្បីល្បាញជាមួយទឹកដមសម្លេងពិរោះក្រអួនក្រអៅអង្រួនបេះដូងអ្នកស្តាប់លោកគ្រូ ណយ វ៉ាន់ណេត កន្លងមកបានធ្វើឲ្យមហាជនជាច្រើនចាប់អារម្មណ៍ចំពោះជីវិតរស់នៅឯកជន ក្រៅរង្វង់សិល្ប:របស់លោកនិងក្រុមគ្រួសារ។

ជាមួយគ្នានេះគេធ្លាប់នៅចាំបានថាកាលពីកន្លង ទៅលោកគ្រូ ណយ វ៉ាន់ណេត ក៏បានធ្វើឲ្យអ្នកគាំទ្រមានការភ្ញាក់ផ្អើលក្រោយពេលលោកបានបញ្ចេញរូបថតប៉ុន្មានសន្លឹកស្ថិតក្នុងសកម្មភាពធ្វើកម្មករសំណង។ ប៉ុន្តែជាចម្លើយត្រូវបានលោក គ្រូបញ្ជាក់ថានេះគ្រាន់តែការងារបន្តិចបន្តូចនៅផ្ទះប៉ុណ្ណោះ។

ដោយឡែក បើចាប់អារម្មណ៍អាជីពសិល្ប:នាពេលបច្ចុប្បន្នត្រូវបានតារាចម្រៀងជើងល្បីឈ្មោះ លោក គ្រូ ណយ វ៉ានណេត បង្ហើបនិងត្អូញត្អែរថារាល់កម្មវិធីសិល្បៈឥឡូវមិនសូវមានសម្រាប់តារាចម្រៀងជើងចាស់ទេ ខណ:តារាចម្រៀងក្មេងៗជំនាន់ក្រោយកំពុងរីកឡើងច្រើន។

តាមរយ:កិច្ចសម្ភាសន៍មួយ តារាចម្រៀងលោក ណយ វ៉ាន់ណេត បានបញ្ជាក់ថា កម្មវិធីសិល្បៈឥឡូវគឺមិនសូវមានកម្មវិធីសម្រាប់តារាចម្រៀងជើងចាស់ឡើយ គឺមានតែកម្មវិធីក្មេងៗ។ ប៉ុន្តែទោះបីជាយ៉ាងណា លោកគ្រូក៏មិនតូចចិត្តដែរ។ លោកគ្រូ ណយ វ៉ា ន់ណេត បញ្ជាក់បន្ថែមថា បើគេត្រូវការយើងទៅ។ តាមរយ:នេះដែរក៏មានការលើកឡើងថា បើបងប្អូនមានកម្មវិធីអញ្ជើញគាត់ទៅច្រៀងផង។ ខ្លះទៀតក៏បានលើកឡើងថាមែនហើយទូរទស្សន៍គួរតែផ្តល់ឱកាសឲ្យសិល្បៈតារាចម្រៀងជើងចាស់បានចៀងក្នុងកម្មវិធីឲ្យបានច្រើន៕

អត្ថបទ៖ ចាន់រ៉ា