កីឡា

ព័រទុយហ្គាល់ បានត្រឹមស្មើ កុងហ្គោ ស្របពេល អង់គ្លេស ឈ្នះ ក្រូអាត ៤-២

បានផុស

២ នាទី មុន

នៅ

ថ្ងៃព្រហស្បតិ៍ ១៨ មិថុនា ២០២៦

ដោយ

ក្រុមបញ្ចខែល ព័រទុយហ្គាល់ បានត្រឹមស្មើជាមួយ សាធារណរដ្ឋកុងហ្គោ ដោយលទ្ធផល ១-១ សម្រាប់ការប្រកួតបើកឆាករបស់ខ្លួន វគ្គសន្សំពិន្ទុក្នុងព្រឹត្តិការណ៍បាល់ទាត់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកតោកំណាចអង់គ្លេសពិតជាធ្វើបានល្អខ្លាំងមែនទែនដែលស័ក្តិសមជាក្រុមសំបូរកីឡាករល្អមែនៗដោយពួកគេបានយកឈ្នះ លើក្រុមជម្រើសជាតិ ក្រូអាត ដោយលទ្ធផល ៤-២ សម្រាប់ការប្រកួតបើកឆាកលើកទី១របស់ខ្លួនដែរ។

កីឡាករ Bruno Fernandes និង Diogo Costa ក្រោយចប់ការប្រកួត

ការប្រកួតដែលចាប់ផ្តើមនៅវេលាម៉ោង ១២ យប់ថ្ងៃទី១៧ ឈានចូលថ្ងៃទី១៨ ខែមិថុនា ព័រទុយហ្គាល់ បានចាប់ផ្តើមពោរពេញដោយកម្លាំងចិត្តភ្លាម។ ត្រឹមតែ ៦ នាទី ពួកគេបានបើកការនាំមុខ ១-០ ដោយកីឡាករ João Neves ហើយពួកគេបានព្យាយាមសម្រុក និងរក្សាការគ្រប់បាល់ភាគច្រើន។

ទោះបីជាយ៉ាងណា ក្រុមជម្រើសជាតិកុងហ្គោ ពិតជាការពារបានល្អខ្លាំង។ ពួកគេព្យាយាមដាក់សម្ពាធ និងកៀបសង្កត់ដែលធ្វើឲ្យ ព័រទុយហ្គាល់ ពិបាកចូលចុះក្នុងតំបន់ប្រយុទ្ធ ហើយពួកគេបានវាយបកក៏គ្រោះថ្នាក់ថែមទៀត។ ទីបំផុត កុងហ្គោ បានតាមស្មើ ១-១ នៅចុងវគ្គទី១ ដោយកីឡាករ Martin Baturina ដែលលទ្ធផលនេះរក្សារហូតចប់វគ្គទី២ បើទោះបីជាព័រទុយហ្គាល់ ព្យាយាមយ៉ាងណាក៏ដោយ។

កីឡាករ Bellingham និង Harry Kane អបអរគ្រាប់បាល់

នៅវេលាម៉ោង ៣ យប់អាធ្រាត្រ ចូលថ្ងៃទី១៨ ខែមិថុនា អង់គ្លេស បានបង្ហាញភាពរឹងមាំ និងមានប្រសិទ្ធភាពក្នុងគ្រប់គ្រងបាល់ និងរកបានគ្រាប់បាល់ដោយស៊ុតចូល ក្រូអាត ៤ គ្រាប់ ប៉ុន្តែធ្លាយគ្រាប់បាល់វិញ ២ គ្រាប់សម្រាប់ការប្រកួតសន្សំពិន្ទុពូល L។

៤ គ្រាប់របស់អង់គ្លេស រកបានដោយខ្សែប្រយុទ្ធ Harry Kane ២ គ្រាប់នៅនាទី១២ និង ៤២ កីឡាករ Jude Bellingham ១ គ្រាប់នាទី ៤៧ និង Marcus Rashford ១ គ្រាប់នាទី៨៥ ខណៈ ២ គ្រាប់របស់ ក្រូអាត រកបានដោយកីឡាករ Martin Baturina នាទី៣៦ និងកីឡាករ Petar Musa នាទី៤៥។

តាមរយៈលទ្ធផលនេះ អង់គ្លេស ត្រូវបានគេរំពឹងទទួលបានចំណាត់ថ្នាក់លេខ ១ ក្នុងពូល L ខណៈការប្រកួតបន្ទាប់របស់ពួកគេគឺ ប៉ាណាម៉ា និង ហ្គាណា ហើយ ក្រូអាតទំនងជាអាចស្ថិតនៅលេខ ១ ក្នុងពូល៕