ព័ត៌មានជាតិ
ស្តាប់ពលរដ្ឋនៅទីក្រុងភ្នំពេញ និយាយពីការទុកដាក់សំរាម
ប្រជាពលរដ្ឋនៅក្នុងរាជធានីភ្នំពេញហាក់មានការយល់ដឹងពីការរក្សាទុកដាក់សំរាមមិនថាតែនៅតាមផ្ទះ ឬនៅតាមទីសាធារណៈ ក៏ដូចជានៅតាមតូបលក់ដូរផ្សេងៗ។
អ្នកស្រី ព្រីញ សុខា រស់នៅសង្កាត់បឹងកេងកង ២ បានឲ្យដឹងថា ការទុកដាក់សំរាមមានភាពល្អប្រសើរឡើងពីមួយថ្ងៃទៅមួយថ្ងៃ។
ពលរដ្ឋរូបនេះបន្តថា ឡានសំរាមតែងតែមកប្រមូលជារៀងរាល់ថ្ងៃ បើទោះបីពេលខ្លះមានភាពយឺតយ៉ាវបន្តិច ប៉ុន្តែនៅតាមមុខផ្ទះពលរដ្ឋមួយចំនួនមានធុងទុកដាក់សំរាម ហើយក៏មានការវេចខ្ចប់ទុកដាក់បានត្រឹមត្រូវ។
ឃើញឥរិយាបថផ្លាស់ប្តូរនេះ អ្នកស្រី ព្រីញ សុខា ចង់ឲ្យប្រជាពលរដ្ឋគួរតែរក្សាទម្លាប់បែបនេះជាប់ជាប្រចាំ ដើម្បីរក្សាបរិស្ថានស្អាតនាំសុខភាពល្អទាំំងអស់គ្នា។
លោក លឿ បូនីន ពលរដ្ឋម្នាក់ទៀតនៅក្នុងខណ្ឌ ៧ មករា បានឲ្យដឹងដែរថា តំបន់ដែលលោករស់នៅឃើញថាប្រជាពលរដ្ឋមានការទុកដាក់សំរាមបានល្អខ្ទង់ ៩០ ភាគរយ។ នៅពេលពលរដ្ឋមានស្មារតីភ្ញាក់រលឹកបែបនេះ បានកាត់បន្ថយការចោលសំរាមពាសវាលពាសកាលឥតសណ្តាប់ធ្នាប់ខុសពីមុន។
«តួយ៉ាងដូចខ្ញុំពេលលក់ដូរតូបនៅមុខផ្លូវ ខ្ញុំតែងតែចងរៀបចំទុកសម្រាម មិនឲ្យបោះរប៉ាត់រប៉ាយនោះទេ ហើយពេលខ្លះអ្នកទិញហែកសំរាមបោះចោល ខ្ញុំតែងរើសបោសសំអាតចេញឲ្យមានរបៀបរាបរយ»។ នេះជាការបន្ថែមរបស់លោក លឿ បូនីន។
លោកស្រី ជួប ចន្ទី ដែលមានលំនៅក្នុងសង្កាត់បឹងកេងកង៣ អះអាងថា បច្ចប្បន្ននេះប្រជារដ្ឋមានការយល់ដឹងច្រើនពីការរក្សាសំរាម ដែលធ្វើទីសាធារណៈស្អាត គ្មានសំរាមរញ៉ែរញ៉ៃដូចមុន នាំឲ្យប៉ះពាល់ដល់សុខភាព។
ស្របពេលដែលអាជ្ញាធរតែងតែចុះណែនាំ ការទុកដាក់សំរាមឲ្យបានត្រឹមត្រូវ ក្រៅពីធ្វើឲ្យកន្លែងរស់នៅស្អាត មិនបង្កកកស្ទះតាមមាត់លូ ឆ្លងមេរោគនានាប្រឈមមុខនឹងជំងឺច្រើន ហើយក៏ជាមុខមាត់ជាតិទាំំងអស់គ្នាផងដែរ៕
អត្ថបទ៖ ថាវរី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង