ព័ត៌មានអន្ដរជាតិ

ឆេះហាងខារ៉ាអូខេ វៀតណាម មួយកន្លែង ស្លាប់មនុស្ស ១២នាក់

បានផុស

៣ years មុន

នៅ

ថ្ងៃពុធ ៧ កញ្ញា ២០២២

ដោយ

មនុស្សចំនួន១២នាក់បានស្លាប់ និងច្រើននាក់ទៀតរងរបួស បន្ទាប់ពីអគ្គិភ័យ ឆាបឆេះយ៉ាងសន្ធោសន្ធៅនៅហាងខារ៉ាអូខេមួយកន្លែង ក្នុងទីក្រុងហូជីមិញ។

អគ្គិភ័យ បានឆាបឆេះជាន់ខាងលើនៃហាងខារ៉ាអូខេ An Phu កាលពីយប់ថ្ងៃអង្គារទី០៦ខែកញ្ញា ដោយបានរាលដាលយ៉ាងលឿន ធ្វើឲ្យអតិថិជនជាច្រើននាក់ ត្រូវជាប់នៅខាងក្នុង។

ប្រព័ន្ធផ្សព្វផ្សាយក្នុងស្រុកបានរាយការណ៍ថា ដើម្បីគេចពីអគ្គិភ័យ មនុស្សបួននាក់ បានលោតចុះពីជាន់ទី២ និងទី៣។ ពួកគេបានរងរបួស ប៉ុន្តែមិនគ្រោះថ្នាក់ដល់អាយុជីវិតឡើយ។

ក្រុមពន្លត់អគ្គិភ័យ បានចំណាយពេលមិនដល់មួយម៉ោងទេ ដើម្បីពន្លត់ភ្លើង ខណៈសមត្ថកិច្ចកំពុងស្រាវជ្រាវរកមូលហេតុនៃការឆាបឆេះនេះ ។

នេះមិនមែនជាលើកទីមួយទេ ដែលអគ្គិភ័យឆាបឆេះហាងខារ៉ាអូខេនៅប្រទេសវៀតណាម។ កាលពីខែមុន អ្នកពន្លត់អគ្គិភ័យបីនាក់បានស្លាប់ បន្ទាប់ពីព្យាយាមពន្លត់ភ្លើងនៅហាងខារ៉ាអូខេមួយកន្លែងក្នុងទីក្រុងហាណូយ៕

ប្រែសម្រួល៖ Vann Vann

ប្រភព៖ BBC

ចុចអាន៖ អគ្គិភ័យឆេះតូបលក់ដូរក្នុងផ្សារទួលសង្កែអស់៥តូប កាលពីយប់មិញ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:ប្រទេសវៀតណាម