សន្តិសុខសង្គម

សិស្សសាលាអនុវិទ្យាល័យប្រមាណ១០នាក់ទន់ដៃទន់ជើងរវើរវាយស្រែកយំមិនដឹងពីមូលហេតុ

បានផុស

៤ years មុន

នៅ

ថ្ងៃសុក្រ ៩ កញ្ញា ២០២២

ដោយ

សិស្សសាលាអនុវិទ្យាល័យសេសានប្រមាណ១០នាក់ បានទន់ដៃទន់ជើងជាបន្តបន្ទាប់រវើរវាយស្រែកយំមិនដឹងពីមូលហេតុ នៅយប់នេះ បានយកទៅមណ្ឌលសុខភាពពិនិត្យនិងខ្លះយកទៅវត្តដើម្បីឲ្យលោកធ្វើការប្រោសព្រំបណ្ដេញឧបទ្រពចង្រៃ។

ហេតុការណ៍ខាងលើនេះ បានកើតឡើងកាលពីល្ងាចថ្ងៃទី៩ ខែកញ្ញា ឆ្នាំ២០២២ ស្ថិតនៅអនុវិទ្យាល័យសេសាន ស្ថិតក្នុងភូមិកំភុន ស្រុកសេសាន ខេត្តស្ទឹងត្រែង។

បើតាមប្រភពព័ត៌មានពីអនុវិទ្យាល័យសេសានបានឲ្យដឹងថា នៅពេលល្ងាចសិស្សានុសិស្សថ្នាក់ទី៨ អនុវិទ្យាល័យសេសានកំពុងតែរៀនសុខៗ ស្រាប់តែដួលសន្លប់ ខ្លះទៀតទន់ដៃទន់ជើងនិងខ្លះទៀតរវើរវាយយំស្រែកថាមានខ្មោចមកយក។

ប្រភពបានបន្តឲ្យដឹងទៀតថា ក្រោយកើតហេតុសិស្សចំនួន១០នាក់ត្រូវបានលោកគ្រូអ្នកគ្រូនិងសិស្សានុសិស្សនាំគ្នាបញ្ជូនទៅកាន់មណ្ឌលសុខភាពពិនិត្យមើលឈាមជាតិស្ករនិងដាក់អុកស៊ីហ្សែនមានសភាពធម្មតា តែជនរងគ្រោះចេះតែស្រែកថា ខ្មោចមកយកហើយខ្មោចមកយកហើយ។

បច្ចុប្បន្នសិស្សានុសិស្សទាំង១០នាក់មួយចំនួនកំពុងសម្រាកពិនិត្យនៅមណ្ឌលសុខភាព និងមួយចំនួនទៀត បានយកទៅកាន់វត្តកំភុន ដើម្បីឲ្យព្រះសង្ឃធ្វើការប្រោសព្រំបណ្ដេញឧបទ្រពចង្រៃ ដោយសារសិស្សទាំងនោះ ចេះតែស្រែកថាខ្មោចមកយកហើយៗ។

ពាក់ព័ន្ធក្នុងករណីខាងលើនេះ គ្រូពេទ្យមណ្ឌលសុខភាពស្រុកសេសានថា នៅថ្ងៃស្អែកទី១០ នេះក្រុមគ្រូពេទ្យនៃមន្ទីរសុខាភិបាលខេត្តស្ទឹងតែងនិងចុះទៅពិនិត្យមើលនៅសាលាដើម្បីឲ្យដឹងពីមូលហេតុ៕

ដោយ ៖ ងិនលីម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:ជំងឺរវើរវាយ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា