ព័ត៌មានជាតិ

អភិបាលខេត្តបន្ទាយមានជ័យចុះពិនិត្យជាក់ស្តែងស្ថានភាពអូរព្រំដែនទោះមិនទាន់ដល់ការប្រកាសអាសន្នក៏ដោយ

បានផុស

៤ years មុន

នៅ

ថ្ងៃសុក្រ ៩ កញ្ញា ២០២២

ដោយ

ប៉ោយប៉ែត ៖ លោក អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោក គាត ហ៊ុល អភិបាលក្រុងប៉ោយប៉ែត អាជ្ញាធរសង្កាត់ មន្ត្រីពាក់ព័ន្ធ បានពិនិត្យមើលស្ថានភាពទឹក នៅតាមបណ្តោយអូរព្រំដែនកម្ពុជាថៃ ក្នុងភូមិសាស្ត្រសង្កាត់អូរជ្រៅ ក្រុងប៉ោយប៉ែត កាលពីរសៀលថ្ងៃទី០៩ កញ្ញា ឆ្នាំ២០២២ ។ជាលទ្ធផលស្ថានភាពទឹកតាមអូរព្រំដែនមិនទាន់ដល់ការព្រួយបារម្ភប្រកាសអាសន្ននោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកគាត ហ៊ុល អភិបាលក្រុងប៉ោយប៉ែតបានរាយការណ៍ពីស្ថានភាពកម្ពស់ទឹកអូរតាមបន្ទាត់ព្រំដែនមិនទាន់មានការជន់លិចលង់ផលដំណាំ លំនៅឋានប្រជាពលរដ្ឋ ខណៈទឹកឡើងចុះៗនិងពុំទាន់មានអ្វីដែលគួរឲ្យព្រួយបារម្ភនិងដល់កម្រិតត្រូវប្រកាសអាសន្ននោះដែរ។

ជាមួយនឹងស្ថានភាពទឹកអូរព្រំដែននាពេលបច្ចុប្បន្នមិនទាន់ដល់កំរិតប្រកាសអាសន្នក្តីក៏អាជ្ញាធរបានតៀមក្នុងការជួយពលរដ្ឋមកទីទួលសុវត្ថិភាពដែលមានបួនកន្លែងរួចហើយ។

លោក អ៊ុ រាត្រី អភិបាលខេត្តបន្ទាយមានជ័យសូមបងប្អូនប្រជាពលរដ្ឋដែលមានលំនៅឋានតាមមាត់អូរព្រំដែន និងតំបន់ទំនាបដែលមានមុខទឹកហូរឆ្លងកាត់ បង្កើនការប្រុងប្រយ័ត្នចំពោះហានិភ័យនៃជំនន់ទឹកភ្លៀង ជៀសវាងគ្រោះថ្នាក់ជាយថាហេតុណាមួយ និងរាយការណ៍មកអាជ្ញាធរភូមិ សង្កាត់ និងកម្លាំងគ្រប់លំដាប់ថ្នាក់ក្នុងករណីមានអាសន្នណាមួយកើតឡើង៕

ដោយ ៖ អពៅ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា