ព័ត៌មានជាតិ
កំណាត់ផ្លូវជាតិលេខ៤៨មួយចំនួនរងការខូចខាតអំឡុងរដូវវស្សា អាជ្ញាធរកំពុងប្រឹងប្រែងជួសជុល និងសុំការយោគយល់ផង
កោះកុង ៖ កំណាត់ផ្លូវជាតិលេខ៤៨ក្នុងភូមិសាស្ត្រខេត្តកោះកុង ជួបប្រទះការខូចខាតខ្លាំងលំបាកធ្វើដំណើរចរាចរណ៍អំឡុងរដូវវស្សាឆ្នាំនេះ តែទោះយ៉ាងណាអាជ្ញាធរក៏សុំការយោគយល់ និងប្រឹងប្រែងជួសជុលថែទាំផងដែរ។
បូករួមទាំងគុណភាពផ្លូវហួសគុណភាពប្រើប្រាស់ផង និងអំឡុងរដូវភ្លៀងធ្លាក់ខ្លាំងលំបាកជួសជុលផងនោះទេ បានធ្វើឱ្យកំណាត់ផ្លូវជាតិលេខ៤៨ ត្រង់ចំណុចមួយចំនួនរងការខូចខាតខ្លាំងរហូតដល់អ្នកដំណើររអ៊ូរទាំ។
ចំពោះបញ្ហានេះដែរ ត្រូវបានលោកស្រី មិថុនា ភូថង អភិបាលខេត្តកោះកុង កាលពីពេលថ្មីៗនេះបានចេញប្រកាសផ្ទាល់មាត់ថា លោកស្រីពិតជាយល់ពីរាល់ការលំបាកធ្វើដំណើររបស់បងប្អូនប្រជាពលរដ្ឋ និងអ្នកទេសចរគ្រប់មជ្ឈដ្ឋានដែលឆ្លងកាត់ក្នុងភូមិសាស្ត្រខេត្តអំឡុងរដូវវស្សា។
រដ្ឋបាលខេត្តពុំមែនមិនខ្វាយខ្វល់នោះទេ ពោលគឺតែងសហការជាមួយតំណាងក្រុមហ៊ុនសាងសង់ផ្លូវនេះគ្រប់វេលា ដើម្បីពន្លឿនការថែទាំជួសជុល ប៉ុន្តែភ្លៀងធ្លាក់ខ្លាំងជាបន្តបន្ទាប់ក្រុមការងារជំនាញមិនអាចចុះជួសជុលបានភ្លាមៗនោះទេ។
ដូច្នេះលោកស្រីអភិបាលខេត្ត សុំការអធ្យាស្រ័យពីប្រជាពលរដ្ឋ និងអ្នកទេសចរដែលធ្វើដំណើរឆ្លងកាត់តាមបណ្តោយផ្លូវជាតិលេខ៤៨ ក្នុងកាលៈទេសៈនេះ។ ទន្ទឹមនេះ លោកស្រីក៏ស្នើសុំដល់អ្នកប្រើប្រាស់ផ្លូវ មេត្តាបង្កើនការប្រុងប្រយ័ត្នខ្ពស់ ចំពោះការបើកបរពេលស្ថានភាពរអិល។
កម្ពុជាថ្មីបានសុំព័ត៌មានបន្ថែមពីលោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង រសៀលថ្ងៃទី២១ខែកញ្ញាថា ក្រុមហ៊ុនម៉ៅការសងសង់ផ្លូវជាតិលេខ៤៨បានផ្តោតការចិត្តទុកដាក់ខ្លាំងណាស់លើការជួសជុលថែទាំតាមកំណាត់ផ្លូវដែលខូចខាត។
ខណៈផ្លូវហួសសុពលភាពប្រើប្រាស់ និងពុំមានពេលវេលាល្អសម្រាប់ជួសជុលអំឡុងពេលភ្លៀងធ្លាក់ជោកជាំ។ តែទោះជាបែបណាក្តី លោក អន ដាវុធ សហការជំរុញធ្វើយ៉ាងណាឱ្យក្រុមការងារក្រុមហ៊ុន ពន្លឿនការត្រួតពិនិត្យ និងជួសជុលជាលក្ខណៈបណ្តោះអាសន្នទៅតាមចំណុចគីឡូខូចខាត ដើម្បីសម្រួលដល់ការធ្វើដំណើរប្រជាពលរដ្ឋ ជាពិសេសអ្នកទេសចរដែលមកលេងកម្សាន្តនៅខេត្តកោះកុង នារដូវបុណ្យភ្ជុំបិណ្ឌ៕
អត្តបទ ៖ សិរីវឌ្ឍនៈ
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
លោក ផាត សូដា៖ តស៊ូដោះបំណុលជំពាក់ពេលធ្វើក្លឹបមានពេលខ្លះគេមកទាលុយ ឬស្ដីឲ្យដល់ក្លឹប
សម្ដេចតេជោ ហ៊ុន សែន កំពុងបញ្ជាកងទ័ព ជាមួយនាយករដ្ឋមន្ត្រី និងមេទ័ព
សម្ដេចតេជោ ហ៊ុន សែន កំពុងរួមចំណែក បញ្ជាកងទ័ពច្បាំងជាមួយថៃ
រុស្ស៊ី និងអ៊ុយក្រែន យល់ព្រមដោះដូរអ្នកទោសបន្ថែម ប៉ុន្តែគ្មានកិច្ចចរចាបទឈប់បាញ់នោះទេ
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃជាអ្នកបង្កហេតុ
សារព័ត៌មានល្បីៗផ្សាយថា ថៃបើកការបាញ់ប្រហារកម្ពុជា និងឆ្លងចូលទឹកដីកម្ពុជា
កម្ពុជា រងឥទ្ធិពលពីព្យុះមួយទៀត គឺជាព្យុះទី៧ ឈ្មោះ ហ្វ្រង់ស៊ីស្កូ (Fransisco)
ជាល្បិចឬយ៉ាងណា? ក្រោយអនុព័ន្ធយោធាបរទេសមិនខ្វល់ស្តាប់ ទាហានថៃ ៥នាក់ទៀតក៏ដើរជាន់មីន
-
ព័ត៌មានអន្ដរជាតិ៤ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៥ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
បច្ចេកវិទ្យា៤ ថ្ងៃ agoជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានជាតិ៣ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ