អភិបាលខេត្តកំពត​ចុះពិនិត្យមើលទីតាំងឆ្នេរខ្សាច់ថ្មី​

លោក ម៉ៅ ធនិន អភិបាលខេត្តកំពតនៅថ្ងៃទី ២១ ខែតុលា​បានដឹកនាំមន្ត្រីជំនាញ កងកម្លាំង និង​អាជ្ញាធរពាក់ព័ន្ធជាច្រើនរូប នៅក្រោមឱវាទ ចុះទៅពិនិត្យទីតាំងឆ្នេរខ្សាច់នៅមាត់ព្រែកថ្មី​និងគ្រោង​បង្កើតឆ្នេរសមុទ្រថ្មីមួយទៀតនៅពេលឆាប់ៗនាខាងមុខនេះ ដែលស្ថិតនៅក្នុងឃុំជុំគ្រៀល ស្រុក​ទឹកឈូ ខេត្តកំពត ដើម្បីមានភាពទាក់ទាញភ្ញៀវទេសចរណ៍​ឱ្យមកលេងកម្សាន្ត​កាន់តែច្រើន​ហើយ អភិបាលខេត្តក៏បានជំរុញមន្ត្រីជំនាញពាក់ព័ន្ធការងារអភិវឌ្ឍឱ្យបានស្អាតនៅតាមតំបន់ឆ្នេរសមុទ្រឱ្យមានឆ្នេរខ្សាច់ថ្មីជាខេត្តគោលដៅទេសចរណ៍សម្បូរបែបតាមតម្រូវការជូនដល់ភ្ញៀវទេសចរណ៍ដែលមកលេងលំម្ហែកម្សាន្តឱ្យកាន់តែច្រើនបន្ថែមទៀតដូចជាភ្ញៀវទេសចរណ៍ជាតិ-អន្តរជាតិ ទៅថ្ងៃអនាគត។

លោក ម៉ៅ ធនិន អភិបាលខេត្តកំពតបានឱ្យដឹងថា និងមានគម្រោងតភ្ជាប់ទៅគម្រោងពង្រីកផ្លូវ នៅតាមដងព្រែកនិងឆ្នេរខ្សាច់ដែលមានទំហំទទឹង ៦០ម៉ែត្រ ឱ្យឆ្ពោះទៅចូលកាន់តំបន់​ឆ្នេរខ្សាច់សមុទ្រ។

នៅជាមួយគ្នានេះដែររដ្ឋបាលខេត្តក៏បានត្រៀមដីដែលមានទំហំប្រមាណ ៥ហិកតាដែលនៅជាប់មាត់សមុទ្រ ដើម្បីរៀបចំធ្វើជាសួនកម្សាន្តនៅតាមដងព្រែកផងដែរ។

រដ្ឋបាលខេត្ត និងគម្រោងចក្តុវិស័យបង្កើតឆ្នេរខ្សាច់ថ្មីនៃខេត្តកំពតនេះ បានផ្ដល់ផលប្រយោជន៍ជាច្រើនដ៍សារៈសំខាន់នោះ គឺការផ្ដល់ចំណូលសម្រាប់ខេត្តយើង និងផ្ដល់ចំណូលដល់ប្រជាពលរដ្ឋនៅក្នុងខេត្តផងដែ ហើយថែមទាំងមានការស្នាក់នៅ ក្នុងការហូបចុក សេវាកម្មទេសចរណ៍ផ្សេងៗទៀត៕

អត្ថបទ៖ សឹង រ៉ាត់