ព័ត៌មានជាតិ
ស្ត្រីខ្មែរម្នាក់ត្រូវតម្រួតថៃចាប់ខ្លួន ក្រោយចាក់សម្លាប់ប្តី ព្រោះភ្លើងប្រច័ណ្ឌ
ស្ត្រីខ្មែរម្នាក់ដែលជាពលករបម្រើការងារនៅខេត្តឈុនបុរី ប្រទេសថៃ ត្រូវបានតម្រួតថៃ ចាប់ខ្លួនភ្លាមៗ ពីបទឃាតកម្មដោយចេតនា បន្ទាប់ពីស្ត្រីរូបនេះ បានតាមដានប្រទះឃើញស្វាមីរបស់ខ្លួនទៅដេកក្នុងបន្ទប់ស្ត្រីម្នាក់ទៀត ដែលជាពលករខ្មែរដូចគ្នា ទើបបង្កអោយមានរឿងនេះកើតឡើងតែម្តង ។
ហេតុការណ៍នេះ បានកើតឡើងកាលពីវេលាម៉ោង៤និង៣០នាទី ទៀបភ្លឺ ព្រឹកថ្ងៃទី៣ ខែមករា ឆ្នាំ ២០២១ ត្រង់ចំណុចផ្លូវពោធិសាន៨/១ ក្នុងឃុំណាក្លឿ ស្រុកបាងឡាក់មុង ខេត្តឈុនបុរី ប្រទេសថៃ ដែលកន្លែងកើតហេតុ គឺស្ថិតនៅលើអគារអាផាតមិន ជាន់ទី៣ ខាងមុខបន្ទប់លេខ C6 ។
នៅទីនោះគេសង្កេតឃើញសពមនុស្សប្រុសម្នាក់ បានដេកស្លាប់ក្នុងថ្លុកឈាម ដែលជនរងគ្រោះរូបនេះមានឈ្មោះ អានុន ភឿកឆាយ៉ា អាយុ២៧ឆ្នាំ ជាអ្នករស់នៅខេត្តនគររាជសីមា ព្រមទាំងមានស្នាមចាក់១កាំបិត ត្រង់ក្រោមដោះខាងឆ្វេង បណ្តាលអោយស្លាប់ភ្លាមៗតែម្តង។ រីឯជនបង្កដែលជាភរិយាមានឈ្មោះ វ៉ាន់ លីន អាយុ២៧ឆ្នាំ ជាពលករខ្មែររស់នៅប្រទេសថៃ ។
តាមការរៀបរាប់ពីស្ត្រីម្នាក់ឈ្មោះ ម៉ៃ សាវអុន អាយុ២៨ឆ្នាំ ជាពលករខ្មែរ និងជាម្ចាស់បន្ទប់កើតហេតុបាននិយាយថា កាលពីព្រលប់មុនពេលកើតហេតុ គឺរូបនាងជាមួយនិងជនរងគ្រោះ ព្រមទាំងមិត្តភ័ក្ដិផ្សេងទៀត បាននាំគ្នាទៅផឹកលេងជុំគ្នា ។ នាងបានបញ្ជាក់ប្រាប់សមត្ថកិច្ចបន្តថា ក្រោយពីកម្មវិធីត្រូវបានបញ្ចប់ ពួកគេក៏បានជូនមិត្តភ័ក្ដិត្រឡប់ទៅកន្លែងដេក ដោយឡែកបុរសរងគ្រោះបាននិយាយថា គេមិនអាចធ្វើដំណើរទៅផ្ទះបានទេដោយសារស្រវឹងហើយ។ នៅពេលនោះដែរ នាងក៏ បានក្រាលពូកនៅជ្រុងមួយនៃបន្ទប់របស់នាងដើម្បីអោយគេសម្រាកនៅទីនោះ ប៉ុន្តែជាចៃដន្យនាង វ៉ាន់ លីន ដែលជាភរិយាបានតាមដានមកឃើញក៏បានទាញកូនកាំបិតចាក់ទៅលើស្វាមីរបស់នាង បណ្តាលអោយស្លាប់តែម្តង ។
ភ្លាមៗនោះដែរតម្រួតថៃបានចុះពិនិត្យទីតាំងកើតហេតុ ព្រមទាំងបានរកឃើញវត្ថុតាង គឺកូនកាំបិតដែលប្រលាក់ឈាមប្រវែងប្រមាណ២០សង់ទីម៉ែត្រ ទើបសមត្ថកិច្ចបាននាំខ្លួនស្ត្រីទាំង២រូបនេះយកទៅកាន់អធិការដ្ឋានតម្រួតស្រុក បាងឡាក់មុង ដើម្បីធ្វើការសាកសួរ រីឯសពក៏ត្រូវបានយកទៅរក្សាទុកដើម្បីធ្វើកោសល្យវិច័យផងដែរ ៕
អត្ថបទ ៖ សោ និយមរ័ត្ន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៧ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ