បច្ចេកវិទ្យា
ដំណើរទស្សនកិច្ចនាយករដ្ឋមន្ត្រី នៃប្រទេសវៀតណាម និងការពិនិត្យការងារជាមួយក្រុមហ៊ុន Viettel Cambodia
នាយករដ្ឋមន្ត្រីវៀតណាម លោក ផាម មិញជិញ (Pham Minh Chinh) កាលពីថ្ងៃទី ០៩ ខែវិច្ឆិកា ឆ្នាំ ២០២២ បានជួបពិភាក្សាការងារនៅក្រុមហ៊ុន Metfone ដែលជាម៉ាកយីហោរបស់ក្រុមហ៊ុនសមាជិក Viettel Group នៅកម្ពុជា។ ក្នុងនោះក៏មានការអញ្ជើញចូលរួមពីថ្នាក់ដឹកនាំក្រសួង ស្ថាប័ន នៃប្រទេសទាំងពីរផងដែរ។ នៅក្នុងកិច្ចប្រជុំនេះ តំណាងក្រុមហ៊ុនមិត្តហ្វូនបានរាយការណ៍ជូនលោកនាយករដ្ឋមន្ត្រី Pham Minh Chinh អំពីលទ្ធផល នៃសកម្មភាពផលិតកម្ម និងអាជីវកម្ម ក៏ដូចជាការរួមចំណែកសេដ្ឋកិច្ចសង្គមដល់កម្ពុជា បន្ទាប់ពីអាជីវកម្មនេះមានវត្តមាននៅកម្ពុជាអស់រយៈពេល ១៣ ឆ្នាំ។
បច្ចុប្បន្ន មិត្តហ្វូន គឺជាប្រតិបត្តិករទូរគមនាគមន៍ដ៏ធំបំផុតនៅកម្ពុជាទាក់ទងនឹងអតិថិជន ប្រាក់ចំណូល និងបណ្ដាញដែលមានចំណែកទីផ្សារ ៤៥% ដែលមានអតិថិជនជាង ៩ លាននាក់ និងចំណែកទីផ្សារ ៦០% នៅក្នុងចំនួនស្ថានីយទូរស័ព្ទចល័ត។ សូមជម្រាបថា ទោះបីជាឧស្សាហកម្មទូរគមនាគមន៍ពិភពលោកមានការកើនឡើងក៏ដោយ មិត្តហ្វូន នៅតែបន្តរក្សាសន្ទុះ នៃកំណើនរបស់ខ្លួនទាក់ទងនឹងប្រាក់ចំណូល និងប្រាក់ចំណេញ ហើយមានតម្លៃរហូតដល់ ១ ពាន់លានដុល្លារអាមេរិក។ បច្ចុប្បន្ននេះ មិត្តហ្វូន គឺជាក្រុមហ៊ុនមួយ ក្នុងចំណោមអ្នកបង់ពន្ធធំជាងគេទាំងប្រាំ សម្រាប់រដ្ឋាភិបាល ក្នុងប្រទេសកម្ពុជា។
ម្យ៉ាងវិញទៀត មិត្តហ្វូន បានធ្វើបទបង្ហាញអំពីការរួមចំណែករបស់ខ្លួនចំពោះសង្គម និងប្រជាជនកម្ពុជា តាមរយៈសកម្មភាពសហគមន៍ដូចជាភាពជាសកល នៃសេវាទូរគមនាគមន៍នៅកម្ពុជាដែលរួមចំណែកធ្វើឲ្យកម្ពុជាក្លាយជាប្រទេសមួយក្នុងចំណោមតំបន់ដែលមានការរីកចម្រើនលឿនបំផុតក្នុងពិភពលោកជម្រាបជូនលោកនាយករដ្ឋមន្ត្រីផងដែរ។ លើសពីនេះ សេវាគ្របដណ្ដប់ និងល្បឿន 4G ល្អបំផុតនៅអាស៊ីអាគ្នេយ៍ អត្រាអតិថិជនប្រើប្រាស់ទិន្នន័យឈានដល់ ៩១% ដែលក្នុងនោះ ៩៥% ជាអតិថិជន 4G ស្រដៀងទៅនឹងប្រទេសអភិវឌ្ឍន៍ដូចជា កាណាដា សហរដ្ឋអាមេរិក អាល្លឺម៉ង់ ជាដើម។ ពិសេសបានបង្កើតឱកាសការងារដល់ប្រជាជនកម្ពុជា ជាង ៣ ម៉ឺននាក់ ទទួលបានប្រាក់ចំណូលជាមធ្យមខ្ពស់ជាងមធ្យមភាគជាតិ។ ក្រុមហ៊ុនក៏តែងតែអមដំណើរជាមួយរដ្ឋាភិបាល ក៏ដូចជាប្រជាជនវៀតណាម និងកម្ពុជា ក្នុងសកម្មភាពស្ម័គ្រចិត្ត។
ជាមួយគ្នានេះ មិត្តហ្វូន ក៏បានត្រួសត្រាយឲ្យមានបំលាស់ប្តូរប្រព័ន្ធឌីជីថលសម្រាប់រដ្ឋាភិបាល និងក្រសួងនានានៅប្រទេសកម្ពុជាផងដែរ។ បច្ចុប្បន្ននេះ មិត្តហ្វូនបានចុះហត្ថលេខាលើកិច្ចព្រមព្រៀងសហប្រតិបត្តិការជាមួយក្រសួងស្ទើរតែទាំងអស់ជាមួយរដ្ឋាភិបាល នៃប្រទេសកម្ពុជា។ ក្នុងនោះរួមទាំងគម្រោងសំខាន់ៗជាពិសេសជាមួយក្រសួងសុខាភិបាល ក្រសួងអប់រំ និងប្រព័ន្ធអេកូឡូស៊ីអប់រំរបស់មិត្តហ្វូនបានគ្របដណ្ដប់សាលារៀនជាង ៣០០ នៅទូទាំងប្រទេស ជាមួយសិស្សជាង ៤៥ ម៉ឺននាក់ និងទទួលបានអត្ថប្រយោជន៍ជាច្រើនពីសិក្សាតាមប្រព័ន្ធឌីជីថល។ ចំណែកនៅក្នុង វិស័យហិរញ្ញវត្ថុឌីជីថល eMoney របស់ Metfone បច្ចុប្បន្ននេះ គឺជា e-wallet ដែលបានដើរតួនាទីដ៏ធំបំផុតនៅប្រទេសកម្ពុជា ដែលមានអតិថិជនជាង ៨ សែននាក់។ ដើម្បីលើកកម្ពស់សេដ្ឋកិច្ចឌីជីថលកម្ពុជា មិត្តហ្វូនបានកសាងហេដ្ឋារចនាសម្ព័ន្ធឌីជីថល ដែលធានាថា ៩៥% នៃប្រជាជនគ្រប់ច្រកល្ហកនៅកម្ពុជាអាចប្រើប្រាស់សេវាទូរគមនាគមន៍បានយ៉ាងងាយស្រួល។
នៅក្នុងដំណើរទស្សនកិច្ចនេះ នាយករដ្ឋមន្ត្រី លោក ផាម មិញជិញ (Pham Minh Chinh) បានកោតសរសើរ និងវាយតម្លៃខ្ពស់ចំពោះលទ្ធផលដែលមិត្តហ្វូនសម្រេចបាន រួមចំណែកលើកកម្ពស់ទំនាក់ទំនង “អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការលើគ្រប់វិស័យ បានកាន់តែយូរអង្វែង និងនិរន្តរភាព។ ជាមួយគ្នានេះ វៀតណាមបានរួមចំណែកអភិវឌ្ឍន៍សេដ្ឋកិច្ចសង្គម បង្កើតការងារ ធានាសន្តិសុខសង្គមដល់កម្ពុជាផងដែរ។
លោក ផាម មិញជិញ (Pham Minh Chinh) នាយករដ្ឋមន្ត្រីវៀតណាម បានសង្កត់ធ្ងន់ថា មិត្តហ្វូនគួរតែបន្តលើកកម្ពស់តួនាទីរបស់ខ្លួនជាស្ពានដ៏សំខាន់ រួមចំណែកក្នុងការជំរុញ ពង្រីក និងពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរ និងប្រជាជនទាំងពីរឲ្យបានកាន់តែល្អប្រសើរ ហើយក្នុងកិច្ចសហប្រតិបត្តិការនេះក៏នឹងធ្វើឲ្យមិត្តហ្វូនមានកន្លែងកាន់តែល្អប្រសើរដើម្បីធ្វើប្រតិបត្តិការបន្ថែមទៀត។ ក្នុងនោះការរួមចំណែកជំរុញបដិវត្តន៍ឧស្សាហកម្មជំនាន់ទី ៤ រវាង កម្ពុជា និងវៀតណាម បានធ្វើឲ្យសន្តិសុខសង្គមកាន់តែល្អប្រសើរឡើងក្នុងស្មារតី “ផលប្រយោជន៍រួម ហានិភ័យរួម”។
លោក Tao Duc Thang ប្រធាន និងជាអគ្គនាយកក្រុមហ៊ុន Viettel Group បានមានប្រសាសន៍ថា ៖ “ខណៈពេលកំពុងតែមានការវិនិយោគនៅបរទេស ទោះបីជាមានឧបសគ្គច្រើនក៏ដោយ ក៏ Viettel Group តែងតែបន្តដំណើរការវិនិយោគនៅបរទេស” ហើយប្ដេជ្ញាចិត្តជានិច្ចក្នុងការត្រួសត្រាយផ្លូវ នៃការផ្លាស់ប្ដូរឌីជីថល និងបានត្រៀមខ្លួនជាស្រេចក្នុងការពិគ្រោះយោបល់គាំទ្រ និងអមដំណើររដ្ឋាភិបាល និងប្រជាជនកម្ពុជា ដើម្បីអនុវត្តបច្ចេកវិទ្យាឌីជីថល និងដំណោះស្រាយវិស័យឌីជីថលដើម្បីបម្រើរាល់សកម្មភាពក្នុងសង្គមកម្ពុជា”៕
គណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា បង្ហាញលទ្ធផលបង្ក្រាប នៅថ្ងៃទី២២ខែកក្កដា ឆ្នាំ២០២៥ នេះ
ក្រសួងបរិស្ថាន÷ ស្ត្រីម្នាក់នៅស្រុកកំពង់លែង ខេត្តកំពង់ឆ្នាំង ត្រូវតុលាការឃាត់ខ្លួន និងឃុំខ្លួន ព្រោះតែឈូសឆាយដីរដ្ឋ
សមត្ថកិច្ចបង្ក្រាបទីតាំង បទល្មើសឆបោកតាមប្រព័ន្ធបច្ចេកវិទ្យា ឃាត់ខ្លួនបាន ១២៧នាក់
ពេលប្រទេសជាតិមានជម្លោះព្រំដែនមានតែ បក្សប្រជាជនតែមួយគត់ ចេញមុខការពារបូរណភាពទឹកដី
ស្របនឹងមានការលើកឡើងពីការធ្វើទុក្ខបុកម្នេញនៅថៃ ក្រសួងការងារ អំពាវនាវឱ្យពលករខ្មែរវិលមកស្រុកកំណើតវិញ
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
ជនលួចវាយទាហានខ្មែរហើយរត់ ជាប់គុកតែ១៥ថ្ងៃ និងពិន័យប្រាក់តិចតួចប៉ុណ្ណោះ
-
ព័ត៌មានអន្ដរជាតិ៣ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១៩ ម៉ោង agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៣ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៧ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានជាតិ១ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ៧ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
សន្តិសុខសង្គម៣ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន