កីឡារាំ​​ឈ្នះ​​មេដាយ​​អន្តរជាតិ​​១៧​​គ្រឿង​​ ទទួល​បានការ​សរសើរ​ពី​អន្ដរជាតិ

ក្នុងការប្រកួតកីឡារាំជ្រើសរើសជើងឯកពិភពលោក WDSF SupeStar Championship 2022 នៅទីក្រុងហូជីមិញ ប្រទេសវៀតណាម ​ក្រុម​​កីឡា​រាំ​កម្ពុជា​បាន​​ឈ្នះ​មេដាយ​១៧គ្រឿងគឺ​មាស ៤ ប្រាក់១០ និងសំរឹទ្ធ​៣។

សមិទ្ធផលនេះ លោកជំទាវ ញ៉ែម មរកត ប្រធាន​សហព័ន្ធ​កីឡា​រាំ​កម្ពុជា​បាន​ប្រាប់​ថា ស្ថាប័នអន្ដរជាតិ​បានចូលរួមអបអរសាទរជាមួយភាពរីកចម្រើនរបស់វិស័យកីឡារាំកម្ពុជានេះផងដែរ។ សហព័ន្ធកីឡារាំអាស៊ី និងពិភពលោក ​បាន​កោតសរសើរ និងវាយតម្លៃយើងថា កីឡាករ-កីឡាការិនីកម្ពុជា មានសក្ដានុពលល្អ។ កីឡារាំ​កម្ពុជា​ មានការលូតលាត់ខ្លាំង ពីព្រោះរយៈពេលនៃការហ្វឹកហាត់ និងការកកើតនូវកីឡានេះ គឺមានរយៈពេលខ្លី បើធៀបនឹងបណ្ដាប្រទេសផ្សេងៗ ដែលប្រទេសខ្លះកកើតកីឡានេះ មុនកម្ពុជា ៥០ឆ្នាំឯណោះ។

កម្ពុជាបានបញ្ចូនប្រតិភូ គ្រូបង្វឹក និងកីឡាករ-កីឡាការិនី​១៣រូប ចូលរួមប្រកួត WDSF SupeStar Championship 2022 ​នៅ​ប្រទេស​វៀតណាម។ ជយលាភី​មេដាយ​ទាំង​១៧​គ្រឿង​មាន​ដូច​ខាង​ក្រោម៖

១. កីឡាការិនី សាន រ៉ូហ្សា ប្រកួតឯកត្តកជន

• មេដាយមាស លើវិញ្ញាសា Grade F 2adult standard Tango
• មេដាយមាស លើវិញ្ញាសា FD adult standard Waltz, Tango
• មេដាយប្រាក់ លើវិញ្ញាសា F1adult standard Waltz

២. កីឡាករ សេង សុគីម និងកីឡាការិនី ម៉ូវ ដានីតា ប្រកួត​រាំ​គូ

• មេដាយមាស លើវិញ្ញាសា Adults Grade E2 Latin Rumba
• មេដាយប្រាក់ លើវិញ្ញាសា Adults Grade D Latin Cha cha Rumba
• មេដាយប្រាក់ លើវិញ្ញាសា Adults Grade E3 Latin Jive
• មេដាយប្រាក់ លើវិញ្ញាសា Adults Grade E4 Latin Samba
• មេដាយប្រាក់ លើវិញ្ញាសា Adults Grade E5 Latin Paso Double
• មេដាយសំរឹទ្ធ លើវិញ្ញាសា Adults Grade C Latin CRJ។

៣. កីឡាករ ជុំ លីហៀង និងកីឡាការិនី ឱ រក្សា ប្រកួត​រាំគូ

• មេដាយមាស លើវិញ្ញាសា Event Grade D Adult Latin ចង្វាក់ Cha Cha Cha Rumba

៤. កីឡាការិនី សុខ ចិន្តា ប្រកួត​ឯកត្តជន

• មេដាយប្រាក់ លើវិញ្ញាសា Latin adult grade D។

៥. កីឡាករ ផុន ស៊ីវុត្រា និងកីឡាការីនី សាន រ៉ូហ្សា ប្រកួត​រាំគូ

• មេដាយប្រាក់ លើវិញ្ញាសា Youth Grade D Latin CR
• មេដាយប្រាក់ លើវិញ្ញាសា Youth Grade D Standard Waltz Tango

៦. កីឡាករ សេង សុខគ័ង ប្រកួត​ឯកត្តជន

• មេដាយប្រាក់ លើវិញ្ញាសា Grade FD Adult Standard waltz and tango
• មេដាយសំរឹទ្ធ លើវិញ្ញាសា Grade F1 Adult Standard waltz។

៧. កីឡាករ ជុំ ភូណាន់ ប្រកួតឯកត្តជន

• មេដាយប្រាក់ លើវិញ្ញាសា Grade FC adult Latin (ចង្វាក់ CRJ)
• មេដាយសំរឹទ្ធ លើវិញ្ញាសា Grade FD adult standard (ចង្វាក់ WT)។

អត្ថបទ៖ ​វីរបុត្រ