ព័ត៌មានជាតិ

ដឹងច្បាស់ហើយ រឿងចាក់សម្លាប់នារីវ័យ១៨ឆ្នាំនៅក្រុងតាខ្មៅ ព្រោះខ្លាចបែកការរឿងចាប់រំលោភកាលពី៧ថ្ងៃមុន

បានផុស

៥ years មុន

នៅ

ថ្ងៃអង្គារ ៥ មករា ២០២១

ដោយ

ករណីចាក់សម្លាប់នារីវ័យ១៨ឆ្នាំ នៅក្រុងតាខ្មៅកាលពីព្រឹកមិញសមត្ថកិច្ចបានឃាត់ខ្លួនជនសង្ស័យបានហើយ និងបានសារភាពថា ព្រោះខ្លាចក្មេងស្រីប្រាប់ឪពុកម្តាយរឿងខ្លួនធ្លាប់ចាប់រំលោភកាលពី៧ថ្ងៃមុន។

សមត្ថកិច្ចបានឲ្យដឹងថា ជនសង្ស័យមានឈ្មោះ ទូច សជាតិ ហៅ(អាដំរី)អាយុ៣៥ឆ្នាំ រស់នៅកន្លែងកើតហេតុខាងលើ។ ហើយការឃាត់ខ្លួនបាន ខណៈរូបគេធ្វើជាប្រើល្បិចមកមើលសពជនរងគ្រោះ ដែលសមត្ថកិច្ចកំពុងធ្វើកោសល្យវិច័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល បញ្ជាក់ថា ជនសង្ស័យជាឃាតករ បានសារភាពប្រាប់សមត្ថកិច្ចឲ្យដឹងថា មូលហេតុដែលខ្លួនយកកាំបិតចាក់សម្លាប់នារីរងគ្រោះឱ្យស្លាប់ក្នុងថ្លុកឈាមនោះ ដោយសារតែខ្លួនខ្លាចជាប់គុក ព្រោះនារីរងគ្រោះបានគំរាមថា នឹងប្រាប់ឪពុកម្ដាយឲ្យដឹងពីករណីខ្លួនរំលោភកាលពី៧ថ្ងៃមុន។

សូមបញ្ជាក់ថា នៅវេលាម៉ោង៧និង៣០នាទីព្រឹកថ្ងៃទី៥ ខែមករា ឆ្នាំ២០២១ មានអំពើឃាតកម្មមួយបានកើតឡើងនៅភូមិព្រែកហូរកើត សង្កាត់ ព្រែកហូរ ក្រុងតាខ្មៅ ខេត្តកណ្ដាល ជនដៃដល់បានយកកាំបិតចាក់ជាច្រើនកន្លែងនៅលើដើមទ្រូងនិងពោះជនរងគ្រោះ។ ក្រោយកើតហេតុ ក្រុមគ្រួសារបានដឹកជនរងគ្រោះទៅកាន់មន្ទីរពេទ្យជ័យជំនៈ ប៉ុន្តែជាអកុសលដោយមុខរបួសមានការធ្ងន់ធ្ងរ ក៏បណ្ដាលឱ្យជនរងគ្រោះស្លាប់ពេលបញ្ជូនដល់មន្ទីរពេទ្យ៕

អត្ថបទ ៖ សុខុម

Related Topics:ករណីហិង្សា

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា