ជីវិតកម្សាន្ដ

ឈីន រតនៈ រន្ធត់ចិត្តខ្លាំង ក្រោយបាត់បង់សមាជិកក្នុងក្រុមរាំម្នាក់ទាំងវ័យក្មេង

បានផុស

៣ years មុន

នៅ

ថ្ងៃសុក្រ ២៥ វិច្ឆិកា ២០២២

ដោយ

តារាចម្រៀងវ័យក្មេងកញ្ញា ឈីន រតនៈ បានបង្ហាញក្ដីរន្ធត់ចិត្តជាពន់ពេក ខណៈសមាជិកក្នុងក្រុមរាំរបស់ខ្លួនម្នាក់ ទទួលមរណភាពទាំងវ័យក្មេង ដោយបន្សល់ទុកអនុស្សាវរីយ៍ជាច្រើនកន្លងមក។

ចំពោះដំណឹងមរណទុក្ខដ៏ក្រៀមក្រំ និងសោកសៅនៅក្នុងក្រុមគ្រួសារសមាជិករាំរបស់កញ្ញា ឈីន រតនៈ ដែលមានឈ្មោះ Ma DaVid នេះដែរ នាងបានរៀបរាប់ថា វីត បងទទួលយកអត់បានទេ ហេតុអ្វីអូនទៅលឿនយ៉ាងនេះ អូនឯងធ្លាប់ប្រាប់ចែមែនអត់ ថាអូនឯង នឹងរាំឲ្យចែរហូត រាំតាំងពីចែមិនសូវមានការងារ តស៊ូមកជាមួយគ្នា រហូតឥឡូវយើងមានការងារច្រើនហើយម៉េចក៏ទៅទាំងយ៉ាងនេះ ។

កញ្ញា ឈីន រតនៈ បាននិយាយបន្តថា Ma DaVid ហេតុអ្វីអូនទៅលឿនយ៉ាងនេះ ប៉ុន្មានថ្ងៃបងប្រាប់ហើយថាបងចាំអូនឯងត្រឡប់មករាំវិញ តស៊ូរាំជាមួយបងតាំងពីបងមិនសូវមានការងារច្រើន អូនឯងតែងតែជូនពរបងឲ្យមានការងារច្រើនៗ ពេលនេះយើងមានការងារច្រើនណាស់ ម៉េចក៏អូនឯងទៅ។

ចំណែកនៅក្នុងគណនីឈ្មោះ Ma Davith ក៏បានជូនដំណឹងដែរថា សួស្ដីបងប្អូនទាំងអស់គ្នា ខ្ញុំជាបងស្រីរបស់ប្អូនក្នុងរូប ប្អូនប្រុសខ្ញុំបានទទួលមរណភាពហើយ នៅថ្ងៃទី ២៥.១១.២០២២ បងប្អូនដែលចង់មកបុណ្យនៅគីឡូ ៧ ក្រោយសាលាច្រាំងចំរេះ កប់(បញ្ចុះ) នៅម៉ោង ១២ ព្រឹកនេះ។

ទោះបីយ៉ាងណានៅមិនទាន់មានការបញ្ជាក់ច្បាស់ទេថា សមាជិកក្នុងក្រុមរាំរបស់តារាស្រី ឈីន រតនៈ បានស្លាប់ដោយសារជំងឺអ្វីឡើយ។ ប៉ុន្តែបើផ្អែកតាមគណនីហ្វេសប៊ុកឈ្មោះ Phon Thearoth បានឲ្យដឹងបែបនេះថា គឺគាត់ស្លាប់ដោយសារកើតឫសដូងបាតដំណាក់កាលចុងក្រោយ។

តាមរយៈដំណឹងមរណភាពនេះ គេឃើញមានអ្នកគាំទ្រ ព្រមទាំងសិល្បករ-សិល្បការិនី បានសម្ដែងការសោកស្ដាយ និងផ្ញើសារចូលរួមរំលែកទុក្ខគ្រប់ៗគ្នាជាមួយក្រុមគ្រួសារសពផងដែរ៕

អត្ថបទ ៖ ចាន់រ៉ា