ព្រះអង្គម្ចាស់ នរោត្តម ចក្រាវុធ យាងសំណេះសំណាលជាមួយសមាជិក-សមាជិកា ក្នុងក្រុងសៀមរាប

ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ៊្វុនស៊ិនប៉ិច នៅល្ងាចថ្ងៃទី ១៤ ខែធ្នូ ឆ្នាំ ២០២២ បានយាងចុះជួបសំណេះសំណាលជាមួយរចនាសម្ព័ន្ធ និងសមាជិក-សមាជិកា ស្ថិតនៅក្នុងសង្កាត់នគរធំ ក្រុងសៀមរាប ខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឱកាសនោះ ព្រះអង្គម្ចាស់ នរោត្តម ចក្រាវុធ មានព្រះបន្ទូលកោតសរសើរចំពោះសមាជិក-សមាជិកា ដែលតែងតែមាន បេះដូងភក្តីស្មោះត្រង់ ក្នុងការបំរើ និងបំពេញការងារជូនគណបក្សហ៊្វុនស៊ិនប៉ិច គ្រប់កាលៈទេសៈ នាពេលកន្លងមក ។

ព្រះអង្គម្ចាស់ ក៏បានមានព្រះបន្ទូលសង្កត់ធ្ងន់ថា គណបក្សហ៊្វុនស៊ិនប៉ិច គឺកេរ្តិ៍ដំណែលដ៏ពិសិដ្ឋ នៃ ព្រះករុណាព្រះបរម រតនកោដ្ឋ មានប្រវត្តិសាស្ត្រច្បាស់លាស់។ ដូច្នេះហើយ សមាជិក-សមាជិកាទាំងគ្នា ជាកូនចៅ ចៅទួត ចាំបាច់ត្រូវមានភារកិច្ច រួបរួមសាមគ្គីគ្នា ដើម្បីការពារមរតកមួយនេះ ឲ្យបានគង់វង្ស។

ព្រះអង្គម្ចាស់ នរោត្តម ចក្រាវុធ បានប្តេជ្ញាធ្វើយ៉ាងណាឲ្យគណបក្សហ៊្វុនស៊ិនប៉ិច មានគាំទ្រសាជាថ្មី និងទទួលបានអាសនៈក្នុងរដ្ឋសភាជាតិ ដើម្បីរួមចំណែកអភិវឌ្ឍប្រទេសកម្ពុជា ឲ្យកាន់តែរីកចម្រើននិងសម្បូរសប្បាយរុងរឿងជានិរន្តរ៍៕