សេដ្ឋកិច្ច
កម្ពុជា លើកទឹកចិត្តវិនិយោគិនកូរ៉េចូលមកវិនិយោគក្នុងវិស័យយានយន្ត និងអេឡិចត្រូនិក
មន្ត្រីជាន់ខ្ពស់រាជរដ្ឋាភិបាលកម្ពុជាបានលើកទឹកចិត្តដល់វិនិយោគិនកូរ៉េពិចារណាធ្វើការវិនិយោគនៅកម្ពុជាក្នុងវិស័យយានយន្ត និងអេឡិចត្រូនិកជាផ្នែកមួយនៃខ្សែច្រវ៉ាក់ផ្ទត់ផ្គង់នៅតំបន់។
ថ្លែងក្នុងវេទិកាធុរកិច្ច និងវិនិយោគកម្ពុជា-កូរ៉េ កាលពីថ្ងៃទី២៧ ខែមករា ឆ្នាំ២០២៣ នៅសណ្ឋាគារ Intercontinental COEX Seoul ទីក្រុងសេអ៊ូល លោក សុខ ចិន្តាសោភា រដ្ឋមន្រ្តីប្រតិភូអមនាយករដ្ឋមន្រ្តី អគ្គលេខាធិការក្រុមប្រឹក្សាអភិវឌ្ឍន៍កម្ពុជាបានជំរុញ និងលើកទឹកចិត្តជាពិសេសវិនិយោគិនកូរ៉េក្នុងវិស័យយានយន្តនិងអេឡិចត្រូនិចពិចារណាធ្វើការវិនិយោគនៅកម្ពុជាជាផ្នែកមួយនៃខ្សែរច្រវាក់ផ្គត់ផ្គង់តំបន់ដោយសារវិនិយោគិនកូរ៉េមានឧត្ដមភាពក្នុងវិស័យនេះហើយរាជរដ្ឋាភិបាលទើបបានអនុម័តផែនទីបង្ហាញផ្លូវអភិវឌ្ឍវិស័យយានយន្តនិងអេឡិចត្រូនិកកម្ពុជាកាលពីថ្ងៃទី៩ខែធ្នូឆ្នាំ២០២២ កន្លងទៅ។
លោករដ្ឋមន្ត្រីប្រតិភូបានវាយតម្លៃខ្ពស់ចំពោះការវិនិយោគរបស់កូរ៉េនៅកម្ពុជានាពេលកន្លងមក មិនត្រឹមតែបាននាំមកនូវទុនវិនិយោគនិងបច្ចេកវិទ្យាទំនើបនោះទេថែមទាំងបាននាំមកនូវស្មារតីមោះមុតជម្នះគ្រប់ឧបសគ្គផងដែរ។
លោករដ្ឋមន្ត្រីប្រតិភូបានជម្រាបជូនវិនិយោគិនកូរ៉េអំពីបរិយាកាសវិនិយោគអំណោយផលរបស់កម្ពុជា និងបានអំពាវនាវឱ្យវិនិយោគិនកូរ៉េធ្វើការបណ្ដាក់ទុននៅកម្ពុជាដោយចាប់យកនូវឧត្ដមភាពដែលកម្ពុជាទទួលបានពីកិច្ចព្រមព្រៀងពាណិជ្ជកម្មសេរីនានាជាពិសេសកិច្ចព្រមព្រៀងពាណិជ្ជកម្មសេរីកម្ពុជាកូរ៉េ ដែលបានចូលជាធរមាន កាលពីថ្ងៃទី១ខែធ្នូឆ្នាំ២០២២និងការលើកទឹកចិត្តវិនិយោគក្រោមក្របខ័ណ្ឌនៃច្បាប់ស្ដីពីវិនិយោគនៃព្រះរាជាណាចក្រកម្ពុជាដែលបានចូលជាធរមាននៅទី១៥ខែតុលាឆ្នាំ២០២១។
ជាការកត់សម្គាល់កាលពីចុងឆ្នាំ២០២២កន្លងទៅ រាជរដ្ឋាភិបាលប្រទេសទាំងពីរ ក៏បានចុះហត្ថលេខាលើកិច្ចព្រមព្រៀងឥណទានសម្បទានសម្រាប់គម្រោងសាងសង់ស្ពានមិត្តភាពកម្ពុជាសាធារណរដ្ឋកូរ៉េតភ្ជាប់រាជធានីភ្នំពេញ និងក្រុងអរិយក្សត្រក្នុងទឹកប្រាក់ប្រមាណ២៤៦លានដុល្លារអាមេរិក ដែលនឹងជួយពង្រឹងផ្នែកដឹកជញ្ជូននិងឡូជីស្ទីកនៅកម្ពុជាឱ្យកាន់តែមានភាពល្អប្រសើរ។
លោកសុខ ចិន្តាសោភាធ្លាប់បានលើកឡើងថា វិស័យធំៗចំនួនពីរ គឺវិស័យយានយន្ត និងអេឡិចត្រូនិក នឹងអាចបង្កើនទំហំនាំចេញក្នុងទឹកប្រាក់លើសពី ២ ពាន់លានដុល្លារអាមេរិក និងអាចបង្កើតការងារថ្មីជាង ២២ ពាន់កន្លែងក្នុងរយៈពេល ៥ ឆ្នាំខាងមុខ៕ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?