​ខេត្តក្រចេះ​ល្បីឈ្មោះរបស់ញាំ ២ មុខ មានរសជាតិឈ្ងុយឆ្ងាញ់​

នៅពេលដែល​គេនិយាយពីរបស់ហូបចុកដែលមានរសជាតិឈ្ងុយឆ្ងាញ់​នៅក្នុងខេត្តក្រចេះ ​គេមិនភ្លេចទេលើកពី ក្រូចថ្លុងកោះទ្រង់ និងក្រឡានថ្មគ្រែ។

១. ក្រូចថ្លុងកោះទ្រង់

ក្រូចថ្លុងកោះទ្រង់ ជាផ្លែឈើសំខាន់មួយមុខដែលមានរសជាតិផ្អែមឆ្ងាញ់ និងសម្គាល់អត្តសញ្ញាណខេត្តក្រចេះ រហូតត្រូវបានក្រសួងពាណិជ្ជកម្មចុះបញ្ជីម៉ាកសម្គាល់ភូមិសាស្ត្រ។ ក្រូច​ថ្លុង​កោះ​ទ្រង់​ល្បី​ដោយសារ​រសជាតិ​ផ្អែម សាច់​ណែន​ល្អ ហើយ​ដែល​មាន​ការ​​ដាំ​ដុះ​ច្រើន​លើ​ទឹកដី​កោះ​ទ្រង់​​លើ​ផ្ទៃដី​រាប់​សិប​ហិតា។ ក្រូចថ្លុងកោះទ្រង់ មានតម្លៃ ១០ ០០០ រៀល ទៅ ១៣ ០០០។

២. ក្រឡានថ្មគ្រែ

ក្រឡាន​ថ្ម​គ្រែ​មាន​ភាព​ល្បីឈ្មោះបោះសំឡេងនៅក្នុងខេត្តក្រចេះ ដោយសារអ្នកទទួលទានទទួលស្គាល់មានរសជាតិឈ្ងុយឆ្ងាញ់។ ក្រឡានថ្មគ្រែមានតម្លៃពី ៧០០០ ទៅ ១០ ០០០ រៀល។

ចំពោះការគ្រប់គ្រងចំណីទទួលទានទាំងពីរមុខនេះ ត្រូវបានអភិបាលខេត្តក្រចេះ លោក វ៉ា ថន បញ្ជាក់ថា គឺសមាគម និងមន្ទីរទេសចរណ៍បានណែនាំជាប្រចាំ តាមដានការយកក្រឡានមកបន្លំនៅតំបន់ទេសចរណ៍ ខណៈក្រូថ្លុងកោះទ្រង់ក៏ដូចគ្នា៕

អត្ថបទ៖ ឡេង ដេត