ព័ត៌មានអន្ដរជាតិ
លោក បៃដិន ព្រមានខ្លាំងៗ ប្រសិនបើចិន គំរាមកំហែងដល់អធិបតេយ្យភាពអាមេរិក
ក្នុងសុន្ទរកថា State Of The Union លោក ចូ បៃដិន បាននិយាយថា “ដូចដែលយើងបញ្ជាក់យ៉ាងច្បាស់កាលពីសប្តាហ៍មុនអ៊ីចឹង ប្រសិនបើប្រទេសចិនគំរាមកំហែងដល់អធិបតេយ្យភាពរបស់យើង យើងនឹងធ្វើសកម្មភាពដើម្បីការពារប្រទេសរបស់យើង”។
ចំពេលមានភាពតានតឹងកាន់តែខ្លាំងឡើងជាមួយចិន ជុំវិញរឿងបាឡុងចារកម្ម ប្រធានាធិបតីអាមេរិករូបនេះនិយាយថា សហរដ្ឋអាមេរិកនឹងធ្វើសកម្មភាពដើម្បីការពារប្រសិនបើទីក្រុងប៉េកាំង គំរាមកំហែងអធិបតេយ្យភាពរបស់ខ្លួន។
លោក បៃដិន បាននិយាយក្នុងសុន្ទរកថាកាលពីយប់ថ្ងៃអង្គារទី០៧ខែកុម្ភៈ (ត្រូវនឹងព្រឹកថ្ងៃពុធទី០៧ខែកុម្ភៈនៅកម្ពុជា) ថា “ខ្ញុំបានប្តេជ្ញាធ្វើការជាមួយប្រទេសចិន នៅកន្លែងណាដែលអាចជំរុញផលប្រយោជន៍អាមេរិក និងផ្តល់ផលប្រយោជន៍ដល់ពិភពលោក។ ប៉ុន្តែកុំធ្វើខុសឲ្យសោះ ដូចដែលយើងបានបញ្ជាក់កាលពីសប្តាហ៍មុនថា ប្រសិនបើចិនគំរាមកំហែងដល់អធិបតេយ្យភាពរបស់យើងនោះ យើងនឹងធ្វើសកម្មភាពដើម្បីការពារប្រទេសរបស់យើង”។
គួរបញ្ជាក់ថា អាមេរិក បានបាញ់ទម្លាក់បាឡុងចិននៅលើមហាសមុទ្រអាត្លង់ទិកកាលពីសប្តាហ៍មុន ជាហេតុបង្កឲ្យមានប្រតិកម្មយ៉ាងខ្លាំងពីសំណាក់ប្រទេសចិន។ អាមេរិកចោទចិនថាបានបំពានអធិបតេយ្យភាពរបស់ខ្លួន និងច្បាប់អន្តរជាតិ។
លោក ចូ បៃដិន បន្តថា “ខ្ញុំសូមបញ្ជាក់ឲ្យច្បាស់ថា ការឈ្នះការប្រកួតប្រជែងជាមួយប្រទេសចិន គួរតែជាការរួបរួមរបស់យើងទាំងអស់គ្នា។ យើងប្រឈមមុខនឹងបញ្ហាដ៏ធ្ងន់ធ្ងរនៅទូទាំងពិភពលោក។ ប៉ុន្តែក្នុងរយៈពេលពីរឆ្នាំចុងក្រោយនេះ លទ្ធិប្រជាធិបតេយ្យកាន់តែរឹងមាំ មិនមែនកាន់តែខ្សោយនោះទេ”។
ស្របពេលជាមួយគ្នានោះ លោក បៃដិន ក៏និយាយដែរថា ពីរឆ្នាំក្នុងការគ្រប់គ្រងរបស់លោក ភាពផ្តាច់ការកាន់តែទន់ខ្សោយទៅៗ មិនមែនខ្លាំងទៅៗឡើយ៕
ប្រែសម្រួល៖ Vann Vann
ប្រភព៖ Hindustan Times
ចុចអាន៖ អាមេរិក តែងតាំងរដ្ឋអាជ្ញាពិសេស ដើម្បីស៊ើបអង្កេតឯកសារសម្ងាត់ ដែលលោក បៃដិន កំពុងកាន់កាប់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ