ព័ត៌មានអន្ដរជាតិ
អាមេរិក តែងតាំងរដ្ឋអាជ្ញាពិសេស ដើម្បីស៊ើបអង្កេតឯកសារសម្ងាត់ ដែលលោក បៃដិន កំពុងកាន់កាប់
អគ្គមេធាវីអាមេរិកលោក Merrick Garland បានតែងតាំងរដ្ឋអាជ្ញាពិសេសមួយ ដើម្បីស៊ើបអង្កេតឯកសារសម្ងាត់ដែលលោកប្រធានាធិបតី ចូ បៃដិន កំពុងកាន់កាប់។ សេតវិមានបានបញ្ជាក់ថា លោក បៃដិន បានរក្សាទុកឯកសាររសើបចំនួនពីរបាច់ នៅក្នុងយានដ្ឋានរបស់គាត់ និងនៅការិយាល័យសាកលវិទ្យាល័យមួយ។
ថ្លែងក្នុងសន្និសីទសារព័ត៌មានរបស់ក្រសួងយុត្តិធម៌ លោក Garland បានតែងតាំងរដ្ឋអាជ្ញាសហព័ន្ធលោក Robert Hur ជារដ្ឋអាជ្ញាពិសេស ដោយអះអាងថា លោក Hur នឹងអនុវត្តការទទួលខុសត្រូវរបស់គាត់ក្នុងលក្ខណៈម៉ឺងម៉ាត់ និងបន្ទាន់។
ដោយត្រូវបានតែងតាំងជាមេធាវីសហរដ្ឋអាមេរិកនៅ Maryland ដោយអតីតប្រធានាធិបតី ដូណាល់ ត្រាំ ក្នុងឆ្នាំ២០១៧ លោក Hur បានលាលែងពីតំណែងនោះភ្លាមៗបន្ទាប់ពីលោក បៃដិន ចូលកាន់តំណែង។ កាលពីមុន គាត់ធ្លាប់ធ្វើការជាមួយនាយក FBI លោក Christopher Wray។
ក្នុងនាមជាអគ្គរដ្ឋអាជ្ញានៃរដ្ឋ Maryland លោក Hur បានដឹកនាំការស៊ើបអង្កេតលើការលួចព័ត៌មានសម្ងាត់ដោយអ្នកម៉ៅការរបស់ទីភ្នាក់ងារសន្តិសុខជាតិពីរនាក់ ធ្វើឲ្យពួកគេជាប់ពន្ធនាគារ។
ទីប្រឹក្សាសេតវិមាន លោក Richard Sauber បានបញ្ជាក់ក្នុងសប្តាហ៍នេះថា មេធាវីរបស់លោក បៃដិន បានរកឃើញឯកសារសម្ងាត់នៅការិយាល័យមួយក្នុងមជ្ឈមណ្ឌល Penn Biden Center for Diplomacy and Global Engagement ក្នុងខែវិច្ឆិកា។
ដោយឡែក CNN បានរាយការណ៍កាលពីថ្ងៃអង្គារថា កាលពីជំនាន់លោក បៃដិន កាន់តំណែងជាអនុប្រធានាធិបតី ឯកសារទាំងនោះរួមមានព័ត៌មានរសើបអំពីប្រទេសអ៊ុយក្រែន អ៊ីរ៉ង់ និងចក្រភពអង់គ្លេស។
លោក Sauber ក៏បានបញ្ជាក់ផងដែរថា ប្រអប់ឯកសារសម្ងាត់ទីពីរ ត្រូវបានរកឃើញនៅយានដ្ឋានមួយក្នុងផ្ទះរបស់លោក បៃដិន នៅ Delaware៕
ប្រែសម្រួល៖ Vann Vann
ប្រភព៖ RT
ចុចអាន៖ លោក បៃដិន ចុះទៅ ពិនិត្យព្រំដែន ភាគ ខាង ត្បូង សហរដ្ឋ អាមេរិក ជា លើក ដំបូង ចាប់ តាំង ពី ឡើង កាន់ អំណាច
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង