ព័ត៌មានជាតិ
សម្តេចតេជោ រំលឹកមូលហេតុនាំឲ្យបើកវគ្គបណ្តុះបណ្តាលអាចារ្យ អាចារិនីទូទាំងប្រទេស
ថ្លែងនៅក្នុងពិធីសំណេះសំណាលជាមួយ អាចារ្យ អាចារិនី ទូទាំងប្រទេសលើកទី៨ នៅមជ្ឍមណ្ឌលកោះពេជ្រនៅព្រឹកនេះ សម្តេចតេជោហ៊ុន សែន បានរំលឹកមូលហេតុដែលនាំឲ្យមានការបើកវគ្គបណ្ដុះបណ្ដាលអាចារ្យ អាចារិនីទូទាំងប្រទេស។
សម្តេចតេជោ ហ៊ុន សែន បានបញ្ជាក់ថា ដើមដំបូងកើតចេញពេលដែលសម្តេចចូលរួមក្នុងកម្មវិធីមង្គលការកូនរបស់មន្រ្តីជាន់ខ្ពស់គឺលោក យឹម ឆៃលី ពេលនោះសម្ដេចឃើញអាចារ្យបានអនុវត្តពិធីខុសឆ្គងមួយចំនួន ហើយដែលសម្តេចយល់ឃើញថា ជាវិបត្តិអាចារ្យហើយដល់ពេលត្រូវបើកការបណ្ដុះបណ្ដាលដល់អាចារ្យអាចារិនីឲ្យបានត្រឹមត្រូវ ចៀសវាងការអនុវត្តខុសក្បួនច្បាប់ពីបុរាណ។
«ក្នុងមង្គលការកូនលោក យឹម ឆៃលី ខ្ញុំបានចូលរួមឃើញអាចារ្យតាំងពីផ្តើមពិធីដល់ចប់ពិធីភ្លេចវាយឃ្មោះនាំឲ្យលើកជាចម្ងល់ ដោយសារអាចារ្យនោះភ្លេចឬយ៉ាងណា»។
សម្តេចបន្តថា ក្នុងពិធីមង្គលការផ្សេងៗ ក៏ឃើញមានការអនុវត្តផ្ទុយគ្នាមួយចំនួនដូចជាការផ្ទឹមកូនកម្លោះនៅខាងឆ្វេងឬនៅខាងស្តាំ ក៏អនុវត្តមិនស្របគ្នាដែរ។ អាចារ្យខ្លះតែងតែទម្លាប់ដាក់កូនប្រុសនៅខាងស្តាំ ខណៈអាចារ្យខ្លះដាក់កូនប្រុសនៅខាងឆ្វេង។
សម្តេចបន្តថា នៅមានពិធីបុណ្យផ្សេងទៀត ដូច្នេះការរៀបចំបណ្តុះបណ្តាលដល់អាចារ្យ អាចារិនីគឺដើម្បីតម្រង់ទិសបន្ថែមដល់អាចារ្យ-អាចារិនីឱ្យកាន់តែមានចំណេះដឹងទូលំទូលាយ លើការអនុវត្តស្របទៅនឹងក្បួនច្បាប់ដែលបានកំណត់ទុកពីបុរាណ។
លោក ឈិត សុខុន រដ្ឋមន្ត្រីក្រសួងធម្មការ និងសាសនាបានឲ្យដឹងថា បច្ចុប្បន្នក្រសួងបានបើកវគ្គបណ្ដុះបណ្ដាលស្ដីពីតួនាទី ភារកិច្ច និងក្រមសីលធម៌អាចារ្យខ្មែរបានចំនួន ៤០ វគ្គ រួចមកហើយ និងមានសិក្ខាកាមជាអាចារ្យ-អាចារិនី ចូលមកសិក្សាចំនួន ១១,៥៧៣រូប ក្នុងនោះព្រះសង្ឃ ៧៤៦អង្គ ស្រ្តី ១៦៣ រូប។
បើតាមលោក ឈិត សុខុន សិក្ខាកាមដែលបានចូលរួមទទួលបានអត្ថប្រយោជន៍និងបានដោះស្រាយនូវចម្ងល់ដែលមានលក្ខណៈផ្សេងៗគ្នាតាមតំបន់នីមួយៗ ពង្រឹងការប្រណិប័តន៍ឱ្យបានត្រឹមត្រូវតាមតួនាទី ភារកិច្ច រួមទាំងទទួលបានចំណេះដឹង បទពិសោធល្អៗពីឧទ្ទេសាចារ្យ ឯកសារក្បួនច្បាប់ច្បាស់លាស់ត្រឹមត្រូវ សម្រាប់យកទៅប្រតិបត្តិនិងផ្សព្វផ្សាយបន្តលើការដឹកនាំពុទ្ធសាសនពិធីនានា និងពិធីមង្គលផ្សេងៗ។
លោករដ្ឋមន្ត្រីបន្តថា ក្រោយពីបានបើកវគ្គបណ្ដុះបណ្ដាលស្ដីពីតួនាទី ភារកិច្ច និងក្រមសីលធម៌អាចារ្យខ្មែរ និងការផ្សព្វផ្សាយយ៉ាងទូលំទូលាយនូវកម្រងឯកសារនានាទាក់ទងនឹងប្រពៃណី ទំនៀមទម្លាប់របស់ជាតិ សង្កេតឃើញថា រាល់ការប្រារព្ធពិធីកម្មសាសនា និងពិធីមង្គលផ្សេងៗ មានការកែលម្អពីសំណាក់អាចារ្យ អាចារិនី និងពុទ្ធបរិស័ទទូទាំងប្រទេសបានយ៉ាងល្អប្រសើរ៕
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ឯកឧត្តម ហ៊ុន ម៉ានី៖ ការជួបជុំគ្នារបស់ពលរដ្ឋកម្ពុជា គឺដើម្បីចងចាំថា ទាំងអស់គ្នាគឺជាផ្នែកមួយនៃខឿនការពារជាតិ
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ១ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៦ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៤ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៦ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន