​ការកក់បន្ទប់ស្នាក់នៅក្នុងក្រុងសៀមរាបពេញណែន

លោក ថោង រដ្ឋសក្តិ រដ្ឋលេខាធិការក្រសួងទេសចរណ៍បានឱ្យដឹងថា ការកក់បន្ទប់សណ្ឋាគារ ផ្ទះសំណាក់ សម្រាប់​ស្នាក់នៅមុនពេលពិធីបុណ្យចូលឆ្នាំខ្មែរ និងការរៀបចំអង្គរសង្ក្រាន្ត​នៅខេត្តសៀមរាបពេញណែនអស់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ថោង រដ្ឋសក្ដិ ប្រាប់ថា៖ «បច្ចុប្បន្នបច្ចុប្បន្ននេះ នៅក្នុងក្រុងសៀមរាបទាំងមូល គឺពេញណែនអស់ហើយ អត់មានកន្លែងស្នាក់នៅទេ សណ្ឋាគារដែលមានអាជ្ញាបណ្ណពីក្រសួងគឺពេញអស់ហើយ ប៉ុន្តែអ្នកដែលទៅកម្សាន្ត ៣ លាននាក់ គឺគាត់អាចស្នាក់នៅតាមសហគមន៍ និងការបោះតង់ផ្សេងៗទៀត»។

ការរៀបចំកម្មវិធីអង្គរសង្ក្រាន្តនៅខេត្តសៀមរាប ស្របពេលនិងពិធីបុណ្យចូលឆ្នាំខ្មែររំពឹងថា នឹងទទួលបានទេសចរ ៣ លាននាក់ ខណៈសណ្ឋាគារមានចំនួន ១៥ ០០០ បន្ទប់។

លោក ថោង រដ្ឋសក្តិ បញ្ជាក់ថា សង្ក្រាន្តឆ្នាំនេះ ខុសប្លែកពីឆ្នាំមុនៗ ដោយសាររយៈពេល ៣ ឆ្នាំនេះ គោលដៅទេសចរណ៍ មានការប្រែប្រួលមាន ប្រទីប និងកន្លែងរមណីយដ្ឋានច្រើន ខណៈអ្នកទេសចរក៏ចំណាយច្រើនប្រមាណ ៥០ ដុល្លារ ក្នុងមួយថ្ងៃទៅលើការហូបចុក និងស្នាក់នៅ ហើយក្រសួងក៏បានប្រកាសមិនឱ្យម្ចាស់អាជីវកម្មសណ្ឋាគារ​ ផ្ទះសំណាក់ មិនឱ្យឡើងថ្លៃទាំងការស្នាក់នៅ និងម្ហូបអាហារ៕

អត្ថបទ៖ ឡេង ដេត