រដ្ឋអនុញ្ញាតឱ្យម្ចាស់សណ្ឋាគារអាចបន្តប្រើសន្លឹកវិញ្ញាបនបត្រចំណាត់ថ្នាក់​បច្ចុប្បន្ន ​រហូតដល់អស់សុពលភាព

ក្រសួងទេសចរណ៍បានអះអាងថា ចំពោះ​សន្លឹក​វិញ្ញាបនបត្រ​ចំណាត់​ថ្នាក់​សណ្ឋាគារ ដែល​កំពុង​ប្រើប្រាស់ និង​ស្ថិត​ក្នុង​សុពលភាព​ត្រូវបាន អនុញ្ញាត​ឱ្យ​ប្រើប្រាស់​បន្ត​រហូត​ដល់​វិញ្ញាបនបត្រ​នោះ​​អស់​សុពលភាព។

តាម​រយៈ​សេចក្តី​ជូន​ដំណឹង​របស់​ក្រសួង​ទេសចរណ៍នេះបើតាមការឱ្យដឹងពីក្រសួង​ទេសចរណ៍នៅ​ថ្ងៃ​ទី​៣០ ខែ​កញ្ញា ឆ្នាំ​២០២៥ ​ ក្រសួង​ទេសចរណ៍​បានធ្វើ​បច្ចុប្បន្នកម្ម​គំរូសន្លឹកវិញ្ញាបនបត្រចំណាត់ ថ្នាក់សណ្ឋាគារថ្មី និង​សូមប្រកាសដាក់​ឱ្យប្រើប្រាស់​សន្លឹកវិញ្ញា​បនបត្រ​ចំណាត់​ថ្នាក់​សណ្ឋាគារ​គំរូថ្មី ដូចមាន ជូនភ្ជាប់ក្នុងឧបសម្ព័ន្ធនៃសេចក្តីជូនដំណឹងនេះ។

ក្នុង​នោះ​ក្រសួង​បាន​សង្កត់​ធ្ងន់​ថា «ចំពោះសន្លឹកវិញ្ញាបនបត្រចំណាត់ថ្នាក់សណ្ឋាគារ ដែលកំពុងប្រើប្រាស់ និងស្ថិតក្នុងសុពលភាពត្រូវបាន អនុញ្ញាតឱ្យប្រើប្រាស់បន្តរហូតដល់វិញ្ញាបនបត្រនោះអស់សុពលភាព»។

អាស្រ័យដូចបានជម្រាបជូនខាងលើ សូម ក្រសួង ស្ថាប័ន ប្រតិបត្តិករទេសចរណ៍ និងសាធារណជន ទាំងអស់ មេត្តាជ្រាបជាព័ត៌មាន និងចូលរួមអនុវត្តចាប់ពីថ្ងៃជូនដំណឹងនេះតទៅ៕