ជីវិតកម្សាន្ដ

សុខ ស្រីម៉ុច រំពឹងក្រសោបបានទីផ្សារសិល្បៈឡើងវិញ

បានផុស

៣ years មុន

នៅ

ថ្ងៃព្រហស្បតិ៍ ១៣ មេសា ២០២៣

ដោយ

តារាសម្ដែងរូបស្រស់សម្ដីផ្អែមកញ្ញា សុខ ស្រីម៉ុច បានដាក់ក្តីសង្ឃឹមលើទីផ្សារសិល្បៈឡើងវិញ បន្ទាប់ពីឱកាស នៃពិធីចូលឆ្នាំថ្មីប្រពៃណីជាតិខ្មែរ។ ខណៈបច្ចុប្បន្នទាំងសិល្បៈ និងការងាររកស៊ីផ្ទាល់ ហាក់មានការមមាញឹកខ្លាំង។

ការប្រកាសរបស់តារាសម្ដែងស្រីមានប្រជាប្រិយភាព សុខ ស្រីម៉ុច នេះ បានធ្វើឡើងនាជំនួបតាមទូរស័ព្ទជាមួយកម្ពុជាថ្មី កាលពីរសៀលថ្ងៃទី ១២ ខែកុម្ភៈ ឆ្នាំ ២០២៣ ម្សិលមិញ។ ស្រីម៉ុច បានបន្តថា អាជីពសិល្បៈនាងសព្វថ្ងៃមានភាពរវល់ខ្លះៗ តែមិនដូចមុនទេ ព្រោះរវល់ការងាររកស៊ី ដូច្នេះគឺមិនសូវទទួលការងារចេញសម្ដែងឡើយ។

កញ្ញា សុខ ស្រីម៉ុច និយាយទៀតថា ថ្វីត្បិតការងារសិល្បៈស្ងប់ស្ងាត់បន្តិចមែន តែសម្រាប់មុខរបរផ្ទាល់ខ្លួនខាងក្រៅ គឺនៅតែមមាញឹកជាធម្មតា។ បន្ថែមពីនេះ កញ្ញា ស្រីម៉ុច បានលើកឡើងថា អំឡុងពេលនេះមានផលិតករ និងអ្នកដឹកនាំរឿងមួយចំនួន បានទាក់ទងមកនាងជាបន្តបន្ទាប់។

អ្នកគាំទ្រកត់សម្គាល់ឃើញថា តារាស្រីកញ្ញា សុខ ស្រីម៉ុច បច្ចុប្បន្នមានការប្រែប្រួលខ្លាំងទាំងជីវភាពរស់នៅប្រចាំថ្ងៃ និងភាពហ៊ឺហាប្រើប្រាស់របស់មានតម្លៃថ្លៃៗ មិនចាញ់តារាស្រីឯទៀតនោះទេ។ មិនតែប៉ុណ្ណោះ ស្រីម៉ុច ក៏កាន់តែមានភាពសិចស៊ីស្រស់ស្អាតខ្លាំងជាងមុនទៀតផង។