សង្ក្រាន្តស្វាយរៀង រយៈពេល ៣ថ្ងៃ មានអ្នកចូលរួមជាង ៧៥ម៉ឺននាក់

សង្ក្រាន្តស្វាយរៀង ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ រយៈពេល ៣ថ្ងៃ មានអ្នកចូលរួមជាង ៧៥ម៉ឺននាក់។ នេះបើយោងតាមរបាយការណ៍របស់អាជ្ញាធរខេត្តស្វាយរៀង។

អាជ្ញាធរ បានឲ្យដឹងនៅព្រឹកថ្ងៃទី ១៧ ខែមេសានេះថា សង្ក្រាន្តស្វាយរៀងបានដំណើរការរយ:ពេល ៣ថ្ងៃ ចាប់ពីថ្ងៃទី ១៤ ខែមេសា ឆ្នាំ ២០២៣ រហូតដល់ថ្ងៃទី ១៦ ខែមេសា ឆ្នាំ ២០២៣ មានអ្នកចូលរួមដូចខាងក្រោម៖

-នៅថ្ងៃទី ១៤ ខែមេសា ឆ្នាំ ២០២៣ មានអ្នកចូលរួម ១៤៤,២៤១នាក់, បញ្ហាសុខភាព មាន ២ករណី, បញ្ជូន​ទៅមន្ទីរពេទ្យ ២នាក់, វង្វេងសាច់ញាតិមាន ១ករណី, ករណីរើសបានទូរស័ព្ទមានចំនួន ១ករណី។

-នៅថ្ងៃទី ១៥ ខែមេសា ឆ្នាំ ២០២៣ មានអ្នកចូលរួម ២៧៧,១៨៤នាក់, វង្វេងសាច់ញាតិ ៣ករណី មានចំនួន ៣នាក់, ករណីបាត់ទូរស័ព្ទមានចំនួន ៧ករណី។

-នៅថ្ងៃទី ១៦ ខែមេសា ឆ្នាំ ២០២៣ មានអ្នកចូលរួម ៣៣៥,៩៦៧នាក់, វង្វេងសាច់ញាតិមានចំនួន ៣ករណី ស្មើ ៣នាក់។

ដូច្នេះ សរុបទាំង ៣ថ្ងៃ មានអ្នកចូលរួមចំនួន ៧៥៧,៣៩២នាក់៕