ព័ត៌មានជាតិ

ត្រីមាសទី១ កម្ពុជានាំចេញស្វាយចន្ទីជាង ២ សែនតោនទទួលបានទឹកប្រាក់ ៣២០ លានដុល្លារ

បានផុស

៣ years មុន

នៅ

ថ្ងៃអង្គារ ១៨ មេសា ២០២៣

ដោយ

នៅក្នុងរយៈពេល ៣ ខែ (មករា-មីនា) ដើមឆ្នាំ ២០២៣ កម្ពុជាផលិតស្វាយចន្ទីឆៅបានចំនួនជាង ២ សែនតោន (២៦០ ០០០) ក្នុងនោះនាំចេញទៅប្រទេសវៀតណាមបានចំនួនជាង ២ សែនតោន (២៣៣ ០៥០) ដែលមានទឹកប្រាក់ ៣២០ លានដុល្លារ ថយចុះ ១២.៩៥% បើធៀបរយៈពេលដូចគ្នាទៅនឹង២០២២។ នេះបើតាមការឱ្យដឹងពីលោក អួន ស៊ីឡុត ប្រធានសមាគមស្វាយចន្ទីរកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រាជរដ្ឋាភិបាលកាលពីពេលកន្លងទៅថ្មីៗនេះ បានអនុម័តលើសេចក្តីព្រាង “គោលយោបាយជាតិស្តីពីស្វាយចន្ទី ឆ្នាំ ២០២២-២០២៧” ដើម្បីអភិវឌ្ឍផលិតកម្ម កែច្នៃ និងទីផ្សារស្វាយចន្ទីឱ្យមានលក្ខណៈប្រកួតប្រជែងប្រកបដោយបរិយាប័ន្ន ធានានូវនិរន្តរភាព និងការធ្វើពិពិធកម្មសេដ្ឋកិច្ច។

គោលនយោបាយស្វាយចន្ទីគឺជាយុទ្ធសាស្ត្រមួយសម្រាប់ជំរុញទីផ្សារ និងជួយកសិករ ផលិតកម្មកសិកម្ម ជាពិសេស ជួយពង្រីកការកែច្នៃស្វាយចន្ទីឱ្យមានលទ្ធភាពនាំចេញបានកាន់តែច្រើនថែមមួយកម្រិតទៀត និងបង្កើនតម្លៃបន្ថែមក្នុងសេដ្ឋកិច្ចជាតិ ជាពិសេសគឺជួយបង្កើតកម្លាំងពលកម្មជូនប្រជាពលរដ្ឋផងដែរ។

កម្ពុជាទទួលបានទិន្នផល ៦៩ ម៉ឺនតោន ក្នុងឆ្នាំ ២០២២ ក្នុងនោះនាំចេញទៅក្រៅប្រទេសបាន ៦៧ ម៉ឺនតោន ធ្លាក់ចុះជិតពាក់កណ្ដាលបើប្រៀបធៀបឆ្នាំ ២០២១ ដែលមាន ១, ១ ០០០ ០០០ តោន៕