ជីវិតកម្សាន្ដ

អស់លទ្ធភាព ! បញ្ញា សិទ្ធិ សំពះសុំជំនួយព្យាបាលជំងឺម្ដាយ

បានផុស

៣ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

ដោយអស់លទ្ធភាពក្នុងការកលុយដើម្បីព្យាបាលជំងឺម្ដាយដែលកំពុងធ្លាក់ខ្លួនឈឺធ្ងន់ តារាសម្ដែង និងចម្រៀងលោក បញ្ញា សិទ្ធិ បានដាច់ចិត្តសំពះសុំជំនួយបន្ទាន់ពីសប្បុរសជនសង្គ្រោះជីវិតម្ដាយដែលត្រូវចេញទៅវះកាត់នៅឯមន្ទីរពេទ្យប្រទេសថៃ។

តារាប្រុសរូបសង្ហាលោក បញ្ញា សិទ្ធិ បានប្រាប់ឲ្យដឹងថា លោកចេញទៅធ្វើការនៅឆ្ងាយដើម្បីសន្សំលុយទុកវះកាត់អ្នកម្តាយ ប៉ុន្តែពេលនេះលោកអស់លទ្ធភាពហើយ ព្រោះលោកបានប្រើពេលច្រើនឆ្នាំក្នុងការមើលថែគាត់។ បញ្ញា សិទ្ធិ បញ្ជាក់ថា «ខ្ញុំអស់លទ្ធភាពខ្លួនឯងហើយ ហើយខ្ញុំក៏លែងខ្មាសអៀនដែរ ព្រោះជីវិតគាត់ថ្លៃជាងខ្មាសអៀន»។

សំណេរនៅលើហ្វេសប៊ុកលោក បញ្ញា សិទ្ធិ បានរៀបរាប់ដោយក្តីក្ដុកក្ដួលថា «កូនមកធ្វើកានៅឆ្ងាយ ដើម្បីសន្សំលុយទុកវះកាត់អ្នកម្ដាយ ទ្រាំបន្តិចសិនទៅអ្នកម្ដាយ លុយជិតគ្រប់ហើយ ខ្ញុំលែងខ្មាសអ្នកណាទៀតហើយ ដោយសារខ្ញុំអស់លទ្ធភាពមើលថែគាត់ ខ្ញុំបានមើលគាត់អស់ជាច្រើនឆ្នាំមកហើយ។ ខ្ញុំអរគុណបងៗ និងមិត្តៗសិល្បៈដែលជួយដល់អ្នកម្តាយខ្ញុំនៅចុងខែនេះ ខ្ញុំនឹងយកគាត់មកប្រទេសថៃហើយ»។

លោក បញ្ញា សិទ្ធិ បញ្ជាក់បន្ថែមថា ម្តាយរបស់លោកមានជំងឺដូចជា, តម្រងនោម,ពោះវៀន និងជំងឺជាច្រើនទៀតដែលលោកបានមើលថែគាត់ដោយផ្ទាល់អស់រយៈពេលជាង ១០ ឆ្នាំ មកហើយ ហើយពេលនេះលោកត្រូវការលុយមួយចំនួនដើម្បីយកគាត់ទៅវះកាត់នៅប្រទេសថៃ នៅថ្ងៃទី ២៥ ខែមេសា ឆ្នាំ ២០២៣ នេះ។ លោកថា មានតែទឹកចិត្តបងៗ និងមិត្តសិល្បៈទេដែលជួយស្រោចស្រង់ជីវិតម្ដាយលោកបាន ព្រោះលោកគ្មានលទ្ធភាពបន្តទៀតទេ។ លោកលះបង់ការអៀនខ្មាសសម្រាប់ជីវិតម្ដាយ៕

អត្ថបទ ៖ ចាន់រ៉ា