ព័ត៌មានអន្ដរជាតិ
អាជ្ញាធរថៃ ឃាត់ខ្លួនពលករខ្មែរជាង ១០០ នាក់ លបឆ្លងដែនខុសច្បាប់តាមច្រករបៀង
ប្រទេសថៃ ៖ ពលករខ្មែរជាង ១០០ នាក់ ដែលវិលទៅធ្វើការនៅប្រទេសថៃវិញ ក្រោយពីពិធីបុណ្យចូលឆ្នាំខ្មែរត្រូវបានបញ្ចប់ ក៏ត្រូវអាជ្ញាធរថៃឃាត់ខ្លួន ដោយសារពួកគេបានលបឆ្លងដែនតាមច្រករបៀងខុសច្បាប់។
យោងតាមការផ្សាយរបស់គេហទំព័រក្នុងស្រុកមួយចំនួនបានបញ្ជាក់ថា កាលពីល្ងាចថ្ងៃទី ២៥ ខែមេសា ឆ្នាំ ២០២៣ កម្លាំងកងរយលេខ ១២ សហការជាមួយកម្លាំងតម្រួតការពារព្រំដែន បានធ្វើការចេញល្បាតតាមខ្សែបន្ទាត់ព្រំដែន ដើម្បីទប់ស្កាត់បទល្មើសគ្រប់ប្រភេទ។
លុះដល់ចំណុចវាលស្រែ សុខប្រាសឺត ស្ថិតក្នុងភូមិ ៨ ឃុំមឿងផៃ ស្រុកអារញ្ញប្រាថេត ខេត្តស្រះកែវ ក្បែរខ្សែបន្ទាត់ព្រំដែនកម្ពុជា ក៏បានប្រទះឃើញមានពលករជាច្រើននាក់ កំពុងប្រមូលផ្តុំគ្នានៅចំណុចខាងលើ ទើបសមត្ថកិច្ចចូលឃាត់តែម្ដង។
ជាក់ស្ដែងមានពលករសរុបចំនួន ១២៣ នាក់ ក្នុងនោះមានជនជាតិបង់ក្លាដែស ១១ នាក់ ខ្មែរ ១១២ នាក់ (ស្រី ៤៦ នាក់ កុមារ ៧ នាក់) និងជនជាតិថៃ ២ នាក់ ដែលជាមេខ្យល់នាំផ្លូវ ដែលពួកគេរង់ចាំឲ្យរថយន្តមួយទទួលយកតាមការណាត់ដើម្បីចូលទៅធ្វើការនៅក្នុងទីក្រុងបាងកក។
បច្ចុប្បន្ន ភាគីថៃ កំពុងធ្វើការសាកសួរ ព្រមទាំងបានចាត់កម្លាំងដើម្បីបន្តពង្រឹងតាមខ្សែបន្ទាត់ព្រំដែន ក្រោយពីសង្ក្រាន្តឆ្នាំថ្មីត្រូវបានបញ្ចប់៕
អត្ថបទ ៖ សោ និយមរ័ត្ន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានជាតិ៦ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»