លោកណាវ៉ាត់ថា ម្ចាស់ជយលាភីលំដាប់រងទី ៥ Charlotte រកចំណូលជិត ៦ ម៉ឺនដុល្លារ ក្នុងពេល ១៧ នាទី

កាលពីពេលថ្មីៗនេះ លោកណាវ៉ាត់បានសរសើរជាសាធារណៈដល់ម្ចាស់ជយលាភីលំដាប់រងលេខ៥ Miss Grand Thailand 2022 បវរកញ្ញា Charlotte Austin នៅលើទំព័រហ្វេសបុកផ្ទាល់ខ្លួនរបស់លោកផ្ទាល់​តែម្ដង។

ស្ថាបនិក Miss Grand International បានសរសេរសារ​យ៉ាងវែង​អន្លាយ​ដោយ​បញ្ជាក់​ពីប្រាក់​ចំណូល​ដែល​នាង​រកបាន​ថា “ថ្ងៃនេះ Charlotte បើកលក់​តែបៃតង ៥០០០ ប្រអប់ ហើយបិទក្នុងរយៈ​ពេល ១៧ នាទី រកបាន២ លានបាត(៥៩,០០៤ដុល្លារ) ។ ការស្នាក់នៅជាមួយ Grand ត្រូវតែល្អ ស្រស់ស្អាត និង​សម្បូរបែប”។

ជាមួយគ្នានេះដែរ បវរកញ្ញា Charlotte Austin ក៏ត្រូវបានគេដឹងថា នាង​គឺជា “ពងមាស” មួយ​សម្រាប់​លោក Nawat បន្ទាប់ពី Engfa Waraha និង Thuy Tien ដែលជាក្ដីរំពឹងធំរបស់លោក ខណៈប្រាក់ចំណូលរបស់​បវកញ្ញា​​ម្នាក់ៗ​រកបានច្រើន​សន្ធឹក​ចូល​មក Miss Grand។

លើសពីនេះ Charlotte និង ​Engfa បានបង្ហាញ​ភាព​ស្និទ្ធស្នាល​ក្នុងកម្មវិធីប្រកួត Miss Grand Thailand 2022 បន្ទាប់មកអ្នកទាំងពីរ​បានបន្តចូលរួមកម្មវិធីជាមួយគ្នា ហើយតែងតែមានសកម្មភាព​លើសពីមិត្តភាព ដែលធ្វើឲ្យ​ទស្សនិកជនជឿ​ថា ​ពួកគេមាន​ស្នេហា​ជាមួយគ្នា។ ចាប់​តាំង​ពី​ពេល​នោះ​មក ​ឈ្មោះ​គូស្នេហ៍​មួយ​គូ​នេះ​ចាប់​ផ្ដើម​ផ្ទុះ​ពេញ​ប្រព័ន្ធ​ផ្សព្វផ្សាយ​ថៃ។ យោង​តាម​ប្រភព​ព័ត៌មាន​មួយ អ្នកគាំទ្ររបស់ Engfa ធ្លាប់បានផ្ទេរប្រាក់ Charlotte ប្រហែល ១០០,០០០បាត​ (២,៩៤៨ដុល្លារ ) ដើម្បីឲ្យ​នាងថើបថ្ពាល់របស់ idol របស់ពួកគេ។

ដូច្នេះមិនចម្លែកនោះទេដែល Charlotte Austin តែងតែទទួលបានការពេញចិត្តពីលោកណាវ៉ាត់ ឲ្យ​នាង​បង្ហាញ​ខ្លួន​នៅ​គ្រប់​កម្មវិធី បើទោះបីជាសម្រស់មួយនេះ ទើបតែទទួលបានតំណែងជាបវរកញ្ញារងទី៥ (Top 10 Miss Grand Thailand 2022) ក៏ដោយ៕

ប្រែសម្រួល៖ សាង ស្រីល័ក្ខ

ចុចអាន៖តារាសម្ដែងថៃ Margie ថត Selfie លើឡានទំនើប Lamborghini ត្រូវប៉ូលិសឃាត់ខ្លួនភ្លាមៗ