ព័ត៌មានអន្ដរជាតិ
ចិន លក់បំណុលរតនាគារ អាមេរិក ដើម្បីយកលុយបង្កើនទុនបម្រុងមាស
ស្របពេលដែលបញ្ហាបំណុលអតិបរមារបស់អាមេរិកកំពុងតែស្វែងរកដំណោះស្រាយ រួមទាំងនិន្នាការប្រាក់ដុល្លារ កំពុងតែឈានទៅរកការធ្លាក់ចុះផងដែរនោះ នាំឲ្យប្រទេសចិនជំរុញការលក់បំណុលរតនាគារអាមេរិកដែលខ្លួនមាន ហើយយកលុយនោះទៅបង្កើនទុនបម្រុងមាសជំនួសវិញ ។
ការព្យាយាមលក់បំណុលអាមេរិកដែលចិនមាននៅពេលនេះគឺ ចំពេលអាមេរិកមានអត្រាការប្រាក់ដុល្លារខ្ពស់ និងស្ថានភាពអន្តរជាតិមិនសូវជាស្រួលប៉ុន្មានផង ដោយវាងាយនឹងបង្កជាបញ្ហា ទើបរដ្ឋាភិបាលលចិនសម្រេចយកលុយទាំងនោះទៅទិញមាសបង្កើនទុនបម្រុងទុកវិញ ។
តាមទិន្នន័យរបស់ក្រសួងរតនាគារសហរដ្ឋអាមេរិកដែលបានចេញផ្សាយនៅក្នុងខែមីនាបង្ហាញថា ការកាន់កាប់បំណុលរតនាគាររបស់ចិនបានធ្លាក់ចុះដល់ ៨៥៩.៤ ពាន់លានដុល្លារក្នុងខែមករា ឆ្នាំ២០២៣ ដែលធ្លាក់ចុះរយៈពេល ៦ ខែជាប់គ្នា ។
ដោយឡែក ចំពោះប្រទេសយក្សសេដ្ឋកិច្ចអាស៊ីមួយនេះ បច្ចុប្បន្នមានមាសចំនួន ៦៦.៧៦ លានអោន ស្មើ ២,០៨៦ តោន ដោយកើនឡើង ២៦ ម៉ឺនអោនកាលពីខែមុន ។ តាមរយៈតួលេខផ្លូវការដែលបង្ហាញកាលពីមុនបានឲ្យដឹងថា ចន្លោះខែកញ្ញា ឆ្នាំ២០១៩ ដល់តុលា ឆ្នាំ២០២២ ទុនបម្រុងមាសរបស់ប្រទេសចិននៅតែមិនផ្លាស់ប្តូរ ហើយមានតែខែវិច្ឆិកា ឆ្នាំ ២០២២ ប៉ុណ្ណោះដែលក្រុងប៉េកាំងចាប់ផ្តើមបង្កើនមាសរបស់ខ្លួន ។
គួរបញ្ជាក់ថា មាសគឺជាទុនបម្រុងមានសុវត្ថិភាពបំផុត និងជាជម្រើសល្អសម្រាប់វិនិយោគិន ហើយក្រៅពីចិន ប្រទេសផ្សេងៗទៀតក៏ព្យាយាមបង្កើនទុនបម្រុងមាសផងដែរ ។ តាមទិន្នន័យពីក្រុមប្រឹក្សាមាសពិភពលោកបានបង្ហាញថា នៅក្នុងត្រីមាសទីមួយនៃឆ្នាំ ២០២៣ ធនាគារកណ្តាលពិភពលោកបានបង្កើនការកាន់កាប់មាសសរុបចំនួន ២២៨ តោន ៕
ប្រែសម្រួល៖ នាង រតនៈ
ប្រភព ៖ Sputnik
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សេចក្ដីជូនដំណឹង១៧ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១ សប្តាហ៍ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ