ថៃ សុំ កម្ពុជា ឲ្យអនុញ្ញាតទទួលទេសចរចូលទស្សនាប្រាសាទព្រះវិហារតាម​ច្រកខេត្តស៊ីសាកេតឡើងវិញ

ប្រជាជនថៃកំពុងរង់ចាំយ៉ាងអន្ទះសារចំពោះការបើកឡើងវិញនូវច្រកចូលតាមខេត្តស៊ីសាកេត ដើម្បីបានទៅទស្សនាប្រាសាទព្រះវិហាររបស់កម្ពុជា បន្ទាប់ពីផ្អាកអស់រយៈពេល ១៥ ឆ្នាំដើម្បីលើកកម្ពស់វិស័យទេសចរណ៍ និងកិច្ចសន្ទនាសន្តិភាពជាមួយកម្ពុជា ។

ប្រភពក្នុងស្រុកមួយបាននិយាយថា មានការប៉ុនប៉ងជាច្រើនពីប្រទេសថៃក្នុងការចាប់ដៃជាមួយកម្ពុជា បើកដំណើរការទេសចរណ៍ឡើងវិញជុំវិញបរិវេណប្រាសាទព្រះវិហារ ។ ជាក់ស្ដែង អភិបាលខេត្ត Ubon Ratchathani មួយរូបបានស្នើកម្ពុជា អនុញ្ញាតឲ្យភ្ញៀវទេសចរចូលប្រាសាទព្រះវិហារ តាមច្រកចូលស៊ីសាកេត ប៉ុន្តែសំណើរនេះ​ មិនត្រូវបានយល់ព្រមពីសំណាក់ភាគីខ្មែរឡើយ ។

ចាប់តាំងពីជម្លោះព្រំដែនកើតមានឡើងនៅក្នុងឆ្នាំ ២០០៨ មក ច្រកទ្វាពីខាង​ទឹកដីនៃស្រុក Kantharalak ខេត្តស៊ីសាកេត ប្រទេសថៃ គឺត្រូវបានបិទមិនអាចឲ្យអ្នកទេសចរមកទស្សនា​ប្រាសាទព្រះវិហារ ចូលពីខាងទឹកដីថៃឡើយ ។ ​

គិតមកដល់ពេលបច្ចុប្បន្ននេះ ភាគីកម្ពុជាបានរារាំងការចូលទៅកាន់ប្រាសាទព្រះវិហារពីខាងទឹកដីរបស់ប្រទេសថៃអស់រយៈពេលជាងមួយទសវត្សរ៍មកហើយ ។

​គួរបញ្ជាក់ថា កម្ពុជាបានដាក់ប្រាសាទព្រះវិហា​រចូលទៅក្នុងសម្បត្តិបេតិកភណ្ឌពិភពលោក​នៅក្នុងឆ្នាំ ២០០៨ បន្ទាប់មក​ ក៏មានការប៉ះទង្គិចគ្នាជាបន្តបន្ទាប់ករហូតដល់ឆ្នាំ ២០១១​ ដោយការមិនពេញចិត្តពីសំណាក់ភាគីថៃ ៕   

ប្រែសម្រួល៖ នាង រតនៈ

ប្រភព៖ Bangkok Post

ចុចអាន ៖ លោក Pita នឹងបំបែកកំណត់ត្រាថ្មីមួយ បើក្លាយជានាយករដ្ឋមន្ត្រីថ្មីរបស់ ថៃ