ជីវិតកម្សាន្ដ

រឿងធំហើយ ! អ៊ុន សិទ្ធា ត្រូវជនអនាមិកបង្កើត Facebook ឆាតបបួលគេរួមភេទ

បានផុស

៥ years មុន

នៅ

ថ្ងៃសុក្រ ២២ មករា ២០២១

ដោយ

ពិតជារឿងដ៏ចាប់អារម្មណ៍ថ្មីមួយទៀត ខណៈនៅសុខៗតារាសម្តែងសម្បូរមន្តស្នេហ៍លោក អ៊ុន សិទ្ធា ត្រូវបានជនអនាមិកលួចយកឈ្មោះ និងរូបថតទៅបង្កើតគណនីហ្វេសប៊ុកក្លែងក្លាយក្នុងចេ តនាមិនល្អ ដើម្បីបំផ្លាញកិត្តិយស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈខ្លឹមសារ ដែលត្រូវបានទម្លាយចែករំលែកនៅលើបណ្តាញសង្គមហ្វេសប៊ុកនោះ គឺគេសង្កេត ឃើញជនអនាមិកបានប្រើប្រាស់ឈ្មោះ និងរូបភាពរបស់តារាប្រុស អ៊ុន សិទ្ធា ដោយឆាតទៅកាន់បុគ្គលមួយចំនួន ដោយប្រើភាសាបបួលទៅដេកជាមួយ(រួមភេទ)។ ប៉ុន្តែក្រោយពេលមានការបែកធ្លាយ ត្រូវបានសាមីខ្លួនឆ្លើយបដិសេធថា នេះជាហ្វេសប៊ុកក្លែងក្លាយប៉ុណ្ណោះ។ បន្ទាប់ពីកើតមានរឿងរ៉ាវនិងទង្វើដ៏ស្មោកគ្រោកបែបនេះ លោក អ៊ុន សិទ្ធា បានចេញមុខបញ្ជាក់ឲ្យដឹងថា ចំពោះAccount Facebookនោះ ពុំមែនជារបស់លោកទេ។ លោកបានចាត់ទុកសកម្មភាពនេះ ជាទង្វើដ៏ថោកទាបនិងស្អប់ខ្ពើមបំផុត។ យ៉ាងណាមិញ សម្រាប់វិធានការផ្លូវច្បាប់លោកនៅមិនទាន់បញ្ជាក់ទេ។

តារាប្រុសលោក អ៊ុន សិទ្ធា បានធ្វើការអំពាវនាវដល់អ្នកគាំទ្រ និងមហាជនថាសូមបងប្អូនប្រុងប្រយ័ត្នលើបុគ្គលម្នាក់នេះផង ព្រោះមិនដឹងថា គាត់មានជំងឺអ្វីទេ។ នៅសុខៗដើរឆាតបបួលគេមកដេកជាមួយ ស្ទើរតែគ្រប់គ្នាហើយបើមិនចូលចិត្តខ្ញុំទេ ក៏មិនគួរធ្វើដាក់ខ្ញុំដល់ថ្នាក់នេះដែរ។ សូមបងប្អូនជួយReport បុគ្គលម្នាក់នេះផង ព្រោះនេះមិនមែនជាគណនីហ្វេសប៊ុករបស់ខ្ញុំទេ៕