ព័ត៌មានអន្ដរជាតិ
ប្រទេសអាហ្វ្រិកខាងត្បូង នឹងមិនចាប់ខ្លួនលោក ពូទីន តាមដីការបស់ ICC ទេ
ប្រទេសអាហ្រ្វិកខាងត្បូង នឹងមិនអនុវត្តដីការបស់តុលាការឧក្រិដ្ឋកម្មអន្តរជាតិ (ICC) ក្នុងការចាប់ខ្លួនប្រធានាធិបតីរុស្ស៊ីលោក វ្ល៉ាឌីមៀរ ពូទីន នោះទេ។ នេះបើតាមការបញ្ជាក់ពីលោកស្រី Khumbudzo Ntshavheni រដ្ឋមន្ត្រីនៃការិយាល័យប្រធានាធិបតី កាលពីថ្ងៃព្រហស្បតិ៍ ទី៨ ខែមិថុនា ។
ដោយសំដៅទៅលើសេចក្តីថ្លែងការណ៍របស់លោក ឌីមីទ្រី ម៉េដវេដេហ្វ កាលពីខែមីនា, លោកស្រី Ntshavheni បាននិយាយ ថា “អនុប្រធានក្រុមប្រឹក្សាសន្តិសុខនៃប្រទេសរុស្ស៊ី បានគូសបញ្ជាក់ថា អ្នកណាហ៊ានចាប់ខ្លួនលោកប្រធានាធិបតី ពូទីន គឺស្មើនឹងការប្រកាសសង្គ្រាម”។
នៅពេលនោះ លោក ម៉េដវេដេហ្វ បាននិយាយអំពីប្រទេសអាល្លឺម៉ង់ ដោយប្រកាសថា “ប្រសិនបើលោក ពូទីន ត្រូវបានចាប់ខ្លួនមែននោះ មីស៊ីលរបស់យើងទាំងអស់ នឹងហោះទៅកាន់សភាអាល្លឺមង់ និងទៅការិយាល័យរបស់អធិការបតី”។
គួររម្លឹកថា កាលពីពាក់កណ្តាលខែមីនា ឆ្នាំ២០២៣, ICC បានចេញដីកាចាប់ខ្លួនប្រធានាធិបតីរុស្ស៊ី លោក វ្ល៉ាឌីមៀរ ពូទីន និងលោកស្រី ម៉ារៀ ឡូវ៉ា-បេឡូវ៉ា ដែលជាស្នងការប្រធានាធិបតីទទួលបន្ទុកសិទ្ធិកុមារ។ តុលាការបានចោទប្រកាន់អ្នកទាំងពីរ ពីបទបញ្ជូនប្រជាជនដោយបង្ខំ ជាពិសេសកុមារ។
ក្នុងនាមជាប្រទេសហត្ថលេខីនៃលក្ខន្តិកៈទីក្រុងរ៉ូម ឆ្នាំ២០០២, អាហ្វ្រិកខាងត្បូងមានកាតព្វកិច្ចអនុវត្តដីកានេះ ប៉ុន្តែទោះបីជាយ៉ាងណាក៏ដោយ ប្រទេសនេះក៏នឹងធ្វើជាម្ចាស់ផ្ទះនៃកិច្ចប្រជុំកំពូល BRICS នៅក្នុងខែសីហាឆ្នាំនេះផងដែរ ដោយពេលនោះ មេដឹកនាំនៃប្រទេសធំៗដែលមានសេដ្ឋកិច្ចរីកចម្រើនលើពិភពលោក ដូចជាប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូងជាដើម នឹងត្រូវជួបប្រជុំគ្នា៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី៖ គ្មានប្រទេសណា ហ៊ានចាប់ខ្លួនលោក ពូទីន តាមដីការបស់ ICC ទេ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ