ព័ត៌មានអន្ដរជាតិ
រុស្ស៊ី៖ គ្មានប្រទេសណា ហ៊ានចាប់ខ្លួនលោក ពូទីន តាមដីការបស់ ICC ទេ
អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅក្នុងបទសម្ភាសមួយកាលពីថ្ងៃពុធ ទី១០ ខែឧសភាថា តុលាការឧក្រិដ្ឋកម្មអន្តរជាតិ (ICC) គឺជាអាយ៉ងរបស់លោកខាងលិច ហើយរុស្ស៊ីពិបាកនឹងស្រមៃណាស់ថា មានប្រទេសហ៊ានអនុវត្តដីកាចាប់ខ្លួនលោក ពូទីន ដែលជាប្រធានាធិបតីនៃប្រទេសមហាអំណាចនុយក្លេអ៊ែរអធិបតេយ្យមួយនេះ ។

លោក Peskov បានលើកឡើងបែបនេះ ជាការឆ្លើយតបទៅសំណួររបស់ទូរទស្សន៍ ATV អំពីការចោទប្រកាន់របស់ ICC ប្រឆាំងនឹងលោកប្រធានាធិបតី វ្ល៉ាឌីមៀរ ពូទីន និងស្នងការសិទ្ធិកុមារលោកស្រី Maria Lvova-Belova។
លោក Peskov បានប្រាប់ ATV ថា ដីកា ICC មានន័យថា អាចមានរដ្ឋនៅទីនោះខ្វះអធិបតេយ្យ ហើយប្រហែលជាគិតថា ពួកគេមានចំណាប់អារម្មណ៍ក្នុងការធ្វើសកម្មភាពលើដីកានោះ ប្រសិនបើពួកគេទទួលបានឱកាស។ ប៉ុន្តែខ្ញុំមិនហ៊ានស្រមៃទេថា នឹងមាននរណាម្នាក់ ហ៊ានធ្វើតាមដីកានោះប្រឆាំងនឹងប្រធានាធិបតីរុស្ស៊ី។
លោកបន្ថែមថា វាជារឿងដែលមិនអាចនឹកដល់ រុស្ស៊ីគឺជាប្រទេសធំបំផុតមួយក្នុងពិភពលោក និងជាមហាអំណាចនុយក្លេអ៊ែរធំបំផុតមួយ។

លោកថែមទាំងអះអាងទៀតថា រុស្ស៊ីមិនមែនជាប្រទេសហត្ថលេខីនៃលក្ខន្តិកៈទីក្រុងរ៉ូមទេ ហើយក៏មិនទទួលស្គាល់តុលាការដែលមានមូលដ្ឋាននៅទីក្រុងឡាអេ មួយនេះដែរ។
លោក Peskov គូសបញ្ជាក់ថា “ក្នុងកាលៈទេសៈបច្ចុប្បន្ន យើងចាត់ទុកស្ថាប័ននេះ ជាអាយ៉ងលោកខាងលិច ដែលគេកំពុងប្រើប្រាស់ដើម្បីដាក់សម្ពាធប្រទេសរបស់យើង។ ពួកគេនឹងមិនជោគជ័យឡើយ”។
គួរបញ្ជាក់ថា កាលពីខែមីនា ICC បានចេញដីកាចាប់ខ្លួន ដោយអះអាងថា លោក ពូទីន និងលោកស្រី Lvova-Belova ជាអ្នកទទួលខុសត្រូវការនិរទេសកុមារដោយខុសច្បាប់ ចេញពីតំបន់កាន់កាប់នៅក្នុងប្រទេសអ៊ុយក្រែន៕
ប្រែសម្រួល៖ Vann Vann
ប្រភព៖ RT

-
ព័ត៌មានអន្ដរជាតិ១២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?