ព័ត៌មានជាតិ

២ ឆ្នាំ មន្ត្រីឧទ្យានុរក្ស ដោះអន្ទាក់បានប្រមាណ ១០ ម៉ឺន

បានផុស

៣ years មុន

នៅ

ថ្ងៃអង្គារ ២៧ មិថុនា ២០២៣

ដោយ

យោងតាមលទ្ធផល នៃការដោះអន្ទាក់ ត្រឹមតែរយៈពេល ២ ឆ្នាំប៉ុណ្ណោះ មន្ត្រីឧទ្យានុរក្សសហគមន៍រួមគ្នា នឹងអាចដោះអន្ទាក់បានចំនួន ១០ ម៉ឺនអន្ទាក់។ នេះបើយោងតាមលោក នេត្រ ភក្រ្តា រដ្ឋលេខាធិការក្រសួងបរិស្ថាន បានឲ្យដឹង កាលពីថ្ងៃទី ២៦ ខែមិថុនា ឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក នេត្រ ភក្ត្រា បានឲ្យដឹងថា លោកមិនបញ្ជាក់ច្បាស់ពីតួលេខថា អន្ទាក់ប៉ុន្មានដែលត្រូវបានដាក់ក្នុងមួយឆ្នាំនោះទេ។ ប៉ុន្តែបើយោងតាមលទ្ធផល នៃការដោះអន្ទាក់របស់មន្ត្រីឧទ្យានុរក្ស សហគមន៍ ក្នុងរយៈពេល ២ ឆ្នាំ អាចដោះអន្ទាក់បានចំនួន ១០ ម៉ឺនអន្ទាក់។ ក្នុងនោះ ឆ្នាំ ២០២១ អាចដោះបាន ៦១៦១១ អន្ទាក់ និងឆ្នាំ ២០២៣ បានចំនួន ៣៩០០០អន្ទាក់។

លោករដ្ឋលេខាធិការក្រសួងបរិស្ថាន បានបន្តថា បរិមាណអន្ទាក់អាចដោះបាននេះ តាមការសិក្សាតំណាងឱ្យត្រឹមតែ ២០% ប៉ុណ្ណោះ នៃចំនួនអន្ទាក់ដែលបានដោះ។ ដោយឡែក ចំពោះកាំភ្លើងកែច្នៃវិញ ក៏ជាកត្តាដែលនាំឱ្យមានគ្រោះថ្នាក់ទាំងសត្វព្រៃ និងមនុស្ស។ ហើយក្នុងរយៈពេល ២ ឆ្នាំ គឺ នៅឆ្នាំ ២០២១ និងឆ្នាំ ២០២២ កាំភ្លើងកែច្នៃចំនួន ១៤១៦ ដើម ក៏ត្រូវបានដកហូតផងដែរ។ មិនតែប៉ុណ្ណោះជាលទ្ធផលសត្វព្រៃជាច្រើនពាន់ក្បាល ត្រូវបានសង្គ្រោះ មិនឱ្យជាប់អន្ទាក់ ដែលព្រានព្រៃបានដាក់ និងមិនរងបួសស្លាប់ដោយសារតែកាំភ្លើងកែច្នៃ។

លោក នេត្រ ភក្ត្រា បានអំពាវនាវឲ្យចូលរួមអភិរក្សសត្វព្រៃទាំងអស់គ្នា។ លោកថា «សូមឲ្យចូលរួមអភិរក្សសត្វព្រៃទាំងអស់គ្នា! នៅក្នុងព្រៃ គ្មានអន្ទាក់ នៅក្នុងភោជនីយដ្ឋានគ្មានសាច់សត្វព្រៃ!»។

ជាមួយគ្នានេះ អ្នកអភិរក្ស ក៏មានការយកចិត្តទុកដាក់ខ្ពស់លើប្រភេទឆ្កែប្រមាញ់ ប្រជាពលរដ្ឋបានចិញ្ចឹម ដែលបង្កមហន្តរាយដល់សត្វព្រៃ និងសត្វស្រុក។ ទន្ទឹមនឹងការប្រមាញ់សត្វ ក៏មានការចម្លងមេរោគពីសត្វស្រុកទៅសត្វព្រៃ និង ពីសត្វព្រៃមកសត្វស្រុកផងដែរ៕

Related Topics:លោក នេត្រ ភក្ដ្រា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា